Во Вашингтон е најавен амбициозен проект во чест на 250-годишнината од независноста на Соединетите Американски Држави, при што Белата куќа го претстави и официјалното име на идниот споменик: „Триумфалната капија на Соединетите Американски Држави“.
Според објавените планови, монументот е замислен како импресивна градба висока околу 250 стапки, односно повеќе од 76 метри, што веднаш го става значително над прочуената Триумфална капија во Париз, висока 50 метри.
Проектот не се позиционира само како симболичен објект за јубилејот, туку и како обид за поставување нови светски стандарди во оваа архитектонска форма. Со својата висина, американската верзија би ги надминала и Споменикот на револуцијата во Мексико (67 метри), како и Триумфалната капија во Северна Кореја (60 метри), со што би се искачила на врвот меѓу ваквите споменици во светот.
…
