Иранската нуклеарна електрана Бушехр била погодена од проектил, потврди руската државна корпорација за атомска енергија „Росатом“.
Според првичните информации, проектилот паднал во непосредна близина на оперативниот реактор, во делот наменет за метрологија. Засега нема извештаи за жртви или истекување на радијација.
Во централата се наоѓаат околу 480 руски експерти, а се подготвува и трет бран на нивна евакуација заради безбедноста на персоналот.
„Росатом“ истакнува дека работата на нуклеарната електрана засега не е нарушена, но ситуацијата се следи внимателно поради потенцијалните ризици од нападот.
