За текот на изведбата на булеварскиот влез во Битола од страната на Прилеп и по претходно утврдените забелешки за одредени позиции од надзорот „ЗИМ“ ( Завод за испитување на материјали) – Скопје и стручните лица на Општина Битола, денеска секретарот на општината Борче Димитровски, со одговорните лица од општината и претставник на изведувачот изврши увид на состојбата.
„Како што најави градоначалникот еден од проектите кои се реализира и за кој имаше храброст да го започне оваа локална самоуправа е булеварскиот влез во Битола од страната на Прилеп. Изведена е првата фаза во должина од 840 метри. Она што ќе следува е хортикултурно уредување на овој дел од влезот.
Во меѓувреме за да може да започне уредувањето од страна на општината побарано е од изведувачот да изврши корекција и да достави динамика за изведба на 11 позиции меѓу кои: поврзување на трајна водоводна линија, довод на водоводна линија за наводнување на зелените површини, отстранување на земја, корекција на велосипедските премини, корекција на жардиниерите, ограда на потпорен ѕид, корекција на асфалтот околу уличните сливници. Исто така, од надзорот е побарано да изврши проверка на 4 други позиции со цел кога ќе бидат реализирани активностите на терен да имаме комплетно и квалитетно реализирани активности согласно договорот. Завршувањето на овие активности како што напоменав е значајно и за отпочнување на хортикултурно уредување на овој простор. Би потенцирал дека корекциите кои се изведуваат по насока на стручните служби од Општината се во целост на товар и на сопствен трошок на изведувачот. Изведувачот е на терен и денес детално ќе ја информира јавноста за динамиката и активностите кои се изведуваат“ рече секретарот Димитровски.
Во име на изведувачот за актуелната состојба и динамиката на изведба на работите зборуваше Методија Силјановски-претставник на „БВ Инженеринг“.
„Фирмата „БВ Инженеринг“ од Битола како изведувач на градежните активности на улицата „8-ми Септември“ во должина од 840 метри комплетно со сите инфраструктурни инсталации кои се во рамките на таа улица, ги заврши околу 95 проценти во 2025 година. По завршувањето на овие активности заедно со надзорот и стручните служби од Општина, се излезе на терен, се изврши увид во кој се состави еден записник за работи или позиции кои треба да се дозавршат за да се комплетира проектот и да се стави во употреба.
Согласно временските услови се пристапи кон изведување на тие активности во кои беа: изградба на заштитна ограда во должина околу 350 метри која е веќе при крај, а одреден дел само да се доисфарба, влезно-излезни глави на пропустот кои се во тек. Во рамките на проектот не беше планирано да се изврши одводнување на зелениот појас, се пристапи и кон таа активност која е во тек и во рок од три недели од денешен ден треба да бидат комплетирани сите градежни активности на оваа улица со што ќе се изврши повторен увид од страна на стручните лица на Општина Битола заедно со надзор и ние како изведувач и ќе се утврди дали тие забелешки се отстранети“ рече Силјановски.
ВИДЕОТО МОЖЕ ДА ГО ПОГЛЕДНЕТЕ ТУКА
…
