Оваа есен повторно ќе ги поместуваме стрелките на часовникот. Преминот кон зимското сметање на времето е закажан за 25 октомври 2026 година, кога часовниците ќе се вратат еден час назад.
Во ноќта меѓу сабота и недела, во 03:00 часот, стрелките ќе се поместат наназад и времето ќе стане 02:00 часот. Со тоа официјално започнува зимското сметање на времето.
Календарот за сезонското поместување на времето ги опфаќа и наредните години. Во 2027 година, летното сметање на времето треба да започне на 28 март, а да заврши на 31 октомври.
Сепак, овие датуми не значат дека поместувањето на часовниците сигурно ќе продолжи до 2031 година. Европската унија со години разгледува можност за укинување на сезонското поместување, но земјите-членки сè уште немаат постигнато договор дали трајно да се задржи летното или зимското сметање на времето.
И Македонија го следи системот на сезонско поместување на часовникот. Летното сметање започнува во последниот викенд од март, кога часовникот се поместува еден час напред, додека зимското сметање започнува во последниот викенд од октомври, со враќање на стрелките еден час назад.
Така, по нешто повеќе од еден месец, повторно ќе добиеме еден час сон повеќе, но и порано ќе се стемнува во попладневните часови.
…
