Бензинот  ЕУРОСУПЕР БС-95 и Екстра лесното масло за домаќинство на (ЕЛ-1) од ноќеска на полноќ поскапуваат за 2,5 денари по литар,  ЕУРОСУПЕР БС-98 за два денари, а за три денари ЕУРОДИЗЕЛ (Д-Е V), одлучи денеска Регулаторна.

Бензинот ЕУРОСУПЕР БС-95 и Екстра лесното масло за домаќинство на (ЕЛ-1) од ноќеска на полноќ поскапуваат за 2,5 денари по литар, ЕУРОСУПЕР БС-98 за два денари, а за три денари ЕУРОДИЗЕЛ (Д-Е V), одлучи денеска Регулаторната комисија за енергетика.

Новата цена на ЕУРОСУПЕР БС-95 изнесува 89 денари за литар, а 91 денар на ЕУРОСУПЕР БС-98. Литар Екстра лесно масло за домаќинство на (ЕЛ-1) ќе се продава за 97 денари, а по 100,5 денари ЕУРОДИЗЕЛ (Д-Е V).

Се зголемува и цената на Мазутот М-1 НС, за 0,668 денари, и ќе изнесува 51,920 денари за килограм.

Малопродажните цени на нафтените деривати согласно со Методологијата за формирање на цените, се зголемуваат во просек за 2,43 проценти.

Бугарскиот европратеник Ангел Џамбаски повторно провоцираше на својот фејсбук профил, каде напиша, 

За последен пат, Цар Борис III обединител е симбол на ослободувањето и единството на Бугарите.

Тој по повод случувањата околу отворањето на бугарскиот клуб „Цар Борис Трети“ во Охрид му одговори и на македонскиот министер за надворешни работи Бујар Османи:

„Ова господине Османи не е провокација, туку факт. Годините на лаги и пропаганда на Коминтерната не можат да ја променат историјата. И тоа покажува дека бугарските чети биле пречекани како ослободители со цвеќиња и бугарски песни. Иван Михаилов, кој го мразат сите Македонци, вели: ‘Кога во 1941 година се отворија бугарските училишта во Македонија, никаде немаше бунт и не се бараа други училишта’.

Крајно време е политичарите крај Вардар да сфатат дека нивниот страв од колапс на лагата не ја оправдува омразата и репресијата кон Бугарите. Југославија се распадна, време е да се урне нејзиниот последен бастион – македонизмот“, напиша Џамбаски.

Дали ДУИ ќе му се заблагодари на Артан Груби па и тој заедно со Горан Милевски ќе си замине од Владата е прашање кое веројатно ќе добие одговор на седницата на партиските тела на ДУИ која е закажана за 15 октомври.

Прва победа на огнената група

Ахмети очигледно беше ставен во тесно па прифати партијата по речи си 3 години да избере нови органи.
-Денеска имавме разговор со долгогодишнте соработници, со нив сум поминал во многу битни процеси, во многу успеси. Разговаравме и во суштина дебатата се враќа внатре во партијата. На 15 октомври ќе има Централно собрание каде ќе се разговара за политичката ситуација, но и ќе се избере новото претседателство и веднаш истиот ден новото претседателство ќе се врати во седиштето на ДУИ каде што ќе меѓу другото ќе се разговара за политичката ситуација и ќе има отчет од владиниот состав на ДУИ, изјави Ахмети на прес-конференцијата придружуван од „Огнената група“ предводена од Муса Џафери, Блерим Беџети, Изет Меџити, Садула Дураку и Невзат Бејта.

