Tag Archives: автобусканесреќа

Македонија

МНР: Останките од починатите во автобуската несреќа од аеродром ќе бидат пренесени кон нивните домови и вечни почивалишта

Министерството за надворешни работи информира за измена на саатници при пречекот и испраќањето на загинатите од автобуската несреќа во Бугарија до нивните домови и вечни почивалишта.

„Почитувани, ве известуваме дека посмртните останки на загинатите граѓани во автобуската несреќа во Бугарија после нивниот транспорт на аеродромот во Скопје, веднаш ќе бидат упатени кон нивните домови и вечни почивалишта“, велат од министерството.

Оваа измена доаѓа согласно барањата на дел од семејствата на загинатите, а со цел телата да бидат предадени пред петочната молитва.

За граѓаните кои сакаат да оддадат почит, се уште останува можноста тоа да го сторат на плоштадот Скендербег во периодот од 10 до 13 часот.

Македонија

Утре пристигнуваат телата на ЗАГИНАТИТЕ – Ќе има ПОВОРКА низ СКОПЈЕ

Утре наутро пристигнуваат телата на 45-те жртви од автобуската несреќа на автопатот „Струма“ во Бугарија. Од скопскиот аеродром поворката со телата ќе се движи и нив главниот град за граѓаните да можат да оддадат последна почит преку положување цвеќе на плоштадот Скендербег. На плоштадот ќе биде поставен и видео ѕид од каде граѓаните ќе можат да го следат целиот процес на пристигнување и движење на поворката. 

-Бугарската држава ќе обезбеди 2 воено транспортни авиони со кои ќе бидат пренесени жртвите на несреќата утре наутро, изјави Ангел Ангелов, амбасадор на Р.Бугарија.

Во меѓувреме, бугарските медиуми јавуваат дека изутрината камионот кој треба да ги транспортира телата до аеродром час и половина бил заглавен на влезот на главната мртовечница. 

Странски експерти констатирале дека банкините на местото на несреќата биле неправилно поставени. Бугарскиот институт за безбедност на патиштата соопшти дека нивната анализа покажала оти заштитната ограда не е поставена според барањата и дека е оштетена поради бројни несреќи кои се случиле на ова место.

-Во средната разделна лента можеме да видиме дека има преинсталирање на објектот. Сигурно имало претходна несреќа во истата област. Приклучокот на заштитната ограда е неправилно монтиран со две завртки наместо четири, по потреба. Ова е причината поради која заштитната ограда се скина и покрај малата брзина со која удри автобусот. Утврдено е и дека недостасуваат знаци, а има и оштетени ознаки, велат од Институтот. 

Претходно и државните институции во Бугарија утврдија дека условите на патот не биле безбедни. Кобната делница не е ниту автопат, ниту магистрала, а знаците со определување на брзината се недозволиви за тие услови, утврди Министерството за регионален развој.

Македонија

Хусеини: Табличките на автобусот на Беса Транс НЕ ПОСТОЈАТ

-Јас добив 58 извештаи од Министерството за внатрешни работи од „Деве Баир“ и сите регистарски таблички на возилата се регистрирани. И јас ја имам оваа регистарска табличка. Но, тоа не е тој автобус. Табличката на овој автобус не постои, рече Хусеини.

Тој уште еднаш повтори дека не е одговорен за фактот што автобусот ја поминал границата 130 пати и што не е регистриран никаде.

-И јас се чудам. Јас не добив никакво известување од Царинската управа дека автобус на „икс“ компанија ја поминал границата без извод од лиценца, и покрај тоа што има законска обврска да ме извести и да не дозволи автобусот да ја помине границата. Едно нешто е јасно – ако нема извод, не смее да ја помине границата“, рече Хусеини.

Македонија

Комитова: ПОЖАРОТ, а не патот е главна причина за автобуската несреќа во која загинаа 45 лица

Министерот за регионален развој и јавни работи на Бугарија Виолета Комитова денеска на прес конференција ги презентираше резултатите од увидот на патниот правец Драгичево – Долна Дикања, делница на која се случи автобуската несреќа во која загинаа 45 граѓани на Република Северна Македонија.

Увидот на делницата меѓу Драгичево и Горна Дикања беше спроведен откако беа констатирани проблеми во патната инфраструктура, што можеле да придонесат за кобната несреќа.

