Грчкиот министер за национална економија и финансии и претседател на Еврогрупата, Кирјакос Пиеракакис, предупреди дека светот може да се соочи со најтешка енергетска криза во историјата доколку не се обезбеди нормално функционирање на Ормутскиот теснец.
Во изјава за Си-ен-би-си, тој нагласи дека оваа стратешка поморска рута е клучна за глобалниот енергетски пазар, бидејќи низ неа минуваат големи количини на нафта, гас и други енергетски и индустриски суровини. Според него, дури и делумно нарушување на протокот може да има сериозни последици за светската економија.
Пиеракакис се повика и на оценки на извршниот директор на Меѓународната агенција за енергија, Фатих Бирол, според кои актуелната состојба може да прерасне во најголемата енергетска криза досега, надминувајќи ги нафтените шокови од 70-тите години и кризата предизвикана од руската инвазија врз Украина.
Тој посочи дека според анализите, потенцијалните загуби во снабдувањето со нафта и природен гас би биле значително поголеми од претходните кризни периоди, што дополнително ја зголемува загриженоста за глобалната енергетска стабилност.
…
