Бизнис

НЕМА ДА ИМА ТУРБУЛЕНЦИИ СО СТРУЈАТА ВО ЗИМСКИТЕ МЕСЕЦИ

Published

2 months ago

October 18, 2024

Премиерот Христијан Мицкоски не очекува да има турбуленции и позначителни потреси на пазарот со електрична енергија во земјава и покрај најавите на некои европски земји дека очекуваат проблеми во текот на зимата.

– Што се однесува до турбуленции на пазарот на електрична енергија во Европа, јас бев меѓу првите уште летоска којшто зборуваше дека како ќе доаѓа зимата, така ќе има потреби да се влече енергија од пазарот во Европа од страна на Украина, бидејќи за жал таму поради руската агресија е целосно уништен електроенергетскиот систем на државата. Сето ова ќе влијае во насока на зголемување на цените на електричната енергија на берзите – рече Мицкоски во одговор на новинарско прашање по поставувањето камен-темелник на новото основно училиште „Крсте Мисирков“ во скопската населба Ченто.

Тој додаде дека сепак не очекува да има некои позначителни потреси на пазарот во земјава.

– Од она со кое што располагам како информација, на почетокот на грејната сезона имаме за повеќе од два и пол пати помалку дефекти од она кое што било по принципот како до сега. Она што го имаме како располагање на ресурс во РЕК Битола и во другите електрани е на нивото очекувано за овој период од годината. За жал, хидрологијата е намалена, некаде околу 22-23%, можеби требаше да биде над 30 во овој период но таква беше годината – сушна. Ценам дека капацитетите со коишто располага државата подготвени ќе ја дочекаат и ја дочекаа оваа грејна сезона и не очекувам да имаме некои позначителни потреси на пазарот – рече Мицкоски.

Сега, како што кажа, работат двата блока во РЕК Битола, бидејќи нема потреба за повеќе, а од втора половина на декември ќе биде вклучен по потреба и третиот блок.

За ветувањето дека ќе се укине давачката за пристап од 200 денари на сметките за потрошена електрична енергија за граѓаните, рече дека ќе биде укината во текот на мандатот на оваа Влада.

– Во овој момент работиме на консолидирање на електроенергетскиот сектор и мислам дека Регулаторната комисија за енергетика ги прави пресметките. Кога тие ќе бидат готови ќе донесеме одлука која што е најважна и најдобра за граѓаните – рече Мицкоски.

Во насока на консолидација, како што посочи, е и одлуката да не се префрлаат пари на АД ЕСМ, туку самата компанија преку кредит да си ги плати старите долгови.

– Пари на Државни електрани се префрлувале. Поентата е сега со работењето на ова раководство да се консолидира компанијата и помалку да се префрлаат. Тоа е суштината. Кредитот којшто е земен е за да ги плати старите долгови наследени од претходното раководство во големина од 5 милијарди денари и тоа се средства коишто се наследени од претходно. Заемот е земен по исклучително поволни услови, ќе има и грејс период од две-три години, доволен период за да може компанијата да се консолидира. Ние продолжуваме да работиме во насока на консолидирање на јавниот сектор и државата од она кое што е наследено од претходната влада на СДСМ и ДУИ и добро е што полека но сигурно се консолидира сето ова – потенцира Мицкоски.

Бизнис

Се постави камен-темелникот на мега-шопинг паркот во Гевгелија

Published

54 mins ago

December 22, 2024

Арлингтон

Овој нов трговски центар ќе има голем инпут за економијата во Гевгелија, соопшти од Владата.

Претседателот на Владата на Република Македонија Христијан Мицкоски денес 22.12.2024 година (недела) во 11:00 часот, ќе присуствува на поставување на камен темелник на изградба на трговски центар во Општина Гевгелија, соопшти прес службата на Владата.

Изградбата на мега шопинг парк е на вкупна површина од 19.000м2.

Овој нов трговски центар ќе има голем инпут за економијата во Гевгелија. Ќе бидат отворени над 300 нови работни места, а покрај тоа ќе придонесе за привлекување на уште поголем број транзит туристи во градот.

Предвидено е изјава за медиуми да даде премиерот Мицкоски.

Бизнис

Ќе се укине ли НЕДЕЛА НЕРАБОТЕН ДЕН? Еве што вели министерот за економија!

Published

2 hours ago

December 22, 2024

Арлингтон

Не треба да се укине „недела неработен ден“, но некои дејности треба да се ослободат, вели министерот за економија и труд Бесар Дурмиши во неделното интервју на Радио Слободна Европа.

