Category Archives: Македонија

Македонија

Откако вербално го нокаутираше – Шилегов му врати на Апасиев

На социјалните мрежи продолжува препукувањето помеѓу поранешниот градоначалник на Скопје, Петре Шилегов, и лидерот на Левица, Димитар Апасиев, кој во изминатиот период е цел на критики од останатите партиите само затоа што отишол на годишен одмор во Хургада.

Откако Апасиев објави дека Шилегов „го поканил во викендицата во Маврово направена со корупција“, не остана должен ниту поранешнјот скопски градоначалник и функционер на СДСМ.

„Димче си се самопоканил да се дружи со мене. И тоа во Маврово. На скара. Офф лелеее !!!

Димче бе, основен услов за да било кој биде во мое друштво е да има основна хигиена. Физичка и ментална.

Значи, како прво, Димче, реновирај купатилото и избањај се (не мора да е сабота или недела).

За вторава (менталната) хигиена, стварно не знам како да ти помогнам. Пробај да не си лажго, демагог и да не лупаш глупости за почеток. Можеби ќе ти тргне. Ама можеби. Еве на пример раскажи ни како уште во 2015 на протести одеше со обезбедување !!! Можеби така ќе си го покажеш вистинското лице …

Ако успееш со менталната хигиена (ама стварно се сомневам, пази кога влагаш кај мене во двор во Маврово. Има отрови за глодачи и кртови …“, напиша Шилегов на Фејсбук.

Апасиев вчера напиша дека „добил покана од Шилегов, но дека не посетува украдени недвижнини“.

„Ми пишал Шилеџето у инбокс: – “Димитријо, пролетерчино, остај вмроидиве шо ти јадат коските, туку ти да дојдеш кај мене на ВИКЕНДИЦАТА у Маврово, скара една да завртиме” (и ставил такви смајлиња).

Му вратив: – “Друже, на одмор сум, не сум видел. Фала, ама не идам ја по крадени недвижнини. Нема лезет. Мицко викни си го. Он е по скарата. И по другото. И еј, немој случајно паштети да сте јаделе. Да не ве мислам” (и такви срцеца му стаив)“, објави пратеникот.

Македонија

НЕ Е СПОРНА ХУРГАДА ТУКУ ЛИЦЕМЕРИЕТО

Негово право е, добро е што заминал на одмор и да одмори. Изборот на дестинацијата не е спорен, велат од ВМРО-ДПМНЕ за одморот на лидерот на Левица, Димитар Апасиев, во Хургада, Египет.

Но тоа што е спорно е лицемерието на Димитар Апасиев, рече Наум Стоилковски, портпарол на ВМРО-ДПМНЕ на денешната прес конференција одговарајќи на новинарско прашање кој е неговиот коментар за одморот на Апасиев.

Стоилковски нагласи дека Апасиев е лицемерен и дека тоа е во фокусот на јавноста бидејќи од партија Левица постојано нагласувале дека 65 проценти од населението не може да замине на одмор ниту во Македонија поради сиромаштијата.

– Заминува на одмор во луксузно летувалиште, додека над 65 проценти, според соопштение на Левица неговата партија, не може да заминат на одмор ниту во Македонија. И спорно е тоа што Апасиев не е првпат лицемерен. На пример, овој луксузен одмор може да го плати со уживањето со платата покачена за 78%. Или на пример, со користење на службен луксузен автомобил со возач, наспроти приказните за скромен половен семеен автомобил – рече тој и додаде дека јавноста не ја интересира одморот, туку лицемерието на Апасиев.

Македонија

Како македонска авторска песна стана бугарска-народна, и се продаде во 3,5 милиони тираж? (Видео)

„Дали знаеш мила мајко што сум несреќна“, се стихови на македонска фолк песна, која ја отпеаја голем број на наши пејачи, уште од крајот на шеесеттите години на минатиот век, кога песната била компонирана.

Автор на истата е Ристо Пулевски, роден во Нижеполе во 1934 година, кој во тој период работел како радиопејач во Радио Битола.

Песната ја посветил на неговата сопруга, ја испеал на радиото и станала многу популарна. На својот репертоар ја ставиле повеќе македонски пејачи, кои редовно ја изведувале за време на своите турнеји кај нашите иселеници.

Но, глобална популарност се случи во 1995 година, кога беше издаден синглот „While the Earth Sleeps“ во изведба на светски популарниот Питер Габриел и „Дип форест“, во придружба на бугарската пејачка Катја Петрова. Таа ги пее стиховите „Дали знаеш мила мајко“, а песната беше искористена и во филмот „Strange days“.

