Колумбиски воен авион „Херкулес Ц-130“ се урна при полетување во густата амазонска прашума, во близина на границата со Перу. Во моментот на несреќата, на бортот се наоѓале 128 припадници на различни единици на вооружените сили и полицијата.
Според официјалните информации на колумбиското Министерството за одбрана, животот го загубиле 66 војници. На авионот имало 115 војници од армијата, 11 од воздухопловните сили и двајца припадници на националната полиција.
Министерот за одбрана, Педро Санчез, потврди дека трагичниот настан се случил веднаш по полетувањето од колумбиската база, додека авионот превезувал персонал на различни воени единици. Причините за несреќата засега остануваат непознати, а истрагата е во тек.
