Тирана – Албанија добила 50 камикази дронови YIHA-III од Турција, како дел од стратешката соработка меѓу двете земји, според податоците од меѓународната база за вооружување SIPRI Arms Transfers.
Овие дронови се класифицирани како „loitering munition“, вид муниција која може долго време да остане во воздух и прецизно да ја погоди целта. Системот е наменет за напади врз радари, системи за воздушна одбрана и стратешки објекти, а се сместени во воздухопловната база во Кучово, објавија албанските медиуми.
Албанскиот премиер Еди Рама изјавил дека дроновите се подарок од Турција и дека нивната цел е да ја зголемат безбедноста на Албанија и придонесот кон НАТО, без да ги загрозат соседните земји.
Според SIPRI, Албанија продолжува да ја модернизира својата армија со нова опрема. Покрај дроновите, планирано е купување на 20 оклопни возила LMV-2 од италијанската компанија Iveco Defense Vehicles, нарачани во 2025 година, со испорака очекувана во иднина.
