До крајот на 2026 година граѓаните ги очекуваат уште неколку неработни денови, а некои од нив се идеална можност за продолжен викенд и краток одмор.
Првата можност е 8 септември – Денот на независноста, кој годинава се паѓа во вторник. Со земање слободен ден во понеделник, 7 септември, може да се спојат четири слободни денови – од сабота, 5 септември, до вторник, 8 септември.
Следниот продолжен викенд е во октомври. 12 октомври, понеделник, е неработен ден по повод Денот на народното востание, бидејќи 11 Октомври годинава се паѓа во недела.
Само десетина дена подоцна следува уште еден празник. 23 октомври, петок, се одбележува Денот на македонската револуционерна борба, што значи три слободни денови во низа – петок, сабота и недела.
Последниот неработен ден за сите граѓани годинава е 8 декември, вторник, кога се одбележува „Св. Климент Охридски“.
За граѓаните од католичка вероисповед има уште два неработни датуми – 1 ноември, Празникот на сите светци, и 25 декември, првиот ден на Божиќ.
Неработни денови до крајот на 2026 година:
- 8 септември (вторник) – Ден на независноста
- 12 октомври (понеделник) – Ден на народното востание
- 23 октомври (петок) – Ден на македонската револуционерна борба
- 8 декември (вторник) – „Св. Климент Охридски“
За граѓаните од католичка вероисповед:
- 1 ноември (недела) – Празник на сите светци
- 25 декември (петок) – Божиќ
Најдолгата можност за одмор во септември е околу 8 Септември – со само еден ден годишен одмор во понеделник, може да се добијат четири слободни денови по ред.
…