Претседателство на ДУИ два дена пред седницата на Собранието

Датумот 15 октомври доаѓа за само 10 дена од денеска и веројатно има причина зошто по толку чекање интегративците сега решија набрзина да се состанат и да изберат нови партиски органи кои пак нема да имаат некој значителен простор за да владеат со партијата имајќи предвид дека ДУИ ќе оди на редовен конгрес во декември идната година.
Но, 15 октомври е датум кој доаѓа на само 2 дена пред пленарната седница на Собранието која Џафери ја има закажано за 17 октомври. На неа, отсега се знае дека ќе биде констатирана оставката на Горан Милевски па нема да биде никакво изненадување ако на оваа седница се констатира и оставката на Груби но и на уште некој министер од ДУИ по одлуки кои викендот претходно би ги донело Централното Претседателство на ДУИ.
Предводникот на „огнената група“ Изет Меџити вчера по средбата со Ахмети рече дека е задоволен од договореното без да прецизира детали дали тоа подразбира дека е договорено Артан Груби да почне да си ја пакува канцеларијата.
„ Дебатата ќе се врати во ДУИ, органите ќе одлучат за тоа што понатаму со нашите барања, рече Меџити.

Реконструкција на Владата

Ако дебатата резултира со заклучок ДУИ да му се заблагодари на Груби за ангажманот во Владата, познавачите на состојбите во Мала Речица се на став дека не треба да се исклучи можноста заедно со него да замине и уште некој министер на ДУИ.
Иако премиерот Ковачевски тврди дека реконструкција нема да има, и на Бихаќка отворено се зборува за проветрување на владиниот кабинет а во игра се неколку имиња меѓу кои Вицепремиерката Грковска, министерот за транспорт и врски, Благој Бочварски и првиот човек во земјоделие Љупчо Николовски.
Секој од нив поединечно демантираше дека се разгледува нивна смена, но во ситуацијата во која во моментов се наоѓа Владата, нивните позиции немаат некоја поголема тежина, особено ако првиот министер се реши за некоја посериозна реконструкција на кабинетот која би вклучила и рокада на ресори.
Во СДСМ веќе подолг период се разговара за потребата од освежување, имајќи ги предвид слабите перформанси на Владата на речи си сите полиња. Првично планот беше освежувањето да дојде во пониските ешалони но, ако тргне возот во ДУИ, големи се шансите примерот да го следи и СДСМ.
Многу од овие дилеми одговори ќе добијат следниот викенд по седницата на Централното претседателство на ДУИ и Собраниската седница која доаѓа во понеделникот по овој викенд.

Под наслов „Со љубов за Тоше“ вечер од 19:00 часот на платото на Гумење во Крушево, пред спомен куќата на Тоше Проески, ќе се одржи концерт во спомен и сеќавање на големата наша и балканска музичка ѕвезда.

Голем број негови пријатели и музичари ќе ги изведат неговите безвремени песни. Пред најавената многубројна публика и фановите на Тоше кои во Крушево ќе дојдат од цела земја, ќе настапат: Јелена Томашевиќ, Бојан Маровиќ, Каролина Гочева, Дани Димитровска, Бени Шаќири, Ѓоко Танески, Мартинијан Кириловски, Јоце Панов, Омар Џафероски, како и солистите на НОБ Билјана Јосифов и Влатко Груески, во придружба на Камерниот оркестар на Битола и бендот на Тоше, кој се собра повторно во чест на Тоше.

Настанот е во спомен на последниот концерт којшто Тоше го одржа во Скопје на 5 октомври 2007 година, пред неговото трагично загинување во сообраќајната несреќа на 16 октомври пред 15 години.

Пред почеток на концертот изведувачите и солистите ќе положат цвеќе на гробот на Тоше.

Организатор на концертот е Спомен-домот на Тоше, а е финансиски поддржан од Министерството за култура. 

„Гугл“ објави дека ќе воспостави своја инфраструктура за услуги во облак (cloud services) во Грција, давајќи ѝ поттик на земјата во обидите да стане светски технолошки центар.

Договорот предвидува инвестиции од 2,2 милијарди евра и отворање околу 20.000 работни места до 2030 година, кажа грчкиот премиер Кирјакос Мицотакис.

Пред две години, и „Мајкрософт“ најави дека ќе гради три центри за податоци во областа на Атина, во инвестиција вредна една милијарда долари.

Како што беше кажано, новата инвестиција ќе им овозможи на организациите подобро да ги користат нивните податоци, ќе помогне да се намали латентноста и ќе ја зголеми безбедноста на корисниците од сајберзаканите.

Клауд одделот на „Амазон“ исто така ја отвори својата прва канцеларија во Грција лани.