По реакциите дека станува збор на обработка на македонска авторска песна, во јавност се објавија тврдењата на тимот на Габриел, според кои стиховите ,,Дали знаеш мила мајко” потекнувале од бугарска народна песна.

Негирањето на авторството на Пулевски од страна на Габриел беше причина да започне и меѓународен судски спор, а за неговата разрешница, самиот автор Ристо Пулевски раскажа пред повеќе години во интервју за весникот ,,Пензионер плус” кој е официјално гласило на Сојузот на здруженија на пензионерите во Македонија.

Во интервјуто кое го направил битолскиот новинар Никола Талевски, кој почина пред неколку години, авторот Пулевски вели дека песната му „легнала“ на Питер Габриел, кој ја снимил во тираж од 3,5 милиони, и истата се вртела на светската топ листа три години, пробивајќи се на самиот врв.

Околу спорот кој се водел за авторството, појаснува дека не го добил.

-Во едно интервју побараа јас да ја пеам со мојот глас, како доказ дека песната е моја! Го сторив тоа, но… спорот не го добив, ама да те пејат во светот, тоа е чест, нели? И на тие кои беа коректни кон моето авторство, а и на другите, на сите им благодарам!

Нека пејат тоа што јас сум го создал- порача Пулевски, не откривајќи детали зошто конкретно го изгубил спорот и дали воопшто ги заштитил своите авторски права.

Пред да ја создаде „Дали знаеш мила мајко“, во 1962 година тој ја создал и легендарната „Туѓината пуста да остане“. За прв пат ја отпеал во живо во Радио Битола. За оваа песна, тој вели дека кога започнал да работи како радиопејач, вработените во радиото го наговориле да напише своја песна.

-Песната сама ми дојде. Се вратив во село вечерта, ја оставив сијалицата да свети во одајата, зедов тетратка и стило и почнав. Пишував додека не ја завршив и последната строфа длабоко во ноќта.


Имав извонредна песна во главата! По два дена дојдов во Радио Битола и му ја испеав на Борче Талевски – Боцкино, кој раководеше со малиот народен оркестар.
Тој почна да нотира, а директорот Ристо Невеновски ми рече дека ќе ја пејам истиот ден на радио.

Песната стана најпопуларна во емисијата „Желби на слушателите“, и ја зеде дуетот Куцулова – Андреевски. Во Скопје ја зедоа Александар Сариевски и Васка Илиева. Се радував на успехот, моја песна да ја пејат најпознатите македонски пејачи, таа стана еден вид на химна на печалбарите. Набргу потоа ја создадов „Дали знаеш мајко мила“ и ја посветив на сопругата – си спомнува авторот во интервјуто за „Пензионер плус“.

Обработката на неговата песна од страна на Габриел и „Дип форест“ е објавена во повеќе верзии на музичкиот канал Јутјуб.

Коментарите под неа се многубројни, а често завршуваат и со караници помеѓу Македонци и Бугари, кои меѓусебно се обидуваат да докажат чија е песната, дали македонска, авторска, или пак бугарска – народна./Fokus

Видео до песната:

https://youtu.be/suMKJjMLD18

Македонија

ВНИМАВАЈТЕ! Злоупотреба на лична карта за подигање брзи кредити

Четириесет и четиригодишна жена од Кочани со живеалиште во Пробиштип вчера во ОВР Пробиштип пријавила дека нејзината лична карта била злоупотребена за подигање брзи кредити.

Според пријавеното, на Фејсбук таа ја објавила својата трансакциска сметка за уплата на донација за лекување на член на фамилијата, по што порака на социјалната мрежа ѝ пратило лице кое ја побарало личната карта за да направи донација. По кратко време на сметката ѝ биле исплатени 70.000 денари од две финансиски друштва.

Како што соопшти МВР во дневниот Билтен, веднаш потоа ѝ се јавило машко лице кое, претставувајќи се како сопственик на фирма, ја известило дека наводно по грешка ѝ била извршена уплата на нејзината сметка.

Побарало парите да му ги врати, испраќајќи ги по такси возило во Скопје. Таа се посомневала дека е измамена и случајот го пријавила во полиција. Во координација со јавен обвинител се преземаат мерки за негово расчистување, наведува Министерството за внатрешни работи.

Македонија

Љубчо бара ревизија на наративите за ИЛИНДЕН и за АСНОМ

„Сега, откако се наполнија 120 години од Илинденското востание, ВМРО-Народна партија смета дека доволно време е поминато за да се направи една полна рехабилитација на многу личности кои учествуваа и се бореа во Илинденското востание, а од идеолошки и други неразбирливи причини беа оцрнети од македонската историја“, се вели во соопштението на ВМРО-Народна партија.

