На социјалните мрежи се шири вознемирувачко видео за кое се наведува дека претставува една од најстрашните снимки направени од непосредна близина за време на неодамнешните поплави во Непал.
Снимката ја покажува застрашувачката сила на водата во моментот кога огромен и разорен порој навлегува меѓу објектите. За само неколку секунди целиот простор се претвора во разбеснета река, исполнета со кал, урнатини и предмети што водата ги носи пред себе.
„Ова можеби е една од најзастрашувачките снимки направени од нивото на земјата за време на поплавите во Непал“, се наведува во објавата на платформата „Икс“.
Авторот на објавата додава дека од безбедноста на екранот тешко може да се почувствува вистинската моќ на водата.
„Да се биде таму и да се гледа како целиот предел за неколку секунди се претвора во разбеснет порој е сосема поинаква реалност“, се вели во описот на видеото.
Според информациите што ја придружуваат снимката, таа била направена во подрачјето на Тришули Базар, а како нејзин автор е наведен Субин Шреста.
Катастрофалните поплави го погодија северниот дел на Непал на 26 август, откако огромна маса од мраз и карпи предизвика силен пороен бран. Водата и калта уништија населени места, патишта, мостови, далноводи и други инфраструктурни објекти.
Снимката, која за кратко време беше споделена од голем број корисници, на најдиректен начин покажува колку ненадејно пристигнал водениот бран и колку малку време имале жителите да се засолнат.
Видеото погледнете го тука: X/@KaptanHindustan
Автор на снимката: Subin Shrestha
