Хрватска се соочува со сериозен недостиг на гориво, кој веќе доведува до затворање на бензински станици низ земјата. Најпогодени се помалите населени места, каде граѓаните остануваат без пристап до основни енергетски ресурси.
Во Удбина, една бензинска станица веќе е затворена, со пумпите заштитени со пластика, додека другата, во сопственост на ИНА, работи со скратено работно време – само до 13 часот.
Жителите се соочуваат со сериозни тешкотии, бидејќи најблиските функционални бензински станици се наоѓаат на десетици километри оддалеченост. Ова создава дополнителен притисок врз секојдневниот живот, транспортот и локалната економија.
„Не е добро, најблиската пумпа ни е во Грачац. Тешко е, навистина тешко, точиме каде што ќе стигнеме“, велат загрижени жители за хрватските медиуми.
Од ИНА соопштуваат дека внимателно ја следат состојбата, но засега нема најава за продолжување на работното време на бензинските станици, што дополнително ја зголемува неизвесноста меѓу возачите.
…