Во продолжението на соопштението се вели:

„Сакаме да го спомнеме ликот на Тома Давидов кој беше назначен лично од Гоце Делчев за главен воен ревизор на битолскиот револуционерен округ, кој за жал загинал непосредно пред Илинденското востание, но бил главниот човек кој ја направил толку силна воената организација на ТМОРО непосредно пред самото востание.

Но, врв на нашата неодговорност кон историјата е фактот што Илинденското востание го воспеваме со највисоки пофалби, а од главниот штаб на истото тоа востание, кој беше составен од Даме Груев, Борис Сарафов и од Атанас Лозанчев, го признаваме само Даме Груев. Борис Сарафов сеуште официјално го сметаме за врховист, а Атанас Лозанчев дури и за фашист.

Исто така, не можеме да сфатиме зошто Илинденското востание го сведуваме само на десет дена во Крушево, кога јасно е дека востанието траело повеќе од два месеци и под истата команда и истото решение се дигнал и народот во Одринско, односно на Преображение во Одринско, а на Крстовден во Серско.

И доаѓаме до моментот кога самите ја намалуваме димензијата на големината на Илинденското востание.

Понатаму кога зборуваме за вториот Илинден – АСНОМ, за жал освен Методија Андонов Ченто, кој е официјално рехабилитиран, нитуе една друга југословенско- титоистичка жртва не е рехабилитирана. Се соочуваме со невидена историска хипокризија со која устата ни е полна во одбрана на АСНОМ, а скоро 80 години после тој АСНОМ не сакаме да го погледнеме списокот на луѓето кои учествувале на заседанието на АСНОМ, колку од нив биле убиени, колку мачени по југословенските затвори и колку од нив за жал избегале во Бугарија.

Само полна рехабилитација на жртвите на АСНОМ ќе ни даде право да зборуваме и да го славиме понатаму.“

Македонија

„Да се зголемат платите на лекарите затоа што ќе останеме без нив“

Докторот Нико Беќаровски кажа дека директорот на Клинички центар треба да го бира Владата, но раководителите на клиниките треба да бидат вработени со минимум 20 години искуство.

Беќаровски кажа дека Иницијативниот одбор ја поздравува идејата за спојување на Клинички центар.

– Иницијативниот одбор ја поздравува идејата за спојување на Клинички центар, тоа беше една од нашите заложби. Меѓутоа, од друга страна, спојувањето треба да значи и професионализација на клиниките. Што подразбираме под тоа? Директорот на Клинички центар, да, може, нека го бира Владата, меѓутоа раководителите на клиниките исклучиво да се бираат од редот на вработените на клиниката со минимум 20 години искуство да бидат специјалистичко, пожелно би било секако да бидат од редот на професорите коишто се на таа клиника. Ние направивме една груба проценка дека само по основ на втор директор којшто постои моментално во клиниките и по основ на управни одбори, годишно околу милион и сто илјади евра се неповратно фрлени без никаква конкретна импликација, освен што служи за вработување на кадри, вели Беќаровски.

Резултатот од т.н „вечерни школи“, како што вели, е неквалитетен кадар.

– Секој најдобро знае каков персонал му недостига. Во моментот се случува од денеска да добиеме писмо дека овој е прераспределен кај вас, овој е тргнат од кај вас. Со ваков начин квалитет нема. Верувајте, има сестри што не знаат да ја стават иглата на шприцот. Таква сестра не може да работи на Клинички центар. Не би требало да работи ни на друго место. Се дисперзираа, секаде се отворија школи, се завршуваат вечерни школи, од таму произлегоа неквалитети, оцени Беќаровски.

Истовремено, лекарите го повторија и барањето за зголемување на платите.

Во спротивно најавуваат протести и напуштање на јавното здравство. Ова го најавија од Синдикатот на Клиничкиот, кому му се приклучува и докторскиот одбор.

– Ние бараме со августовската плата да се изврши тоа усогласување со минималната. Доколку тоа не се реши пред покачувањето најавено во септември, ние ќе почнеме да ги користиме сите законски акти и прописи, а тоа значи дека може да има приватни и колективни тужби до Фондот за здравство и до Министерство за здравство, а во согласност со членството, во консултации со членството може да почнат и протестите, вели Серафимовски.

– Како што се најдоа пари за судиите и за функционерите, така треба да се најдат пари и за лекарите, вели доктор Беќаровски.

Доколку не се исполнат барањата на лекарите, тие ќе преминат во приватното здравство, а младите лекари ќе заминат од државата.

