Category Archives: Технологија

Балкан, Технологија

Државиште! Изградена првата фотоволтаична пловечка централа во АЛБАНИЈА (Видео)

По успешното завршување на фазата на имплементација, пловечката фотоволтаична централа во Елбасан започна со работа, јави весникот „Илинден“.

-Првата пловечка централа во Албанија произведува струја од обновлива енергија која се внесува во албанската енергетска мрежа. Централата се наоѓа во вештачката акумулација Бања, со која управува норвешката компанија „Статкрафт“. Хидроелектраната е со моќност од 72 мегават часови. Ова е иновативен проект за истражување и развој со инсталирана моќност од 2 мегават часови и планирано годишно производство од околу 2,6 гигаватчасови, додава весникот повикувајќи се на објава на компанијата.

Оваа пловечка фотоволтаична технологија е развиена од норвешката компанија Ocean Sun и имплементирана со албанската компанија Доко. Покрај производството на обновлива енергија, овој истражувачки и развоен проект ќе послужи и како основа за учење и оценување на потенцијалните придобивки од оваа технологија.

-Ја завршивме фазата на имплементација на пловечката фотоволтаична централа Бања, иновативен проект за истражување и развој кој може да придонесе за развој на обновливите извори на енергија. Врз основа на потенцијалот на обновливата енергија во Албанија, веруваме дека земјата може да игра клучна улога како иноватор за обновлива енергија во регионот, изјавил Симен Бреин, потпретседател на „Статкрафт“ за Европа.

Според Ригела Гегприфти, генерален директор на Статкрафт во Албанија, завршувањето на фазата на имплементација на овој проект за истражување и развој претставува уште едно достигнување на компанијата во Албанија.

-Овој проект е реализиран во тесна соработка со албанските власти. „Статкрафт“ е најголемиот приватен инвеститор во Албанија во обновливи извори на енергија со хидроцентралите Бања и Моглица и во моментов ги разгледуваме можностите за понатамошна оптимизација на овие средства за обновлива енергија, изјавила Гегприфти.

Компанијата „Статкрафт“ е присутена во Албанија од 2007 година. 

Видео:

https://fb.watch/jaXeSEGEqD/

Технологија

Велосипед кој ви овозможува да возите и да џогирате во исто време (ВИДЕО)

Video

Единственото превозно средство кое се вика Lopifit, е електричен велосипед кој во исто време е и лента за трчање. Направен е во земјата на велосипедите, Холандија.

Оној кој го вози, Lopifit му овозможува да поминува поголеми дистанци за кратко време, отколку да оди пеш, но притоа истовремено има и интензивен кардио тренинг надвор.

Неговите креатори тврдат дека овој необичен велосипеди исто така е погоден за оние кои не сакаат да возат велосипеди или некои физички ограничувања не им го дозволуваат тоа.

Lopifit овозможува движење со пешачко темпо од околу 5 км/ч, но и движење со брзина од околу 30 км/ч. Опремен е со робусна литиумска батерија од Samsung и електромотор Bafang, а со едно полнење на батеријата може да се помине и до 80 километри.

Свет, Технологија

Каде отиде светот ? – По Германија и Кина го пушта во употреба ПРВИОТ ПАТНИЧКИ ВОЗ НА ВОДОРОД

Gallery

Најголемата светска компанија за производство на возови, кинески CRRC, лансираше нов патнички воз со нулта емисија на гасови, кој работи на водородни ќелии со суперкондензаторски меѓурезервоар.

Возот со четири вагони може да вози со брзина до 160 км/ч, што го прави најбрзиот воз на водороден погон во светот.Возот е развиен во соработка на државните компании CRRC и Chengdu Rail Transit и воедно е првиот водороден патнички воз во светот и има досег од 600 км. Притоа, не испушта никаков отпаден гас, туку вода.

Исто така, има опција за автономно возење, доаѓа со 5G комуникација и функционалност на автоматско враќање во гаража. Симболично е тоа што земјата која контролира најголем дел од синџирот за снабдување со литиумски батерии тивко се префрла на водород. Со оглед на недостигот на ресурси на литиум, можен е скок на цената, а Кина се труди што побрзо да го воведе водородот како алтернатива за литиум-јонските батерии.

Во Германија во 2018 година во промет беше пуштен првиот воз во светот кој за гориво користи водород. Ова е поскапа, но еколошки далеку поприфатлива технологија отколку дизел-возовите кои го загадуваат воздухот.

