Пејачот Васил Гарванлиев на социјалните мрежи објави фотографија облечен во здолниште.
Повод за ваквиот изглед на Васил е гала вечер на организацијата “Метју Шепард”
На фотографиите тој е заедно со неговиот свршеник со кој се свршија пред неколку месеци.
Македонија има гас за само две недели, велат српските медиуми кои ја коментираат вчерашната изјава на премиерот Димитар Ковачевски. Во сабота на 15 октомври ќе почне грејната сезона во Скопје, иако земјава има гас за само две недели работа на топланите, односно до 1 ноември, пишува српска “Политика”.
Претходно Премиерот Димитар Ковачевски посочи дека земјава е подготвена да користи алтернативно гориво за затоплување на домови, училишта, градинки, деловни простории, министерства, имајќи предвид дека топланите можат да работат на гас и мазут.
„Годинава направивме се Скопје да има парно на 15 октомври. Не беше лесно со оглед на екстремно високата цена на гасот. Но, со оглед на краткорочното поевтинување на гасот и договорот што Макпетрол го има со добавувачот со кој традиционално работи, сумата за работа на топланата е обезбедена до крајот на октомври. А, доколку гасот енормно поскапи, државата е подготвена да ги затоплува домовите на граѓаните на алтернативно гориво“, рече Ковачевски.
Премиерот рече дека до 1 ноември гасот го обезбедува Мекпетрол по цена од 1.713 евра за 1.000 кубни метри гас.
До крајот на грејната сезона ќе се утврди концептот на греење, односно енергија во зависност од тоа дали и во каков режим ќе работи гасната централа ТЕ-ТО, која како нуспроизвод од производството на електрична енергија испорачува топлинска енергија,“ соопштија од компанијата.
Доколку не се набави гас за топланите (Исток, Запад, Скопје-Север и онаа во Железара), тогаш главниот град ќе мора да се загрева на мазут, се вели во соопштението, пренесе Танјуг.
Субвенции за набавка на огревно дрво обезбедува Општина Кисела Вода за своите жители. Во подготовка е јавен повик, на кој ќе можат да аплицираат сите оние кои набавиле ваков енергенс за загревање од април годинава, се до моментот на објавата на повикот. По 500 денари за еден кубен метар огревно дрво ќе се исплаќа на апликантите, кои пак ќе треба да достават доказ за купената количина дрво. Исплатата ќе се врши по принципот прв дојден, прв услужен, се до исцрпување на средствата, обезбедени од Буџетот на општината во висина од 1.200.000,00 денари.
Ова е само уште една од сетот мерки за поддршка на граѓаните кои Општина Кисела Вода ги презема пред почетокот на грејната сезона во услови на големи зголемувања на трошоците за живеење, а посебно на енергенсите. Минатата недела статуваше проектот “Грижа и сигурност за секое дете”, кој содржи социјални мерки за финасиска поддршка на социјано загрозените и еднородителските семејства: ослободување од партиципација за трошоците за згрижување во јавните детски градинки, субвенционирање на дел од цената за месечниот оброк за ученици од прво до трето одделение во основните општински училишта, како и бесплатни курсеви за странски јазици, информатика и спорт за дечињата од социјален ризик.
Претходно, Општина Кисела Вода обезбеди донација за субвенционирање на сметките за електрична енергија на социјално загрозените семејства, го реализираше проектот “Ранче за секое прваче” со кој се обезбедија чанта, тетратки и училишен прибор за сите првоодделенци, а минатата седмица беа исплатени и субвенции за печки на пелети.
Грижата за граѓаните и преземањето на мерки за ублажување на сиромаштијата со која секојдневно се соочуваат се поголем број на семејства, останува да биде во фокусот на Општина Кисела Вода, со цел заеднички да се надмине овој тежок период.
Бугарскиот европратеник Ангел Џамбаски повторно провоцираше на својот фејсбук профил, каде напиша,
За последен пат, Цар Борис III обединител е симбол на ослободувањето и единството на Бугарите.