Покрај зголемување на платите, се бара и обединување на сите клиники во еден правен субјект, со што, како што велат, ќе се заштедат огромни суми пари од плаќање на организациските директори и непотребните управни одбори, и тоа од над милион евра. Од Синдикатот се бара и регулирање на специјализациите, како и на статусот на сите вработени со договор на дело подолг од 6 месеци.

Македонија

Бугарскиот навивач кој беше повреден на натпреварот Левски-Шкупи пренесен со хеликоптер до Софија

Откако седум дена се лекуваше на Одделот за интензивна нега на хирургија во болницата „Свети Наум Охридски“ во Скопје по хирушки зафат откако се здоби со повреда од нож во физичка пресметка со навивачи на Шкупи, повредениот навивач од Бугарија пренесен со хеликоптер од Скопје во Софија 

Надлежниот јавен обвинител денеска изврши распит на оштетениот пред неговото отпуштање од болница и ја обезбеди целокупната медицинска документација.

Постапката против четири лица за кривично дело – Насилство продолжува.

Се трага и по лицето за кое постои сомнение дека е директно одговорно за нанесување на тешката телесна повреда на бугарскиот државјанин.

Македонија

Пресврт со времето – Подгответе се за невреме

До петок ќе се задржи стабилно и многу топло време. Во сабота во попладневните часови се очекува локален развој на нестабилна облачност проследена со пороен дожд, грмежи и засилен ветер, наместа и во форма на невреме. Во недела и понеделник ќе дува засилен северен ветер што ќе предизвика опаѓање на температурата.

Прогноза за 04.08.2023
Минимална температура: 14°C до 23°C
Максимална температура: 34°C до 40°C

Сончево и многу топло. Ќе дува слаб до умерен ветер од јужен правец. UV=9

Прогноза за 05.08.2023
Минимална температура: 15°C до 23°C
Максимална температура: 30°C до 38°C

Претпладне сончево и топло со мала до умерена облачност. Попладне и во вечерните часови ќе има локален развој на нестабилна облачност проследена со пороен дожд, грмежи и засилен ветер. Наместа процесите ќе бидат поинтензивни во форма на невреме. UV=8

Прогноза за 06.08.2023
Минимална температура: 12°C до 20°C
Максимална температура: 26°C до 31°C

Сончево со мала до умерена локална облачност. Ќе дува умерен, наместа повремено засилен ветер од западен и северозападен правец. UV=8

Македонија

„Кога се срамат да кажат Македонија или дека Илинденско е македонско востание, коњаници не им поминуваат“

Народот и сега како и целиот овој период е сплотен цврсто и бара силно национално единство зад националните и државните интереси. Власта е таа која што го игнорира својот народ, го понижува и се обидува да го раздели. Насилните обиди на власта да направи уставни измени удираат во ѕид. ВМРО-ДПМНЕ нема да дозволи уставни измени под бугарски диктат кои немаат врска со Копенхашките критериуми и се газење на достоинството на својот народ, велат од ВМРО-ДПМНЕ.

Тие додаваат дека  Македонија бара фер шанса како и сите останати земји кои пристапувале кон ЕУ, а не преговори обременети со историски наративи и притисоци.

– Македонија бара институционални европски гаранции дека европскиот пат ќе биде предвидлив, а не подвижна цел која постојано ќе ни бега заради апсурдни ретроградни барања на Бугарија. Оваа власт за жал ниту кога преговараше, ниту кога прифаќаше не изгради национален и државен консензус. Сега сака тоа да го наметне како свршен чин кој Македонија треба да го прифати без поговорно потенцираат тие.

Од партијата потенцираат дека оваа власт пропушти толку многу подадени раце од ВМРО-ДПМНЕ.

– Пропушти толку шанси да избори подобри позиции за Македонија. Сега преостанува само што побрзо да го стават ова прашање на пленарна седница и да се соочат со реалноста дека немаат ниту мнозинство. После тоа следен логичен чекор ќе бидат избори. ПР финти од типот на коњици не им поминуваат. Кога се срамат името Македонија да го споменат или пак да кажат дека Илинден е македонско востание, уште три коњици да организираат нема да им поминат. Прочитани се, а наскоро и ќе бидат казнети, стои во соопштението.

Македонија

Граната од 100 килограми најдена во Македонија

Во текот на вчерашниот ден во 13 часот во СВР Куманово било пријавено дека кај с.Псача, при изведување на градежни работи, била пронајдена авионска граната со тежина од 100 кг, која потекнува од Втората светска војна.

Извршен бил увид, а од страна на Дирекцијата за заштита и спасување гранатата била безбедно подигната за понатамошна постапка.

Не е првпат во државава да бидат пронајдени стари гранати кои датираат уште пред 70 години.