Италијански државјанин е приведен на Меѓународниот аеродром Скопје, откако при гранична контрола во неговиот личен багаж биле пронајдени два ловечки патрони.
Според информациите од Министерството за внатрешни работи, станува збор за М.П.М. (48), кој бил лишен од слобода на 4 август околу 18:40 часот, додека се подготвувал да ја напушти државата.
Полициските службеници ги пронашле патроните при извршената проверка, по што тие биле одземени.
Од МВР информираат дека по целосното расчистување и документирање на случајот, против лицето ќе биде поднесена соодветна пријава согласно законските процедури.
…
