Повозрасна жена завршила со тешки телесни повреди откако била прегазена од возило на крстосница во скопската населба Аеродром.
Според информациите од полицијата, на 28 март 2026 година околу 09:15 часот, во СВР Скопје било пријавено дека на крстосница од сервисна улица и булеварот „Јане Сандански“, патничко возило „шкода“ со скопски регистарски ознаки, управувано од М.Н.К. (68) од Скопје, удрило во 75-годишната Р.Т. од Скопје.
Во несреќата, пешакот се здобил со тешки телесни повреди, кои биле констатирани во Градска општа болница „Св. Наум Охридски“.
На местото на настанот увид извршила екипа од СВР Скопје, а се преземаат дополнителни мерки за расчистување на случајот.
