Tag Archives: АРМ

Македонија

(Фото) Најголема воена вежба на Криволак годинава

„Брз одговор 23“ е најголемата воена вежба која годинава се реализира на Криволак, вежба со која испраќаме неколку силни пораки – дека придобивките од сојузништвото во НАТО се пред сè за граѓаните, дека нашата земја е подеднакво голема и важна колку секој од сојузниците и дека солидарноста е клучот на успехот и напредокот, особено во тешки времиња, министерката за одбрана Славјанка Петровска.

Ова се моменти кога со гордост велам дека македонската Армија е НАТО армија, моменти кои потврдуваат дека инвестицијата и во опрема и во човечки ресурси во Армијата е инвестиција во заедничката иднина и е гаранција за нашата колективна безбедност.

Им честитам на припадниците на македонската и сојузничките армии за покажаната професионалност, посветеност и заедништвото кое го покажаа на вежбата „Брз одговор 23“.

Македонија

(Видео) Турскиот амбасадор: Пожртвуваноста на македонските војници ќе остане врежана во сеќавањата на турскиот народ

Video

Министерството за одбрана организира пречек на припадниците од специјалните сили на Армијата, кои учествуваа во хуманитарната спасувачка операција во Турција. Тие престојуваа 13 дена и помагаа во спасувачките акции, во кои извлекуваа жители на погодените градови од урнатините.

„Во трката со времето овие војници настојуваа да спасат човечки животи, а најголема радост беше спасувањето на 5-годишното дете од урнатините во Турција, беше посочено од страна на армиските власти во Македонија.

„Турција пред две недели ја доживеа најразорната природна катастрофа, Северна Македонија од првите мигови беше со нас“, истакна во своето обраќање турскиот амбасадор во Македонија, Хасан Мехмет Секизќок.

„Соединувајќи се во едно срце, Македонија со почитуваниот претседател, Владата, јавни институции и доброволни граѓани ги мобилизира сите свои можности за испраќање помош во регионот погоден од земјотресот. На самото место сведочевте на разорноста на земјотресот, ја споделивте длабоката тага на турскиот народ“, рече турскиот амбасадор.

„Храбри чеда на македонската армија, вашата пожртвуваност е врежана во меморијата на турскиот народ“, додаде тој.

На настанот на припадниците на Армијата им се заблагодарија и ги поздравија претседателот Стево Пендаровски, министерката за одбрана – Славјанка Петровска, началникот на Генералштабот на Армијата – генерал-потполковник Васко Ѓурчиновски, амбасадорот на Република Турција во Македонија – г. Хасан Мехмет Секизќок, и одбранбениот аташе на Турција во Република Македонија.

Армиски тим за заштита и спасување од Баталјонот за специјални сили, водачи и кучиња обучени за трагање учествуваа во спасувачката акција.

Македонија

Македонските војници влегоа длабоко под урнатините, максимални напори да се спаси живот повеќе (Фото)

Gallery

Припадниците на македонската Армија продолжуваат активно да учествуват во потрагата по преживеани под рушевините во турки Караманмараш.

-Од страна на нашите армиски тимови без задршка се пребарува секој сантиметар од урнатините на зградите во Караманмараш. Припадниците од вториот тим од баталјонот за специјални сили обучени за спасување и пребарување заеднички со тимови од Велика Британија, Франција и Германија и со непрекината поддршка од спасувачките екипи од Туркије и нивната Армија се обидуваат на повеќе локации, изборувајќи се со времето и тешките услови да спасат бесценети човечки животи, информираат од АРМ.

Во земјотресот најмалку 28.000 лица ги загубија животите, но надежта за преживеани е се уште присутна дополнително што и седум дена по земјотресот се спасуваат животи.

Македонија

Наш армиски тим помогна во извлекување на петгодишно дете од урнатините во Кахраманмара, Турција (Видео)

Video

Армискиот тим, кој е ангажиран во активностите за пребарување на теренот, пронаоѓање и извлекување на евентуално преживеаните во градот Кахраманмараш во попладневните часови асистираше во успешно спроведена акција на спасување на петгодишно дете од рушевините.

