Виш јавен обвинител од Вишото јавно обвинителство во Битола е лишен од слобода, а против него е поднесена кривична пријава поради сомнение за сторено кривично дело „примање награда за противзаконито влијание“.
Одделот за сузбивање на организиран и сериозен криминал при МВР денеска до Основното јавно обвинителство за гонење на организиран криминал и корупција поднел кривична пријава против П.В. (61) од Прилеп.
Според пријавата, П.В., во својство на виш јавен обвинител во Вишото јавно обвинителство во Битола, во повеќе наврати влијаел врз донесувањето одлуки од страна на други јавни обвинители, со цел за сторителите да бидат изречени поблаги казни.
Полицијата го лишила од слобода осомничениот, а по судска наредба бил извршен претрес во неговиот дом во Прилеп, како и во службените простории што ги користи.
При претресите биле пронајдени и одземени шест мобилни телефони, едно УСБ-устройство и персонален компјутер, кои треба да послужат за прибирање дополнителни докази во постапката.
Против П.В. е поднесена кривична пријава согласно член 359 став 3 во врска со став 2 од Кривичниот законик.
…
