Секторот за компјутерски криминал при МВР работи на две активни наредби издадени од Основното јавно обвинителство за гонење организиран криминал и корупција, кои се поврзани со анализа на дигитални докази во рамки на конкретен предмет, информираат од Министерството за внатрешни работи.
Според официјалните информации, наредбите биле доставени во текот на февруари и март 2026 година и се однесуваат на детално вештачење на електронски материјали обезбедени од одземена техничка опрема. Станува збор за обемна количина податоци, што значително го продолжува процесот на нивна обработка и бара внимателен и темелен пристап од стручните тимови.
Од МВР појаснуваат дека експертската анализа е во завршна фаза, но поради комплексноста на дигиталните траги и обемот на материјалот, финалното систематизирање сè уште трае. По комплетирањето, целокупната документација ќе биде доставена до надлежното обвинителство за понатамошно постапување.
Институциите нагласуваат дека јавноста ќе биде навремено информирана веднаш штом ќе заврши обработката и ќе се утврдат следните чекори во постапката
…
