Американскиот претседател Доналд Трамп изјави дека неговата администрација одиграла клучна улога во заштитата на Израел, оценувајќи дека без неговото претседателство ситуацијата на Блискиот Исток би била многу поинаква.
„Да не бев претседател денес, Израел немаше да постои“, изјави Трамп, коментирајќи ги потезите поврзани со иранската нуклеарна програма.
Тој се осврна и на иранската локација „Пикекс“, за која рече дека во моментов не претставува голема закана, но предупреди дека може да биде цел доколку Техеран не постигне договор.
„Ние веќе ги уништивме нивните нуклеарни локации, а ќе мораме да го уништиме и ’Пикекс’ доколку не склучат договор“, рече американскиот претседател.
Трамп изрази незадоволство од изјавите на израелскиот премиер Бенјамин Нетанјаху за активностите на Иран на оваа локација, прашувајќи зошто информациите биле објавени јавно наместо прво да бидат споделени со него.
„Зошто не можеше едноставно да ми кажеш мене? Зошто мораше да му кажуваш на целиот свет?“, изјави Трамп.
Тој дополнително порача дека САД имаат капацитет за брзи воени операции против клучната инфраструктура на Иран, наведувајќи дека ирански мостови би можеле да бидат уништени за помалку од еден час, а електраните за еден ден.
