Поголема количина разновидна наркотична дрога е пронајдена при полициска акција спроведена во напуштени подрумски простории во скопската населба Аеродром, соопшти Министерството за внатрешни работи.
Акцијата била реализирана на 8 јули од полициски службеници од Единицата за недозволена трговија при СВР Скопје, по претходно преземени оперативни мерки.
При претресот биле пронајдени бела грутчеста материја, халуциногени печурки, кеса со поголема количина таблети екстази, марихуана, како и три дигитални ваги, кои најчесто се користат при мерење и пакување на наркотични средства.
Од МВР информираат дека се преземаат дополнителни мерки за целосно расчистување на случајот, по што ќе биде поднесен соодветен поднесок против инволвираните лица.
Видеото може да го погледнете тука
…