-По сознанијата дека се слушнати гласови под рушевини, нашиот армиски тим заедно со турскиот тим за пребарување по шестчасовно расчистување на рушевините слушнале детски глас и по четири часовното максимално ангажирање успеале да го извлечат петгодишниот Сулејман од рушевините, информираат од Канцеларијата за односи со јавност на Генералштабот на Армијата.

Видео:

https://fb.watch/iB1Jzq55nA/

Македонија

(ВИДЕО) Македонскиот армиски тим се огласи од Кахраманмараш, пратени уште 36 војници од АРМ

Video

Македонската армија денеска испрати во Турција дополнителен тим од 36 припадници на баталјонот за специјални сили обучени за спасување и пребарување во урнатини. Тимот замина денеска претпладне од касарната „Илинден“ во Скопје.

Армискиот тим од Македонија, кој се наоѓа во градот Кахраманмараш, непрекинато е ангажиран во активностите за пребарување на теренот.

Војниците работат на пронаоѓање и извлекување на евентуално преживеаните, кои се наоѓаат во рушевините настанати од катастрофалните земјотреси.

-Даваме максимум со надеж дека ќе успееме да спасиме и извлечеме живи луѓе. Остануваме тука се додека е потребно и продолжуваме професионално да ги извршуваме задачите со цел и надеж дека ќе спасиме што повеќе луѓе и да ја покажеме нашата солидарност со Република Туркије, велат македонските војници.

Во меѓувреме, дополнителниот армиски состав од 36 припадници од баталјонот за специјални сили обучени за спасување и пребарување во урнатини, денеска во претпладневните часови од касарната „Илинден“ во Скопје замина во Република Туркије.

Македонија

Белгиски овчар и лабрадор им помагаат на нашите војници од АРМ во спасувањето во Турција (Фото)

Gallery

Тимот на Армијата за пребарување и спасување кој вчера во доцните попладневни часови пристигна во Карахкамраш која е една од областите кои се најмногу погодени од катастрофалните земјотреси кои се случија во Турција, во  текот на денешниот ден ги почна активностите за преребарување и извлекување на жртвите, соопштија од Армијата.

„Армискиот тим составен од 24 армиски припадници од составот на баталјонот за специјални сили  и двајца инструктори од командата за обука и доктрини со две службени кучиња заедно со сите вклучени го пребаруваат теренот во градот Кахраманмарас и пожртвувано се ангажираат на пронаоѓање и извлекување на евентуално преживеаните кои се наоѓаат во урнатините.

Армиските припадници на теренот ја искажуваат својата одлучност и обученост професионално да ја извршат задачата и да го употребат целиот свој максимум во пронаоѓање на настраданите и на секој можен начин да помогнат на граѓаните на сојузничка Турција.

Надеж дека во текот на пребарувањето ќе се спасат човечки животи, каде секој момент е драгоцен, даваат и  службени кучиња од расата белгиски овчар и лабрадор, кои заедно со инструкторите се обучени токму за пронаоѓање лица во елементарни непогоди“, се вели во соопштението од Армијата.

Македонија

Војска, кучиња – трагачи, санитетски носила, возила – Македонија испраќа помош во Турција по катастрофалниот земјотрес

– Дваесет и четири припадници на Армијата, меѓу кои и две лица водачи на службени кучиња со кучиња, 10.000 ќебиња и 200 санитетски носила се испраќат за помош во Турција по силниот земјотрес што вчера ја погоди земјата.Од Дирекцијата за заштита и спасување се испраќаат 40 лица – припадници на републичките сили за заштита и спасување, со комплетна специјализирана опрема и материјално – технички средства за пребарување и спасување од урнатини, шест возила за транспорт на опремата и луѓето и две противпожарни возила.Министерството за финансии е задолжено до Владата да достави одлука за одобрување средства од резервите на Буџетот на Република Северна Македонија за 2023 година, во износ од 6 милиони денари за помош на настраданите во катастрофалниот земјотрес.

Армијата на Северна Македонија подготви и веќе упатува обучен тим за пронаоѓање и спасување, составен од припадници на баталјонот за специјални сили и двајца водачи со службени кучиња обучени за трагање од командата за обука и доктрини.

– Ќе го вложат својот максимум и обученост за спасување на човечки животи под урнатините настанати од катастрофалниот земјотрес во нашиот сојузник Туркије, соопштија од АРМ.

