Пет лица се повредени во сообраќајна несреќа што се случила вчера попладне на регионалниот пат Струга-Охрид.
Од МВР информираат дека несреќата била пријавена во ОВР Струга на 14 август во 16:35 часот. Во неа учествувале патничко возило „хјундаи“ со охридски регистарски ознаки, управувано од 44-годишниот А.И. од Охрид, и „сеат“ со струшки регистарски ознаки, управуван од 39-годишниот Д.М. од Струга.
Во несреќата, возачот на „хјундаито“ се здобил со тешки телесни повреди.
Со телесни повреди се здобиле и неговите сопатници – 44-годишната С.И., 24-годишниот У.И. и 15-годишник, сите од Охрид, како и 27-годишната А.С.И. од Германија.
Телесни повреди констатирани биле и кај возачот на „сеатот“, Д.М., во Специјалната болница „Св. Еразмо“ во Охрид.
За случајот бил известен јавен обвинител, а увид на местото на несреќата извршила увидна екипа од ОВР Струга.