Синиот воз го направи француската компанија Alstom, а прв пат возеше по 100 км долга траса меѓу градовите Куксхавен, Бремехавен, Бремерверде и Букстехуде во северна Германија. 

Alstom ги произведува француските возови  TGV и од компанијата велат дека планираат да испорачаат уште 14 возови до 2021 година во Долна Саксонија, но и во други делови од Германија каде што ќе има интерес.  Возовите на водород се опремени со ќелии кои со комбинација на водород и кислород произведуваат струја со водена пареа како единствен нуспроизвод. Вишокот енергија го складираат во литиум-јонски батерии.

Технологија

Што луѓе се? – Јапонците ќе произведуваат електрична енергија од снег (ВИДЕО)

Video

Истражувачите од јапонскиот град Аомори почнаа да ги проучуваат методите за производство на електрична енергија од снег за да обезбедат одржлива енергија и да го решат проблемот со недостигот на електрична енергија.

Аомори е прекрасен јапонски град кој се наоѓа на 715 километри северно од Токио. Покрај боровите шуми, градот е познат како едно од местата со најмногу снег. Секоја година паѓаат меѓу 7,5 и 8 метри снег. Минатата година падна толку многу снег што локалните градски власти мораа да потрошат 46 милиони долари за расчистување на зградите и улиците. Јапонците се ослободуваат од снегот купувајќи го и фрлајќи го во морето.

Овој процес може да изгледа едноставен, но троши значително време, ресурси и пари. Тим составен од истражувачи од ИТ стартапот Форте и Универзитетот за електрокомуникации во Токио предложија интересно решение за проблемот со снегот. Тие предлагаат снегот да се искористи за производство на чиста и прифатлива електрична енергија. Тестирањето на оваа идеја веќе започна во базенот на една напуштена училишна зграда, пишува Japan Times. Истражувачите веруваат дека нивниот пристап може да им помогне на голем број европски земји кои моментно се соочуваат со енергетска криза поради војната во Украина. Повеќето од овие држави немаат проблем со недостаток на снег, па би можеле да го искористат за производство на чиста енергија.

За време на истражувањето, јапонските научници ќе користат големо количество снег и „надворешен“ воздух за напојување на турбина која произведува електрична енергија. Надворешниот воздух има повисока температура од воздухот што го опкружува снегот бидејќи се загрева од сонцето.

Научниците ќе користат топлински цевки за да донесат ладен воздух (од снегот) и топол воздух (од отворено) до течноста за ладење во турбината. Разликата во температурата на ладниот и топлиот воздух ќе доведе до зголемување на струјата на конвекција во течноста за ладење на турбината, а оваа струја на крајот ќе предизвика турбината да се ротира и да генерира електрична енергија.

Ова не е прв пат научниците да се обидат да генерираат електрична енергија користејќи снег, бидејќи во 2019 година тим истражувачи во Калифорнија развија уред што може да генерира струја  од снег што паѓа. Сепак, овој метод може да напојува само мали уреди. Имаше и други слични студии, но ниту една од нив не нуди остварливо решение како она што го спроведуваат јапонските научници.

Сепак, постојат и одредени предизвици. За да може процесот да биде скалабилен, потребни се големи капацитети за складирање. Покрај тоа, неопходно е да се обезбеди континуирано снабдување со топол воздух во снежните региони. Научниците ќе спроведат истражување во Аомори до март за да ја тестираат изводливоста на нивниот метод. Во меѓувреме, ќе бараат начини да соберат топол воздух од топлите извори во обид да ги надминат ограничувањата.

Доколку јапонските научници бидат успешни, нивниот метод ќе стане нова револуција во обновливите извори на енергија и ќе биде особено важен за студените региони во светот.

Технологија

Kаков телефон користи еден од најбогатите луѓе на планетата?

Со оглед на тоа што Мајкрософт претстави свои телефони кои работат на Андроид, би очекувале Гејтс да користи уреди од компанијата што ја основал и раководел долги години како извршен директор.

Бил Гејтс помина долго време на врвот на листата на најбогати луѓе во светот, и иако веќе некое време им гледа во грбот на таквите како Илон Маск, Џеф Безос и други, тој сè уште се држи прилично добро.

Имено, според листата на милијардери на Блумберг, Гејтс моментално „тежи“ околу 111 милијарди долари, што го става на петтото место на таа листа, веднаш пред Ворен Бафет.

