Градоначалникот на Општина Чаир, Изет Меџити, првиот училишен ден го одбележа во ООУ „Хасан Приштина“, каде им посака успешна нова учебна година на учениците, наставниците и родителите.
Меџити истакна дека најдобар начин да им се посака успешна учебна година на учениците е да се обезбедат што подобри услови за нивното образование.
„Само оваа година, основните училишта во Чаир се опремуваат со 1.600 нови столчиња и 800 нови клупи, а заедно со донацијата од минатата година достигнуваме вкупно 2.000 столчиња и 1.000 нови клупи“, посочи Меџити.
Со овие инвестиции и донации, според градоначалникот, ќе биде обновено околу 60 отсто од инвентарот во основните училишта во Општина Чаир.
Меџити упати благодарност до компанијата „Ефтинја“ за донацијата и континуираната поддршка, како и до сите кои придонесуваат за подобрување на условите во училиштата.
На учениците денеска им беа поделени и пакети со училишен прибор, како мал подарок за успешен почеток на новата учебна година.
„На сите ученици, наставници и родители им посакувам успешна и бериќетна учебна година. Среќен 1 септември!“, порача Меџити.
…
