Жителите на дел од скопските улици „Радика“, „Пелистерска“, „Струма“, „Огражден“, како и од одредени делови на „Карпошево Востание“, „Манапо“ и „Илинденска“, денеска ќе останат без вода.
Како што соопшти ЈП Водовод и канализација – Скопје, причината за прекинот е замена на шибер со пречник од 100 мм на ул. „Струма“ бб. Работата ќе започне во 12:50 часот, а водоснабдувањето ќе биде прекинато се додека не завршат техничките интервенции.
Јавната служба апелира до граѓаните за разбирање и трпение додека траат активностите.
