Двајца скопјани се повредени во сообраќајна незгода што утрово се случила на булеварот „Борис Трајковски“ во Скопје, во која учествувале камион и два автомобили.
Според информациите од МВР, незгодата била пријавена околу 6:50 часот во СВР Скопје.
Во судирот учествувале товарно моторно возило „МАН“ со полуприколка, управувано од 59-годишниот К.Д. од Скопје, автомобил „Сеат“, управуван од 29-годишниот Т.Р., како и „Фолксваген пасат“, управуван од 48-годишниот А.Ј., двајцата од Скопје.
Во несреќата биле повредени возачите на „Сеатот“ и „Пасатот“.
Тие биле пренесени во Градската општа болница „Св. Наум Охридски“, каде што им била укажана лекарска помош.
Засега нема информации за степенот на повредите. Полицијата работи на утврдување на околностите под кои дошло до сообраќајката.
