Црна Хроника

Вечерва прегазена и девојка кај „Сити мол“

Кај „Сити мол“, денеска околу 18.40 часот автомобил прегазил девојче, но за среќа, без фатални последици.

„Во СВР Скопје е пријавено дека на булеварот „Партизански Одреди” во Скопје патничко возило „мини морис” со скопски регистарски таблици, управувано од Л. Т. (19) од Скопје удрило во пешакот О.П.. По несреќата, пешакот е пренесен во ГОБ „8 Септември” за укажување лекарска помош. Во тек е увид“, информираа од Министерството за внатрешни работи.

Булеварот „Партизански одреди“ е еден од најнебезбедните сообраќајници во Скопје и важи за црна точка.

Како што веќе објавивме вечерва се случи и уште една сообраќајна несреќа на Партизанска во Скопје во близина на “Симпо”.

Полициско возило го попречува движењето на две од три ленти на улицата, додека се врши увидот на лице место, па сега возачите можат да возат само по една сообраќајна лента и се создава сообраќаен хаос.

Засега не знаеме дали има повредени лица.

Апелираме на внимателно возење во овој дел од градот.

Црна Хроника

Кривична пријава за поранешен директор – Финансиска полиција со детали

Управата за финансиска полиција поднесе кривична пријава до Основното јавно обвинителство Делчево против С.С., поранешниот директор на Јавното комунално претпријатие „Брегалница“ – ПО Делчево, и против М.К., раководител на сектор во истото претпријатие, поради сомнение за кривично дело „Несовесно работење во службата“.

Според пријавата, С.С., во периодот од 2019 до 2023 година, не постапил согласно своите овластувања и должности, пропуштајќи да иницира и даде налог за поднесување тужби за наплата на побарувања од физички и правни лица за користена вода, подигнат смет и закуп на простории. Како резултат, дел од побарувањата застареле и претпријатието не можело да ги наплати.

Второпријавениот М.К., раководител на секторите за општи, правни и финансиски работи, не воспоставил соодветен систем на интерна контрола и не доставувал редовни предлози за поведување постапки за присилна наплата до директорот.

Со овие дејствија, според финансиската полиција, причинета е штета на буџетот на ЈКП „Брегалница“ – ПО Делчево во износ од 7.588.894 денари.

Црна Хроника

Приведени осум лица, меѓу нив и малолетници – МВР со детали

На 14/15.12.2025 во Скопје, на различни локации, полициски службеници од СВР Скопје ги лишија од слобода М.Е.(19) од с.Кондово, скопско, Т.П.(42), С.Б.(27), Б.Б.(37), Ф.Ч.(33), И.А.(37) и двајца 16-годишници, сите од Скопје.

Приведени се затоа што кај нив се пронајдени и одземени бела прашкаста материја, марихуана и нож.

По целосно документирање на случаите ќе следуваат соодветни поднесоци.

Црна Хроника

Хорор во Тетовско: Физички нападнати полицајци

СВР Тетово поднесе кривична пријава против Б.С.(36) од с.Слатино, тетовско, поради постоење основи на сомнение за сторено кривично дело „напад врз службено лице при вршење на работи на безбедноста“. На 23.05.2025 на локалниот пат с.Џепчиште- с.Једоарце, тетовско, пријавениот физички нападнал полициски службеници кои вршеле службени дејствија.