Балкан

ЕВЕ КОЛКУ ЗАРАБОТУВААТ ЧИСТАЧКИТЕ НА АПАРТМАНИ ВО ХРВАТСКА: Од 300 до 500 евра за едно доаѓање!

Иако изнајмувањето стан покрај море е атрактивна идеја која може да донесе значителен приход, реалноста е многу посложена.

Сопствениците се соочуваат со бројни предизвици, од одржување на имоти до наоѓање сигурни работници за чистење. Во последниве години, цените на услугите за чистење значително се зголемија во сите земји во регионот, додека во исто време станува сè потешко да се најдат луѓе подготвени да ја вршат оваа работа редовно.

Пред две години во Хрватска за еден час чистење се плаќало околу 15 евра, додека денес ретко кој се согласува да работи за помалку од 20 до 25 евра. Чистачите често ги користат ресурсите и опремата на сопственикот, со дополнителни трошоци за транспорт. Повеќето од нив работат за викенди, често „на црно“, а работата ја преземаат и луѓе со постојана работа, како професори или вработени во јавните служби. Иако можете добро да заработите, работата е напорна и непредвидлива.

На социјалните мрежи често се зборува за цените за чистење станови. Еден корисник на популарната група „Мајки од Шибеник“ праша колку наплаќаат за чистење на стан од 35 квадрати по заминувањето на гостите.

Одговорите беа различни: „50 евра по стан“, „Сметајте дека ќе има повеќе работа затоа што туристите готват во становите“, „Еден час време за чистење – 20 евра“.

Високи трошоци за одржување на домувањето

Во пракса, чистењето на становите покрај море може да трае и до четири часа, што на чистачите им носи приход од 100 евра по ангажман. Ивана од Истра, која вообичаено работи во државната администрација, за викенд чисти вили за одмор.

– Започнав случајно помагајќи и на пријател, а сега имам свои клиенти – изјави таа за Јутарњи лист.

Покрај чистењето, сопствениците на имот се соочуваат и со високи трошоци за одржување. На пример, средувањето на оградата на градината чини 50 евра, како и еден час чистење на базен со помош на робот. Оние кои изнајмуваат сместување за една ноќ често се соочуваат со трошоци кои ги надминуваат приходите од ноќевањето. Некои сопственици пренесуваат дел од овие трошоци на гостите преку дополнителни такси.

300 до 500 евра при пристигнување?

Сопственик од Крк откри како го решил проблемот со високите цени:

„Имам договор со сопственик на услуга за чистење и плаќам 150 евра за куќа од 240 квадрати. Да одев преку друга агенција ќе беше многу поскапо – дури 300 до 500 евра при пристигнување.

Експертите предупредуваат дека поскапувањето на услугите за чистење произлегува од зголемувањето на приватното сместување и заминувањето на работната сила во странство. Многу сопственици размислуваат да се откажат од изнајмување поради неисплатливост на трошоците за одржување. Доколку продолжи трендот на пораст на цените, понудата на сместување би можела да се намали, што би имало пошироки последици за туризмот и економијата.

На дестинации со подолга сезона ситуацијата е нешто поповолна бидејќи овозможува подобри услови за организирање на чистење. Сепак, растечките цени создаваат маѓепсан круг во кој губат сите – сопствениците на сместувачките капацитети, работниците и операторите. Доколку не се најде решение, иднината на туристичките изнајмувања може да стане неизвесна.

Бизпортал.рс

Балкан

Заглавен европскиот пат: БиХ останува без одлука за старт на преговори со ЕУ

Советот на министри на Босна и Херцеговина денес не успеа да донесе одлуки што би овозможиле отворање на преговорите за членство со Европската Унија пред седницата на Европскиот совет закажана за 18 и 19 декември. Причина за тоа беше повторното одбивање на министрите именувани од Милорад Додик да се дискутира за два клучни реформски закона.

На дневниот ред, објавен минатата недела од претседателката на Советот на министри Борјана Кришто, беа предлог-законите за Судот на БиХ и за Високиот судски и обвинителски совет, како и одлуката за формирање канцеларија на главниот преговарач со ЕУ. Сепак, по ултиматумот од министрите за надворешна трговија и за финансии, овие точки воопшто не беа разгледувани.

Тие се заканија дека ќе го блокираат дневниот ред доколку се отвори расправа за реформските закони, што практично би значело и неодржување на седницата. Поради тоа, Кришто ги повлече спорните точки, а Советот разгледуваше само помалку значајни информации и технички прашања.

Властите на Република Српска не ги прифаќаат нацрт-законите подготвени од Министерството за правда, иако тие се изработени согласно препораките на Европската комисија. Дополнително, инсистираат главниот преговарач со ЕУ да доаѓа од СНСД, барање што партиите од бошњачко-граѓанскиот блок категорично го одбиваат.

Засега нема најава кога клучните реформски закони ќе се најдат повторно на дневен ред на Советот на министри или во државниот парламент. Сè поизвесно е дека Босна и Херцеговина ќе ја дочека 2026 година без јасна перспектива за започнување преговори со Европската Унија.

Иако земјата доби условно зелено светло за отворање преговори уште во март 2024 година, оттогаш нема конкретен напредок. Заедно со Косово, БиХ во моментов се наоѓа на дното од процесот на европска интеграција меѓу земјите од Западен Балкан.

Балкан

Грчките земјоделци повторно блокираа премин: Богородица ограничен за патнички возила

Граничниот премин Богородица од 18 часот попладнево е блокиран за сите видови сообраќај поради протест на грчките земјоделци, соопшти Автомото сојузот на Македонија.

Засега, на преминот можат да влегуваат само товарни возила од Грција кон Македонија, додека излез од Грција е дозволен само за товарни моторни возила. Патнички возила и автобуси засега не можат да ја користат граничната линија.

Автомото сојузот апелира на внимателност и следење на сообраќајните информации пред патувањето кон граничниот премин Богородица.

Балкан

Турски Ф-16 собори дрон над Црното Море

Турските воени сили соборија неидентификуван дрон кој се приближувал кон турскиот воздушен простор над Црното Море, соопшти Министерството за одбрана. Објектот бил „надвор од контрола“, а соборувањето се извршило на безбедна локација, надвор од населени места, за да се избегне потенцијална штета.

Инцидентот се случува во услови на зголемени регионални тензии, по нападите на украинските поморски дронови врз руски танкери во близина на турскиот брег. Турските воздухопловни сили реагирале со подигање на ловци Ф-16 откако дронот бил детектиран.

Претседателот Реџеп Таип Ердоган претходно ги осуди украинските напади, оценувајќи ги како сериозна закана за безбедноста на пловидбата, човечките животи и животната средина. Министерството за одбрана не соопшти дополнителни детали за точната локација и времето на инцидентот.