Со толку пари, Гејтс навистина може да има се што ќе посака кога станува збор за материјалните работи, а за време на разговорот со корисниците на Reddit минатата година, луѓето се прашуваа каков модел на паметен телефон користи еден од најбогатите луѓе во светот.

Одговорот на тоа прашање изгледал логичен, но тој изненадил од изборот на телефонот што го користи.

Имено, Гејтс е основач и долгогодишен извршен директор на Microsoft, па не е тешко да се претпостави дека би можел, па дури и треба да го користи Surface Duo, смартфонот на Microsoft со два екрани.

Но, наместо неговите телефони, Гејтс се покажа дека е обожавател на уредите на Samsung.

За време на споменатиот разговор со корисниците на Reddit минатата година, тој рече дека го користи Galaxy Z Fold 3, а минатата недела повторно одговараше на прашања од корисниците на Reddit и тие уште еднаш ги спомнаа телефоните.

Свет, Технологија

НАСА откри уште една потенцијално населлива планета слична на Земјата

Планетата, наречена TOI 700 e, веројатно е карпеста и речиси со иста големина како нашата планета (95 проценти). Небесното тело ја претставува четвртата откриена планета која орбитира околу малата, студена џуџеста ѕвезда М TOI 700. Сите планети беа откриени од страна на транзитниот сателит за истражување на егзопланети на НАСА, или мисијата TESS.

Друга планета од истиот систем, која беше откриена во 2020 година и наречена TOI 700 d, исто така е слична по големина на Земјата. Двете егзопланети се наоѓаат во зоната на живеење на нивната ѕвезда, односно на растојание што потенцијално овозможува постоење на вода на површината. Можноста за вода значи дека планетите би можеле да бидат погодни за живеење или некогаш биле.

Откривањето на новата планета беше официјално потврдено на 241 состанок на Американското астрономско друштво.

Мали, ладни, M џуџести ѕвезди како TOI 700 се вообичаени во универзумот, а многумина се домаќини на егзопланети како системот TRAPPIST-1 со седум егзопланети кои ќе бидат набљудувани од вселенскиот телескоп James Webb.

Најблиску до ѕвездата е планетата TOI 700 b, која е 90 проценти од големината на Земјата и завршува една брза орбита околу ѕвездата на секои 10 земјини денови. Постои и TOI 700 c, кој е 2,5 пати поголем од Земјата и патува околу ѕвездата за 16 дена. Овие планети веројатно се „заклучени“ така што секогаш се свртени кон ѕвездата од истата страна, исто како што Месечината секогаш е свртена кон Земјата од истата страна.

Две егзопланети во зоната погодна за живот на ѕвездата, планетите d и e, имаат подолги орбити кои траат соодветно 37 и 28 дена. Причината е што се подалеку од ѕвездата. Новооткриената планета всушност се наоѓа помеѓу овие две.

Мисијата TESS започна во 2018 година и надгледува делови од ноќното небо 27 дена, односно најсјајните ѕвезди додека ги следи нивните промени во осветленоста. Намалувањето на светлината укажува на планети кои орбитираат додека минуваат пред нивните ѕвезди, наречени транзити.

Мисијата почна да го набљудува јужното небо во 2018 година, а потоа се сврте кон северното небо. Во 2020 година, мисијата повторно се фокусираше на јужното небо за дополнителни набљудувања и ја откри четвртата планета во системот TOI 700

Македонија, Технологија

Во Германија се гради ПРВИОТ ПАТ за безжично полнење на електрични возила (Видео)

Video

Германија започна со реализација на проектот на првиот јавен пат опремен со технологија за безжично полнење на електрични возила, вклучувајќи комерцијални и патнички автомобили. Првата цел е да се полни електричниот автобус кој сообраќа на релација до градот Балинген.

За снабдувач е избрана големата компанија Electreon, која развива решенија за безжично полнење на електрични возила. Индуктивната технологија на Electreon веќе освои награди и е еден од најеколошките, најскалабилните и најпривлечните методи за полнење.

Оваа технологија ги полни батериите на возилата динамично и статички, односно кога се движат и кога стојат во место. Ова, исто така, ја намалува потребата за капацитет на батеријата, ги елиминира грижите за опсегот, ги намалува вкупните трошоци на сопственост и електричните возила се полнат брзо и безбедно. Electreon работи со комунални претпријатија и оператори на возниот парк за да им овозможи на јавните, комерцијалните и самоуправувачките флоти да се претворат во електрични по ниска цена и без пречки.