Синоќа министерката за одбрана Славјанка Петровска објави дека Министерството за одбрана и Армијата испраќаат итна помош за справување со последиците од катастрофалниот земјотрес.

– На предлог на Министерството за одбрана, Владата на вонредната седница донесе одлука да бидат испратени тим за заштита и спасување од Армијата, кучиња трагачи и хуманитарна помош во пријателска Турција. 22 лица од Баталјонот за специјални сили, две лица водачи и кучиња обучени за трагање наскоро заминуваат во сојузничка Турција, за да помогнат да се спасат човечки животи, под урнатините настанати од катастрофалниот земјотрес, напиша Петровска на Фејсбук-профилот по вонредната владина седница.

Министерството за финансии е задолжено до Владата да достави одлука за одобрување средства од резервите на Буџетот на Република Северна Македонија за 2023 година, во износ од 6 милиони денари за помош на настраданите.

Задолженија има и до други институции меѓу кои и до Министерството за здравство, во рамките на своите надлежности, итно да подготви и до Владата да достави одлука за обезбедување помош во вид на медицински персонал, медицинска опрема и лекови.

-Сочувствуваме со нашите пријатели за ужасните последици од земјотресот и ќе преземеме сѐ што е можно во напорите за спасување животи од урнатините и поддршка на настраданото население, напиша премиерот Димитар Ковачевски на својот фејсбук-профил.

Владата вчера на вонредна седница донесе одлуката за испраќање итна помош во Турција по катастрофалниот земјотрес во којшто има голема загуба човечки животи, повредени и голема материјална штета. Според последните информации, во земјотресто животот го загубиле најмалку 4.800 лица.

Македонија

Во Армијата примени 200 професионални војници

Во Армијата на Република Северна Македонија денеска се приклучија 200 нови професионални војници на кои решенијата за работа им ги додели министерката за одбрана Славјанка Петровска на свечена церемонија во касарната „Илинден“ во Скопје.

Министерката упати честитки и изрази задоволство што младите војници одлучиле да и служат на татковината.

-Бидете горди затоа што станувате дел од институција која е најпочитувана, најценета институција која својот углед го има изградено затоа што секогаш и секаде била прва во помошта на нашите граѓани, силна опремена модернизирана армија способна да одговори на сите предизвици, тоа е армијата на РСМ. Денес е институција која ужива најголема доверба кај граѓаните и тоа е огромна чест а и обврска за сите да нас. За да успеете во таа цел не сте сами, Министерството за одбрана и Генералштабот се со вас. Нашата задача е да бидете добро опремени да работите во одлични услови, да имате ново и модерно вооружување, да имате плати кои одговараат на вашиот труд, енергија и знаење, порача Петровска.

Новопримените војници, нагласи таа, сега се дел од НАТО семејството.

-Денеска вие станувате дел од нешто што е поголемо од сите нас, денеска вие сте дел од НАТО Алијансата која е безбедносен чадор за повеќе од една милијарда луѓе во светот. Вие сте сега НАТО војници, ќе имате прилика да учествувате во НАТО обуките, да бидете дел од различни НАТО мисии и да ја покажете истата вештина и истото знање како и вашите колеги, изјави министерката.

Информира дека Буџетот за одбраната за 2023 година изнесува 274 милиони евра.

-Тоа се средства кои по различни основи се наменети за континуирано покачување на платите, надомест за станарина од првиот месец на стапување на должност, набавка на нова софистицирана опрема, надоместоци за зголемено учество на мисии, поддршка за вежби, појасни министерката.

Викторија Јовановска, која е една од новопримените војниците истакна дека и е чест и задоволство да ја носи униформата и да им служи на граѓаните.

-Чест и задоволство е да се носи оваа униформа, голема мотивација ми беше во 2019 да служам добролволно воен рок. Ги мотивирам сите млади да дојат да служат и да се вработат поради тоа што оваа униформа е чест и заедно сме за сите граѓани понатака. Огромна чест е и не секој може да ја носи оваа униформа. Тука сме да служиме на граѓаните и на државата, изјави Јовановска.

Јавниот оглас за прием на новите професионални војници на служба во Армијата беше објавен во септември годинава. Согласно новите законски измени за служба во Армијата, идните професионални војници од моментот на склучување договор ќе земаат почетна плата над 25.000 денари со дополнителни над 9.000 денари – средства за станбено обезбедување од 1 јануари 2023 година.

