Во пресрет на 11 Октомври, ученици од текстилно-кожарската и шумарско-дрвопреработувачката струка при СОУ „Ѓорче Петров“ во Прилеп му подарија рачно изработено македонско знаме на градоначалникот Дејан Проданоски.
Знамето е едно од трите што ги изработиле учениците, а Проданоски најави дека ќе го постави на посебно место во својот кабинет.
„Горд сум на нашите млади кои преку ваквите дела ја покажуваат својата почит кон националните симболи и македонската историја“, истакна Проданоски.
Тој им се заблагодари на учениците за подарокот и за пораката што ја испраќаат, нагласувајќи дека знамето е создадено со многу труд, креативност и љубов кон татковината.
„Нека е вечна Република Македонија!“, порача градоначалникот.
…
