Во Владата се одржа состанок посветен на реформската агенда и процесот на европска интеграција, на кој преку онлајн обраќање учествуваше директорот на Директоратот на Европската комисија за проширување и источно соседство, Герт Јан Копман.
На состанокот, кој го водеше премиерот Христијан Мицкоски, беа разгледани клучните реформски приоритети, како и следните чекори што земјата треба да ги преземе во рамки на пристапниот процес кон Европската Унија.
Во дискусиите учествуваа и евроамбасадорот Михалис Рокас, како и министрите Тимчо Муцунски, Беким Сали, Бесар Дурмиши, Гордана Димитриеска-Кочоска и Стефан Андоновски, кои ги претставија актуелните активности и приоритети во своите ресори поврзани со реформската агенда.
Според заклучоците од состанокот, фокусот останува на забрзување на реформските процеси, зајакнување на институционалните капацитети и исполнување на обврските во рамки на европската интеграција, при што беше нагласена и важноста на континуираната координација со Европската комисија.
…
