Битолчанец пријавил во полиција дека бил измамен од лице кое се претставило како мајстор за поставување плочки, откако му предал 91.000 денари за набавка на материјали за реновирање на купатило.
Според информациите од СВР Битола, А.Д. (59) од Битола го ангажирал лицето за изведување градежни работи во неговиот стан и му ги доверил парите со цел набавка на потребниот материјал.
Сепак, до моментот на пријавата, лицето не започнало со договорените работи и целосно избегнувало контакт со оштетениот, по што тој сфатил дека е измамен.
Од полицијата информираат дека се преземаат мерки за целосно расчистување на случајот.
