Двонеделното примирје меѓу САД и Иран веднаш донесе промени на пазарот на нафта, туркајќи ја цената на суровата нафта под границата од 100 долари за барел. Утрово, барел Брент се тргува по 93,85 долари, што претставува пад од околу 14% во однос на вчерашните 108 долари.
Слична динамика се забележува и кај WTI нафтата, која забележува пад од 15,24% за само еден ден.
Сепак, неизвесноста останува. Пазарот ќе ги следи развојот на состојбите околу Ормутскиот теснец. Доколку тој повторно стане целосно функционален во наредните денови, се очекува дополнително ослободување на понудата, што може да предизвика нов пад на цените и постепена стабилизација на глобалните енергетски пазари.