Во соработка со водечкиот германски снабдувач на инфраструктура за полнење електрични возила наречена EnBW, Electreon ќе инсталира Electric Road System (ERS) на должина од еден километар од патот. Имајќи ги предвид автобуските постојки, ќе се одлучи и каде ќе бидат поставени двете статички станици за полнење.

Технологијата ќе биде воведена во две фази, првата вклучува патека долга 400 метри со две статични станици за полнење, а втората фаза ќе додаде уште 600 метри должина на „електричен пат“.

Овој план доаѓа по успешното тестирање на технологијата на Electreon во Карлсруе, кое беше спроведено во партнерство со EnBW. Електрификуваниот пат е изграден во објектот за тестирање на EnBW, кој напојува јавен автобус во близина за време на шпицот. Како дел од договорот, Electreon ќе добие до 3,2 милиони евра за овој проект во Балинген за поставување инфраструктура за статичко и динамично безжично полнење.

Технологија

На МЕСЕЧИНАТА ќе се градат ЖИВЕАЛИШТА – НАСА веќе избра компанија

Американската вселенска агенција НАСА, во потрага по практични решенија за изградба на одржливи структури на Месечината, го продлабочи партнерството со компанијата „ИKОН“ од Остин, Тексас, САД.

„ИKОН“ е познат по изградбата на првата вселива 3-Д печатена куќа во САД во 2018 година, а НАСА сега ја продлабочува својата соработка со фирмата, доделувајќи ѝ договор во вредност од 57,2 милиони долари за развој на „решенија коишто може да помогнат во изградбата на инфраструктура како што се објекти за живеење, патишта и сл. на површината на Месечината, како и точки за слетување“. Со потпишување низа договори со приватни компании, НАСА се обидува долгорочно да ги осигури своите мисии за истражување на Месечината во рамките на програмата „Артемис“.

– Поттикнувањето на овој развој со нашите комерцијални партнери ќе ги создаде можностите потребни за идните мисии, рече Ники Веркхајзер, директорка за развој на технологија во Дирекцијата на мисијата за вселенска технологија при НАСА.

Станува збор за иницијатива за истражувања, чии претходни фази имаа за цел да ги прошират можностите на 3-Д печатените структури коишто ќе се користат во мисиите во вселената.

– Со цел да истражуваме други светови, треба да ги прилагодиме новите технологии во тие средини и на потребите на нашето истражување, додаде Веркхајзер.

Според програмата „Артемис“, првата подолготрајна мисија на Месечината треба се изведе по речиси 50 години. Првата жена, пак, ќе стапне на Месечината, заедно со уште еден астронаут, како што првично се најавува – во 2024 година.

Во меѓувреме, капсулата „Орион“ на НАСА прелета над Месечината, а нејзиното враќање се очекува на 11 декември.

Бизнис, Македонија, Технологија

Економска катаклизма: Еуроникел прекинува со работа, сите вработени на принуден одмор

Дали започнува економскиот колапс во Македонија? Ова е логично прашање кое следува откако еден од најголемите индустриски капацитети во Македонија Еуроникел индустри ДОО Кавадарци става клуч на своите производствени погони.

Еуроникел е трговско друштво за ископ на руди, производство на метали, трговија и услуги кое има децениска историја на успешна работа и со години е помеѓу 200-те најуспешни компании во државата.

Годинава поради економската, но и енергетската криза, компанијата е принудена да прекине со работа и да ги испрати сите вработени на принуден одмор.

Во соопштението испратено до вработените се вели дека лошата енергетска состојба кулминирала во претходните неколку месеци при што електричната енергија која е еден од најважните фактори во производствениот процес во фабриката се купувала по цена од 600, 700 па и до 1000 евра за мегават час што придонело раководството на компанијата да бара нови решенија.

Иако во изминатите два месеци се спровел ремонт на целокупната опрема и немало производство со надеж дека ќе се подобри состојбата со цената на струјата овој септември, ситуацијата доополнително се влошила.

Од раководството на компанијата се приморани да ги испратат сите вработени на платен принуден одмор кој ќе се имплементира во пракса веќе од наредната недела.

Приватните компании електричната енергија ја набавуваат на слободниот пазар за разлика од граѓаните кои цената на струјата која ја плаќаат е субвенционирана.

