Трагичен настан се случил во Охрид, каде што 49-годишен жител на градот им подлегнал на тешките повреди здобиени при пад од покрив на куќа што ја градел.
Според информациите од Министерството за внатрешни работи, на 4 јули 2026 година во 22:45 часот, во СВР Охрид било пријавено дека А.Ј. (49) од Охрид починал во Специјалната болница за ортопедија и трауматологија „Св. Еразмо“ во Охрид.
Според пријавеното, тој претходно бил пренесен во болницата со тешки телесни повреди, кои ги здобил при пад од покрив на куќа што ја градел на сопствена парцела, лоцирана во близина на стариот пат Охрид–Струга.
Полициски службеници извршиле увид на местото на несреќата, а надлежните институции работат на целосно утврдување на сите околности под кои се случил трагичниот настан.p