Дали во Економско-социјалниот совет разговарате и за ревизија на законското решение за „недела неработен ден“? Ќе има ли воопшто ревизија?

И тука има спротивставени страни. Работодавачите бараат да се укине „недела неработен ден“, но од друга страна ги имаме синдикатите кои бараат да остане така како што е. Одредени дејности на занаетчии, од коморите итн., бараат одредени дејности ние да ги ослободиме од недела да биде неработен ден. Така што, оваа тема се отвора во рамки на Економско-социјалниот совет. Секој месец се одржува по една седница и ќе видиме кои дејности треба да ги ослободиме за да може да ги вршат своите задачи и да имаат повеќе производи.

Вам како министер и воопшто како Влада, во која насока ви се размислувањата? Треба ли да има ревизија?

Одредени дејности во насока на работата треба да се ослободат за да може во недела да работат, но не да се укине целосно „недела неработен ден“. Да остане така како што е, но одредени дејности да ги ослободиме да може да работат. Да направиме некои измени.

Бизнис

ЗА ОВАА РАБОТА СЕ ПЛАЌА 8 ИЛЈАДИ ЕВРА И СЕ РАБОТИ ОД ДОМА: Побарувачката за овие работници е огромна, еве за што станува збор

Published

2 hours ago

December 22, 2024

Арлингтон

Побарувачката за луѓе кои ги разбираат податоците и знаат како да ги интерпретираат за да помогнат во подобрувањето на бизнисот во голема мера ја надминува понудата.

Ако сакате да заработувате 8.000 евра месечно работејќи од дома, тогаш почнете да размислувате за кариера како аналитичар на податоци. Аналитичарот на податоци собира, организира и толкува необработени податоци за подобро да ги разбере операциите на компанијата.

Аналитичарите користат алатки како Excel, SQL и Tableau за да ги идентификуваат трендовите и да креираат визуелизации, а за да го подобрат својот бизнис, некои компании ги проверуваат метриките како што се продажбата, сообраќајот на веб-страниците и регулаторните ризици.

„Нишата за анализа на податоци е поле кое брзо расте што на потенцијалните вработени им нуди одлична плата, стабилно и сигурно вработување и флексибилност“, вели Лиза Гевелбер, потпретседател на Google и основач на онлајн курсот Grow With Google.

Бидејќи повеќето работни места вклучуваат донесување одлуки (од оптимизирање на работните процеси до предвидување на однесувањето на клиентите) врз основа на податоци, не е изненадување што побарувачката за стручни аналитичари на податоци е на својот врв. Згора на тоа, според некои истражувања, најбарана вештина оваа година била анализата на податоците.

Дополнително, се предвидува дека побарувачката за аналитичари на податоци ќе порасне за една третина во следните 10 години, или три пати повеќе отколку за која било друга работа, односно занимање.

Исто така, според Гугл, најпребаруван поим оваа година бил како да се подобрат вештините за анализа на податоци и сите работни места поврзани со анализа на податоци, а се проценува дека САД се кратки 300.000 аналитичари на податоци.

Како да се вработите во анализа на податоци без диплома

Компаниите сè повеќе вработуваат аналитичари на податоци без завршено високо образование, бидејќи тие се многу барани на пазарот на труд. Повеќето отворени работни места бараат диплома за средно образование и сертификат или стручен курс.

Аналитичарите на податоци треба да бидат вешти за работа со табели и програмски јазици, тие мора да бидат способни да визуелизираат и презентираат обработени податоци и, пред сè, да можат да решаваат проблеми.

Дополнително, дефинитивно се препорачува употреба на вештачка интелигенција за чистење и уредување табели, пишување кодови и визуелизирање податоци.

Натпросечна месечна плата и работа од дома

Побарувачката за аналитичари на податоци ги опфаќа сите полиња, но тие се најбарани во производството, здравството и технолошкиот и финансискиот сектор. Некои од другите работни места кои вклучуваат анализа на податоци се анализа на деловни системи, архитекти на податоци и администрација на бази на податоци.

Она што секако е дополнително привлечно е платата која во просек изнесува 8.000 евра месечно (околу 100.000 евра годишно), иако во некои гранки таа се искачува на околу 12.000 евра месечно.

Дополнителен бонус на крајот е фактот дека можете да работите од дома, бидејќи без оглед на тоа каде живеете и во кој сектор би сакале да работите, побарувачката за луѓе кои ги разбираат податоците и знаат како да ги толкуваат за да помогнат во значително подобрување на бизнисот ја надминува понудата.Пословни.хр