Цените на струјата на слободниот пазар во изминатите неколку месеци достигнаа вредности и од 1000 евра за мегават час, а во наредните месеци се очекува цената на струја дополнително да расте.

За жал веројатно ова е само првата од многуте компании во Македонија кои со години успешно работеле, а сега поради енергетската криза ќе бидат приморани да стават клуч на врата.

Koмпанијата Еуроникел како и целиот бизнис сектор спасот од кризата ќе го бара во помош од државата.

Пред малку заврши советот за безбедност на кој присуствуваа претседателот на Владата на Република Македонија Димитар Ковачевски, заедно со претседателот на Република Македонија Стево Пендаровски.

– Денес на Советот за безбедност разговаравме за енергетската криза и мерките и начините за справување со последиците од истата. Овие разговори не се нималку лесни, но сепак можам да констатирам дека имавме продуктивен, добар и успешен состанок. Оваа горлива тема е во фокус веќе подолго време, кризата трае одамна и од последниот квартал минатата година и ние како Влада, како држава преку антикризните мерки ефикасно се справуваме со неа и овозможивме ценовните шокови да се ублажат и за граѓаните и за стопанството. Но во моментов ситуацијата на светско ниво е алармантна, цените на берзите се превисоки, постои реален проблем со недостаток на електрична енергија во Европа. Повеќепати спомнувам, ова ќе е најтешката зима во поновата светска историја, изјави Ковачевски.

На дневен ред на седницата на Советот за безбедност единствена тема беше токму енергетската криза во Македонија, како и мерки за нејзино надминување.

Покрај членовите на Советот за безбедност, на седницата присуствуваа и вицепремиерот за економски прашања Фатмир Битиќи, министерот за финансии Фатмир Бесими и министерот за економија Крешник Бектеши.

На 25.08.2022 година Владата прогласи кризна состојба во енергетскиот сектор и кризна состојба во снабдувањето со топлинска енергија на подрачјето на Град Скопје.

Со прогласување на кризна состојба се отвара можноста за дистрибуција на средства кон државната ЕСМ за набавка на јаглен, мазут и гас и непречено производство на струја во периодот кој претстои. Експертите сметаат дека тоа не е доволно, потребни се низа други мерки насои за спас на стопанството и економијата а првенствено олеснување на процесот за набавка и поставување на фотоволтаици кои би го ублажиле ударот од ценовниот шок предизвикан од цената на струјата на светскиот пазар. Бизнис заедницата бара конкретни чекори од Владата бидејќи се заканува клуч на врата во мноегу претпријатија. Цената на струјата на слободниот пазар се очекува да ја надмине бариерата од илјада евра за мегават час

Свет, Технологија

Скандалозна изјава на Елон Маск: Луѓето треба да бидат чипирани

Шефот на SpaceX и Tesla, Елон Маск, смета дека сите луѓе на планетата треба да бидат чипирани со посебен чип во главата. Тој го изрази ова мислење во напис за кинеското списание China Cyberspace. Во текстот, тој објасни, меѓу другото, зошто луѓето треба да се чипираат со помош на неговиот стартап Neuralink.

Преводот на статијата го објави Јанг Лиу, дописник на кинеската државна новинска агенција Ксинхуа, на неговиот блог.

Neuralink се фокусира на развој на технологии за спојување на компјутерите и човечкиот мозок преку мозочни чипови со големина на монети слични на преносливи уреди како што се паметните телефони, напиша милијардерот.

Наведено е дека чиповите Nueralink мора да бидат вградени во церебралниот кортекс на корисникот.

Според Маск, чипот ќе им помогне на лицата со попреченост – ја враќа моторната функција на екстремитетите кај луѓето со повреди на ‘рбетот и нарушувања на нервниот систем, а исто така ќе им овозможи на парализираните луѓе да го користат мозокот за работа со компјутери и паметни телефони.

Маск заклучува дека технологиите на неговите компании Tesla, SpaceX и Neuralink заедно можат да „помогнат да се постигне подобра иднина за човештвото“.

Во април минатата година, Маск се пофали со најголемото достигнување на неговата компанија Neuralink до сега – успешен експеримент со мајмун со чип вграден во неговиот мозок, кој може да игра одредена игра само со моќта на својата мисла.

Следното клиничко испитување на чиповите се очекува да биде кај луѓе.