Тој по повод случувањата околу отворањето на бугарскиот клуб „Цар Борис Трети“ во Охрид му одговори и на македонскиот министер за надворешни работи Бујар Османи:
„Ова господине Османи не е провокација, туку факт. Годините на лаги и пропаганда на Коминтерната не можат да ја променат историјата. И тоа покажува дека бугарските чети биле пречекани како ослободители со цвеќиња и бугарски песни. Иван Михаилов, кој го мразат сите Македонци, вели: ‘Кога во 1941 година се отворија бугарските училишта во Македонија, никаде немаше бунт и не се бараа други училишта’.
Крајно време е политичарите крај Вардар да сфатат дека нивниот страв од колапс на лагата не ја оправдува омразата и репресијата кон Бугарите. Југославија се распадна, време е да се урне нејзиниот последен бастион – македонизмот“, напиша Џамбаски.
Битолчанецот Тони Ѓорѓевски-Фердо доби ослободителна пресуда за убиството на зетот, за кое тврдеше дека го сторил во самоодбрана на неговата ќерка. Судот ја прифати ваквата одбрана односно дека Ѓорѓевски го сторил делото во самоодбрана и нужна одбрана. Пресудата е донесена осум месеци по настанот.
„Конечно судот по осум месеци донесе правилна пресуда, ослободителна за мојот татко. Тој е конечно слободен, фала ви на сите за поддршката“, напиша Јове Ѓоргиевски, син на Тони Ѓоргиевски – Фердо.
Ѓоргиевски додека траеше истрагата беше во притвор. Неговото семејство организираше и протест, на кој бараше слобода за битолчанецот. Битолското обвинителство го товареше за убиство.
„Осомничениот, на 21 февруари, со умисла го лишил од живот неговиот зет за ќерка. Според првичните сознанија, сега починатиот, вооружен со долг нож, започнал да удира со клоци по дрвената влезна врата од домот на осомничениот и ја скршил. Штом влегол во домот, во претсобјето бил пречекан од осомничениот кој пукал директно во него со пиштол „Бајкал” што го поседувал со дозвола. Го застрелал со два последователни истрели, па оштетениот веднаш паднал и починал на лице место“, се наведуваше во соопштението од Обвинителството.
Семејството на Ѓоргиевски, кој се товареше за убиство, и јавно говореше дека 20 години имале проблем со сега покојниот зет. Тие сведочеа дека пријавувале во полиција, социјални служби – но тоа било залудно. Убиениот рано наутро упаднал во домот на таткото на неговата поранешна сопруга и ѝ се заканувал држејќи во рацете мачета. Таткото во тој момент го извадил оружјето и пукал, по што неговиот поранешен зет починал.
Главниот град на Украина, Киев, бил нападнат денеска изутрината со неколку експлозии што го потресоа градот, при што службите за итни случаи соопштија дека голем број луѓе загинале и биле ранети.
Извештаи за експлозии пристигнаа и од други украински градови Днипро, Лавов и Тернопил, јавуваат украинските медиуми. Градоначалникот на Киев, Виталиј Кличко, на Телеграм изјави дека експлозиите го погодиле центарот на главниот град на Украина.
„Неколку експлозии во областа Шевченски — во центарот на главниот град“, рече Кличко на апликацијата за пораки Телеграм.
Украинскиот претседател Володимир Зеленски изјави дека има загинати и ранети и ја обвини Русија дека се обидува да ја избрише неговата земја „од лицето на земјата“.
Ова се први ракетни напади врз украинскиот главен град по многу месеци.
Високиот помошник на украинскиот претседател Андриј Јермак рече дека руските ракетни напади врз градовите низ Украина се сигнал до цивилизираниот свет дека „прашањето за Русија“ мора да се реши со сила.
„Кукавици се борат со игралишта, деца и луѓе“, напиша тој, непосредно пред последователните експлозии да го потресат главниот град по ракетните напади претходно во понеделникот.
Украинската пратеничка Лесија Василенко објави фотографија на Твитер на која се гледа дека најмалку една експлозија се случила во близина на главната зграда на Националниот универзитет во Киев.
