Жителите на дел од улицата „Борис Трајковски“ во скопската населба Усје утрово се соочуваат со прекин на водоснабдувањето поради дефект на уличната водоводна мрежа.
Од ЈП „Водовод и канализација – Скопје“ информираат дека проблемот настанал рано изутрина, околу 07:30 часот, поради што без вода останале корисниците кои живеат на потегот од број 4 до број 30 на оваа улица.
Надлежните служби се на терен и работат на санирање на дефектот, а снабдувањето со вода ќе биде обновено веднаш штом интервенцијата ќе биде завршена.
