Автомобил излетал од коловозот на автопатот Тетово–Скопје, поради што сообраќајот во моментов се одвива само по една сообраќајна лента.
Според првичните информации, на местото на несреќата е запрен и камион, но засега не е познато дали дошло до контакт меѓу него и автомобилот што излетал од патот.
Очевидци велат дека на местото се запрени и повеќе возила кои се движеле пред и зад автомобилот што учествувал во несреќата, додека надлежните служби вршат увид и работат на расчистување на случајот.
Во овој момент нема официјални информации дали во несреќата има повредени лица. Од Министерството за внатрешни работи се очекуваат повеќе детали по завршувањето на увидот.
Поради интервенцијата на терен, сообраќајот на овој дел од автопатот се одвива отежнато, па на возачите им се препорачува зголемена внимателност и почитување на сообраќајната сигнализација.
Видеото може да го погледнете тука
…