Свјатлана Водолага, нејзиниот портпарол на службата за итни случаи во Киев, за новинската агенција АП изјави дека има убиени и ранети луѓе. Спасувачите сега работат на различни локации, рече Водолага.
Украинскиот претседател Володимир Зеленски претходно изјави дека последниот руски напад врз цивилни цели во јужниот украински град Запорожје, во кој загинаа 14 лица, а голем број беа ранети, меѓу кои и деца, е акт на „тероризам на државно ниво“ што докажува дека е невозможно е да се преговара со Русија.
Рускиот претседател Владимир Путин ја обвини Украина дека го организирала терористичкиот напад на клучниот мост што ги поврзува Русија и Крим пред денешната седница на рускиот Совет за безбедност. Украинските власти не ја презедоа одговорноста за експлозијата во саботата на мостот над Керченскиот теснец, главна рута за снабдување на силите на Москва во јужна Украина.
Нема сомнеж. Ова е терористички акт чија цел е да се уништи критично важната цивилна инфраструктура“, рече Путин во неделата во видеото на каналот Телеграм на Кремљ. „Ова е смислено, спроведено и наредено од украинските специјални служби.
Заменик-претседателот на Советот за безбедност, Дмитриј Медведев, пред денешниот состанок изјави дека Русија треба да ги убие „терористите“ одговорни за нападот.
„Русија може да одговори на ова злосторство само со директно убивање терористи, како што е обичај на други места во светот. Тоа го очекуваат руските граѓани“, рече тој, цитиран од државната новинска агенција Тас.
Мостот е витална артерија за пристаништето Севастопол, каде што се наоѓа руската црноморска флота, како и импозантен симбол на руската анексија на полуостровот Крим во 2014 година.
Русија ја проценува штетата на Кримскиот мост, за Украина ова е уништување на имиџот на Путин
Оштетувањето на мостот дојде во време на порази на бојното поле за Русија и првичните извештаи од украинските власти за масовно гробно место откриено во неодамна ослободениот источен град Лиман.
Лутината на Путин поради сомнителниот напад, исто така, се совпадна со зголемената загриженост дека Москва би можела да прибегне кон нуклеарно оружје, откако Путин постојано го предупредува Западот дека секој напад врз Русија може да предизвика нуклеарен одговор.
Со колаж од фотографии на кои бугарскиот бизнисмен Милен Врабевски е фотографиран во македонската влада, ВМРО-ДПМНЕ сака да покаже дека финансиерот на фашистичките клубови, всушност, бил главен гостин на СДС.
Милен Врабевски, за кој медиумите пишуваат дека е главен финансиер на фашистичките клубови Ванчо Михајлов и Цар Борис беше главен гостин во владата на Заев. Луѓе околу Заев се луѓето кои ги отвораат фашистичките клубови, тоа и самиот Заев го има кажано јавно на бугарска телевизија. Дали СДС ќе се огради од Заев, зошто ако не се оградат, тие се само продолжување на неговата политика, која гледаме дека верно ја следат. СДС на дезертерот Ковачевски практично овозможи да се отворат фашистички клубови, и не презема ништо да го спречи нивното отворање, велат од ВМРО-ДПМНЕ.
Зад културните центри „Иван Михајлов“ во Битола и „Цар Борис“ во Охрид стои бугарскиот тајкун д-р Милен Врабевски. Поддршката на центрите е дел од долгогодишната програма на Врабевски и Фондацијата Бугарско сеќавање за прекугранична соработка, интеграција и европска перспектива на сонародниците во Македонија.
Во Бугарија е познат како филантроп кој е основач на Фондацијата „Бугарска меморија”, а во земјава неговото име стана актуелно кога лани во мај овозможи македонски граѓани да бидат вакцинирани против Ковид-19 преку неговата компанија ,,Комак Медикал” на граничните пунктови Станке Лисичково – Делчево и Златарево – Ново Село.
Тој не крие дека бугарските клубови во земјава се отворени со негово спонзорство и често дава изјави на темава во тамошните медиуми.
