Мотоциклист од тетовското село Фалише се здобил со тешки телесни повреди откако вчера попладне излетал од патот Тетово–Стримница.
Според информациите од СВР Тетово, сообраќајната несреќа била пријавена во 14:30 часот. А.Н. (46) управувал мотоцикл со тетовски регистарски ознаки кога, од засега непознати причини, изгубил контрола над возилото и излетал од коловозот.
Во несреќата мотоциклистот се здобил со тешки телесни повреди, кои биле констатирани во Клиничката болница Тетово.
Увид на местото на несреќата извршила увидна екипа на СВР Тетово.
…
