Клиентите на „АЛТА банка“ АД Битола од денеска повторно можат да ги користат електронското и мобилното банкарство за плаќање сметки и други обврски, како и за располагање со своите средства, соопшти гувернерот на Народната банка, Трајко Славески.
Од утре со работа почнува и експозитурата во трговскиот центар „Бисер“ во Скопје. Експозитурите во Битола, Струмица и Тетово продолжуваат да работат.
Според соопштението, клиентите со платежни картички можат да располагаат со до 15.000 денари неделно, додека за клиентите без платежни картички лимитот е 20.000 денари за две недели.
Славески посочи дека Народната банка продолжува да работи на олеснување на пристапот до средствата и банкарските услуги, а заштитата на интересите на клиентите останува приоритет.
…