Врабевски освен што е доктор, е и сопственик на голема компанија за клинички истражувања. На почетокот на пандемијата, тој донираше и заштитна опрема на болници во Македонија.
Со пароли, знамиња и скандирања, денеска во Охрид граѓаните масовно излегоа на протест против отворањето на бугарскиот културен центар „Цар Бори Трети“ од истоименото здружение на Бугарите во Македонија. Протестот го организираше Левица, а го поддржа и ВМРО-ДПМНЕ. Се пееја македонски песни, македонската химна, се извикуваше „фашисти“ и „Татари“. Демонстрантите револтотирани фрлаа со јајца со што го демолираа новоотворениот бугарски клуб. Иритирани и гневни, демонстрантите изјавија дека за фашизмот нема место во една демократска земја.
Со пароли порачаа „Фашизмот мора да падне, ова не е место за бугарскиот Хитлер“, „Со фашисти не сме исти, ние сме антифашисти“. „Европската унија го гледа ова и ќути. Јас не сакам да влезам како фашист во ЕУ оти фашизмот на никој не му донесе благосостојба. Носи крв, терор, криминал. Ние што треба сега да се плашиме од фашистите или тие да се плашат од нас?“. Овај народ тука се кажува, ова е голем срам за сите нас“. „Ова е фашистички клуб. Цар Борис е фашист, а во една демократска земја за фашисти нема место“.
Полицијата не дозволи насобраниот народ да ја премине улицата каде се наоѓа клубот во кој беа преставниците на бугарскиот културен центар, бугарскиот амбасадор, конзулите од Скопје и Битола, помагателот на клубот Милен Врабески и преставници на политички партии од Бугарија.
Според Томе Блажески, претседателот на бугарскиот клуб „Цар Бори Трети“, очекувана била масовноста и револтот кај граѓаните оти политичките партии ги повикале да протестираат. Целата работа, како што вели, е исполитизирана.
„Ако повикам и јас луѓе ќе се соберат тука. Ние сме почитувачи на ликот и делото на Цар Борис Трети и пред една година го отворивме здружението со сите документи и почит кон државата, институциите и законите. Нас никој не нè стопира или забрани, но после една година почна да се политизира целата работа и се крена глас против нас. Немаме никаква соработка или некоИ нацистички или фашистички движења, само го избравме ликот на Цар Борис како еден бугарски цар“, рече Блажевски и додаде „Дали сме Бугари од Македонија, Мизија, Тракија, ние сме еден народ“.
Вчера, по повод протестот Министерството за надворешни работи (МНР) апелираше „до сите граѓани, политички и неполитички групации за зрело и достоинствено однесување, втемелено врз почитта кон правото на сите граѓани, без разлика на својата етничка припадност, да ја остваруваат својата уставно загарантирана слобода на здружување и за слободно изразување на својот став“.
„Северна Македонија, како демократска земја во која слободите и правата на човекот и граѓанинот се издигнати на ниво на темелна вредност на Уставот и државноста, ќе продолжи да го заштитува правото на сите граѓани и заедници да го изразуваат, негуваат и развиваат својот етнички, културен, јазичен и верски идентитет, како и слободата на уверувањето, совеста, мислата и јавното изразување на мислата. Во контекст на горенаведеното, ги замолуваме сите чинители да се воздржат од обиди за злоупотреба на своите права и слободи, особено да избегнуваат употреба на провокации и негирање на правата и слободите на другите“, соопшти МНР.
Од Левица сметаат дека ова е уривање на уставниот и државен поредок на Македонија и разгорување на национална омраза, оти бугарскиот културен клуб носи контроверзно име поврзано со фашизмот. Претходно, до Основното јавно обвинителство во Охрид партијата поднесе и иницијатива за забрана за работата на Здружението „Цар Борис Трети“, а обвини и дека пред протестот полицијата вршела притисок врз раководството на нивниот локален огранок од Охрид.
