Осомничениот за напад на гала-вечерата на Здружението на дописници од Белата куќа, Кол Ален, наводно испратил обемен манифест до своето семејство непосредно пред да влезе во хотелот каде што се одржувал настанот.
Според информации објавени од американски медиуми, пораката била испратена само неколку минути пред инцидентот и содржела лични ставови, извинувања до блиските и обиди за оправдување на неговите постапки. Во текстот, тој наведува дека чувствувал лична одговорност за политичките случувања во земјата, како и дека неговата цел биле одредени претставници на администрацијата.
Во манифестот, осомничениот исто така споменува дека не очекува прошка за своите дела, додека во делови од пораката изразува каење и внатрешна вознемиреност. Дел од содржината се однесува и на безбедносните мерки на настанот, за кои тој тврди дека биле недоволни.
Надлежните институции во САД продолжуваат со истрагата за целиот случај, вклучително и проверка на автентичноста на пораката и можните пропусти во обезбедувањето. Детали за мотивите и околностите на нападот сè уште се утврдуваат.
…
