Силно невреме проследено со интензивни врнежи предизвика поплави во повеќе делови од Бугарија, при што се поплавени домови, дворови и подруми во неколку населени места.
Најкритична е состојбата во регионите на Велико Трново и Габрово, како и околните места, каде се измерени над 70 литри дожд на метар квадратен.
Во Велико Трново е прогласена вонредна состојба, а најтешка е ситуацијата во Присово и Дебелец, каде дел од жителите се евакуирани поради високото ниво на вода.
Надлежните служби се на терен и работат на санирање на последиците и обезбедување помош за загрозеното население.
…
