Денешниот ден носи стабилни временски прилики низ Македонија, но според најновите прогнози, ваквата атмосфера ќе биде краткотрајна и веќе од средината на неделата следува постепена промена.
Денот започнува со посвежи утрински температури, кои на одделни места се спуштаат и до минус еден степен, додека во текот на денот живата во термометарот ќе се искачи до пријатни 25 степени. Времето ќе биде претежно сончево, со мала локална облачност и слаб до умерен ветер од северен правец, што дополнително ќе придонесе за чувство на свежина. Слични временски услови се очекуваат и во Скопје.
Сепак, стабилноста нема да се задржи долго. Метеоролозите најавуваат дека веќе од среда попладне ќе започне зголемување на облачноста, што ќе донесе и први знаци на нестабилност, проследени со повремени врнежи од дожд.
Во текот на четвртокот, освен дожд, локално се можни и појава на ретки грмежи, додека петокот носи поинтензивни врнежи кои ќе зафатат поголем дел од земјата. Паралелно со ова, ќе дојде и до промена на ветерот: од слаб до умерен јужен правец во текот на работната недела, кон северен во сабота, што може да предизвика и благо намалување на температурите за време на викендот.
…