Царот Борис Трети, по кој е именуван бугарскиот клуб во Охрид, владееше со Бугарија од октомври 1918 година до неговата смрт во август 1943 година. По водство на Борис Трети, во бугарската историографија познат како „Царот обединител“ зашто во соработка со Силите на оската земјата ја проширува во границите на Санстефанска Бугарија, Бугарија влезе во Тројниот пакт на нацистичка Германија, Италија и Јапонија. Во април 1941 тој дозволи германските сили од територијата на Бугарија да го нападнат Кралството Југославија, и за награда доби територии од распаднатата југословенска држава и Грција, меѓу кои голем дел од денешна Македонија. Во март 1943 година, Бугарија депортираше над 11 илјади евреи од окупираните територии во концентрационите логори Аушвиц и Треблинка, од кои 7.144 само од денешна Македонија. Почина неочекувано на 28 август 1943, набрзо по посетата на Хитлер. На престолот го наследи син му Симеон Втори, кој остана на чело на бугарската држава до септември 1946, а кој од јули 2001 до август 2005 беше премиер на Бугарија, под името Симеон Сакскобургготски.
Пратеничката Рашела Мизрахи пред отворањето на клубот во Охрид најави дека пратеничката група на ВМРО-ДПМНЕ ќе поднесе Закон за измена и надополна на Законот за здруженија и фондации, со што не само што ќе се спречи идно формирање на вакви квазикултурни клубови, туку и ќе може да се реагира за веќе постојните.
„Пред дваесет и две години на третата конференција за Холокаустот во Стокхолм, поточно во 2000 година, барањето на Република Бугарија да биде прогласена за земја праведник – земја која ги заштитила Евреите од депортација, беше одбиено од учесниците на конференцијата со образложение дека монархистичкиот режим во Бугарија предводен од Цар Борис Трети и Владата на Богдан Филов изврши депортација на 11.363 Евреи од Македонија, Тракија и југоисточните делови на Србија. Како што знаете, Македонија во текот на Втората светска војна загуби 7.144 Евреи од Македонија кои беа депортирани од бугарската фашистичка војска во логорот на смртта Треблинка, од каде никој не се врати. Во нивно спомен-обележје во Скопје е изграден Меморијален центар, кој воедно е и единствениот сефардски Меморијален центар во светот. Официјалната документација која ја раскажува вистината за овие случувања во време на Втората светска војна се наоѓа во самиот Меморијален центар, меѓутоа и во вашингтонскиот Меморијален центар како и Јад Вашем во Израел и се јавно достапни. Во последниве две години, на политичката сцена во Македонија и Бугарија, за жал се повидливи стануваат актерите кои се залагаат за ревидирање на историските факти што меѓу останатото резултира со обиди за искривување на вистината за холокаустот на Евреите од Македонија. Секако ова е во целосна контрадикторност со Резолуцијата на Обединетите Нации за спречувањето на негирање на холокаустот од 20 јануари 2022, како и дефиницијата на IHRA која е усвоена од Европската Комисија“, рече Мизрахи и додаде:
„Само еден елемент на овој процес е отворање на т.н. ‘културни центри’ со називи на контроверзни историски личности и фашисти, како што е Цар Борис III, кои имале директно учество во геноцидот на Евреите од Македонија. Би сакала да нагласам дека Евреите од Македонија се дел од Европското семејство и ваквите процеси, за мене, а верувам и за Вас се неприфатливи и претсавуваат повеќе од сериозна провокација. Ова што се случува е силување на македонскиот народ, неговото антифашистичко минато преку наметнување на вредности на Третиот рајх затскриени преку злоупотребата на Европската ѕвезда. Ова не се европски вредности. По, Ванчо Михајлов и Цар Борис трети, не спорно е дека ќе продолжат обидите за ревидирање на историјата на Македонија и претставување на окупаторите како ослободители. На крајот на денот, не се само Евреите. Македонскиот народ памети колку жртви дал за ослободување од војските испратени од оној на кој денес во Охрид му се отвора културен центар. Секоја педа од оваа земја е натопена со партизанска крв“.
Извор: СДК
