Љубителите на фудбалот и колекционерите на сликички оваа сабота, 16 мај 2026 година, ќе имаат можност да добијат подарок албум за „FIFA World Cup 2026“ со печатеното издание на весникот „Нова Македонија“.
Како што информираат од весникот, станува збор за официјалниот Panini албум за Светското првенство 2026, кој читателите ќе го добијат како подарок, а во кесичките ќе има по седум сликички.
Акцијата се реализира во соработка со Panini Македонија и Slikicki.mk, а интересот за новата колекција веќе расте меѓу фановите на фудбалот ширум светот.
На промотивниот постер е наведено дека колекцијата официјално започнува со Panini, додека албумот содржи простор за собирање сликички од фудбалерите и репрезентациите кои ќе настапат на Мундијалот 2026.
…
