Министерката за енергетика, рударство и минерални суровини, Сања Божиновска, е дел од македонската делегација која учествува на Стратешкиот дијалог во Соединетите Американски Држави, платформа за продлабочување на партнерството меѓу двете земји.
Во рамки на дијалогот, Божиновска ќе земе учество на тематски сесии и ќе има серија билатерални средби со претставници на американската администрација и компании од енергетскиот сектор.
Главните теми на разговор се енергетска безбедност, економска соработка и конкретни проекти кои ја поддржуваат стабилноста и развојот на земјата.
„Овој дијалог е клучен за позиционирање на Северна Македонија како партнер со јасна визија и приоритети во енергетскиот сектор“, истакна Божиновска.
Делегацијата, составена од претставници на повеќе министерства, има за цел да ја зајакне економската и енергетската соработка меѓу двете земји, отворајќи нови можности за инвестиции и развој.
…