Македонија

Ковачки „ја потепа“ Славјанка: Вработувате лица приведени за тешка кражба и трајна ограниченост како ПРОФЕСИОНАЛНИ ВОЈНИЦИ

Драган Ковачки, член на Извршниот комитет на ВМРО-ДПМНЕ и пратеник во вечерашното гостување во емисијата Само вистина на Канал 5 телевизија во дебата со министерката за одбрана Славјанка Петровска и достави документ во кој што стои дека во армијата се примени професионални војници, а се некомпетентни и со законски пречки, порачувајќи и дека и самиот генерал на Армијата на Република Македонија во дописот се сомнева во приемот на истите.

-Изнесов информации дека се дава 3500 евра, односно 5000 евра за мисии односно за прием на професионални војници како и унапредување, односно војници во под офицери. По моето објавување на јавниот настап во собранието каде што не беше министерката за одбрана, таа сума по наши сознанија беше зголемена на 6000 евра. Во министерството за одбрана постои една организациона единица која се нарекува воена служба за безбедност и разунавање, чија што законска надлежност по член 135 е да гони сторители на кривични дела во одбраната, и тие лица ги овластува министерот за одбрана, истакна тој.

„Ова пред мене е документ е од Генерал штабот неквалифициран документ потпишан од генерал, изработен од подофицер, контролирал потполковник, го одобрил полковник, а е согласен друг полковник со тој документ. И ова е документ за завршена обука на професионални војници, и врз основа на овој документ после тоа овие професионални војници се примени во Армијата или им е продолжен договорот. И сега генералот на Армијата си доставил документ со прилози. Во првиот прилог стои список на примени професионални војници кои ги исполнуваат сте критериуми за прием. Во прилог два вика список на новопримени професионални војници за кои предлагаме да не им се продолжат договорите поради законски ограничувања, значи има лица кои што имаат законски пречки да бидат примени односно да им се продолжат договорите за работа. Во прилог три се вели, список на новопримени професионални војници во Армијата за кои практичните тестови се под сомнение дека ги поминале успешно. Значи генералот се сомнева дека овие тестови се поминати успешно. Прилог четири список на новопримени професионални војници во Армијата кои што отсуствувале повеќе од 10 проценти од обуката, итн“, изјави Ковачки.

Ковачки вели дека во Армијата се примаат лица со трајна ограниченост за служба во Армијата како што е и премиерот Димитар Ковачевски, лице приведено за тешка кражба, како и лице со судска постапка, додавајќи дека е навистина срамота за држава која е дел од НАТО Алијансата да има војници кои не се професионалци.

-Значи генерал на Армијата со негова комисија се сомнева и тврди дека се примени војници во Армијата со законски пречки. За какви законски пречки станува збор? Имаме лице приведувано за тешка кражба од МВР, имаме судска постапка, имаме предлог за престанок на договор заради трајно ограниченост за служење во војска, нешто слично како премиерот Димитар Ковачевски, имаме судска постапка, имаме наод од воено лекарска комисија значи тричлена комисија утврдила дека имаме ограничено способни за служба. Ова е документ 2021 година, сега сме 2022 година и ова е документ во ваш мандат на СДСМ и ДУИ. И овој документ јас ќе ви го дадам и доколку сме сериозна држава очекувам веднаш да се постапи, и уште вечерва да имаме апсења. Срамота е во една НАТО членка, во една Армија која што претендира да го подигне своето ниво на обученост и на професионализам да ни се случуваат вакви испади. Има луѓе кои со своето знаење и компетенции не се влезени на овие списоци, а има луѓе кои што се гонети од МВР поради тешки кражби и ограничено способни а се примени во Армијата, и порача Ковачки на Петровска.

На прашањето дали тој се сомнева дека ова се луѓето кои што давале мито за да влезат во армијата, Ковачки потенцираше дека единствен начин за вакви лица да влезат во Армијата тогаш е или преку партија или преку плаќање на работното место.

-Значи нема друг начин тоа да се случи ако тоа не е направено преку партија СДСМ или ДУИ или ако имаат дадено пари, односно да ги имаат дадено парите во партијата, рече Ковачки.