Градоначалникот на општина Јегуновце, Димитар Костадиноски, соопшти дека се изградени два нови детски забавни паркови во населените места Раотинце и Туденце.
Со реализацијата на овој проект, како што истакна Костадиноски, значително се подобруваат условите за најмладите, но и за сите жители од овие населени места, кои отсега ќе имаат современ простор за рекреација, игра и спорт.
„Ова е новото време во општина Јегуновце. Продолжуваме со зацртаните цели и проекти со кои го подобруваме квалитетот на живеење во сите сфери. Особено ми е драго што ги подобруваме условите каде спортуваат и се рекреираат нашите деца и сограѓани“, истакна Костадиноски.
Од општината најавуваат дека ќе продолжат со слични инвестиции и во другите населени места, со цел унапредување на јавната инфраструктура и создавање подобри услови за живот.
