Рускиот министер за надворешни работи Сергеј Лавров денеска остро реагираше за време на прес-конференција во Њу Делхи, кога новинар го прекина неговото обраќање со гласен звук од телефон или уред за симултан превод.
Лавров веќе зборуваше пред медиумите кога од публиката се слушнал силен аудио-сигнал, по што рускиот министер накратко замолкнал и на англиски јазик побарал новинарот да ја напушти салата.
‘Sir, if you don’t surrender your phone, they’ll take out a gun, you know’
Russian Foreign Minister shut down a journalist who kept disrupting his remarks during a press conference in India
The reporter interrupted Lavrov twice after getting phone calls during the event
Lavrov… pic.twitter.com/vhoKPmwCby
— Diamond Feed (@DiamondFeedX) May 15, 2026
„Можете ли да излезете? Кој ги испушта тие звуци – вие или вашиот телефон?“, прашал Лавров.
Откако звукот повторно се слушнал, тој уште еднаш побарал новинарот да биде отстранет, нагласувајќи дека „не се шегува“.
Потоа им се обратил на присутните обезбедувачи со зборовите: „Луѓе, извадете го од тука“.
Во еден момент, Лавров упатил и предупредување до новинарот, велејќи: „Ако не го предадете телефонот, ќе го извадат оружјето“.
Рускиот министер престојува во тридневна посета на Индија, каде учествува на состаноци во рамки на БРИКС и остварува средби со претставници на Индија, Тајланд, Египет, Иран и Малезија.