Според Комитова историјата на овој патен правец започнува во 2002 година, со одобрен технички проект и градежна дозвола. Во 2006 година има дополнителна дозвола за изградба на патни клучки. Актот е издаден во 2007 година и има ограничување на брзината од 90 километри на час. Поради некоја причина, во 2013 година максимално дозволената брзина е зголемена на 120 километри на час.

– Не можеме да тврдиме дека зголемувањето на максималната брзина од 120 километри на час е главната причина за несреќата. Грубоста на површината на патот е во прилично добра состојба. Во однос на заштитната ограда наречена „рибна опашка“ истата ги исполнува стандардите. Наводно, несреќата не била со голема брзина, но избувнал пожар. Имаме многу чуден настан – пожар, што мислам дека е главната причина за жртвите. Немаме објаснување како точно изгоре овој автобус – додаде таа.

Она што може да го направи Министерството за регионален развој и јавни работи како краткорочни мерки е да ја замени ознаката и да ја намали максималната брзина на 90 км/ч, рече министерката Комитова.

Македонија

Интервју на сопственикот на Беса турс: Си велев зошто не сум јас во тој автобус, да умрам

Беким Хаџиу рече дека автобусот поминал на технички преглед пред да замине од Турција и се било во ред. Ја исклучува можноста некој од патниците да има увезено запаливи материи. Хаџиу потврди дека и тој и неговото семејство биле дел од патувањето, но патувале во друг автобус. Неговите деца биле во последниот автобус.

Беким Хаџиу рече дека досега не зборувал за медиумите бидејќи е шокиран од тоа што се случило, но на секој начин соработува со истражителите за да се утврдат причините за инцидентот во кој загинаа 45 лица.

Тој рече дека автобусот бил произведен во 2007 година, но бил купен од неговата компанија пред околу три години. Според сопственикот, досега немало технички проблем со автобусот.

На Беким Хаџиу се уште му е тешко да ја прифати трагедијата на автопатот Струма, во која загинаа 45 лица кои патуваа во еден од неговите автобуси.

-Си велев зошто не сум во овој автобус, да умрам во автобус и тоа си го кажав многу пати, вели Беким Хаџиу, сопственик на Беса Транс.

Беким Хаџиу со семејството често учествуваше на екскурзиите што ги организираше неговата туристичка агенција.

Овој пат, од Македонија тргнаа четири автобуси. На враќање од Турција, во автобусот кој се движел прв патувал сопственикот на фирмата и неговата сопруга. Нивните деца биле во еден од автобусите. На граница, на излез од Бугарија, Беким Хаџиу дознал дека автобусот му излетал.

-Им реков да ме испратат на местото да видам со свои очи што се случило таму, додаде Беким Хаџиу.

Сопственикот на „Беса транс” се качил со такси и се вратил на местото на несреќата.

Беким Хаџиу одби да коментира за несреќата бидејќи истрагата се уште е во тек. Сепак, рече дека три недели пред несреќата автобусот поминал на технички преглед. Дополнително, пред секое патување, сите возила поминуваа низ сервисен центар.

-Пред да тргнеме за Турција ги сервисираме, контролираме, па дури и кога ќе стигнеме до Истанбул и таму одиме на сервис да ни проверат, превезуваме патници, да видиме каква е состојбата. Се беше во ред таму и таму и кога бевме на сервис таму, ни кажуваат нешто веднаш да го поправиме, објасни сопственикот на „Беса транс“.

Хаџиу рече дека во автобусот немало цевки со нелегално увезено гориво. Поради темелните проверки на бугарските граници се исклучува можноста патник да внесе пиротехника.

-Во секој автобус има цевчиња, имаат вода, секој автобус мора да ги има за секој случај. Ова е резервна вода. Строги контроли за влез во Бугарија, багаж, возач – се – што се носи, рече Беким Хаџиу.

Одземена е лиценцата на фирмата сопственик на опожарениот автобус.

Сопственикот на Беса Транс ги опиша возачите на автобуси како добри и искусни професионалци кои многупати ја поминале оваа релација. Строго ги почитуваа часовите за паузи. Тој тврди дека автобусот има фабрички ограничувања и не можел да крене повеќе од 100 km/h. На прашањето дали автобусот ги има сите потребни документи, Беким и неговиот адвокат рекоа дека во оваа фаза нема да коментираат бидејќи истрагата е во тек.

-Можеме со сигурност да кажеме дека Беса Транс има дозвола да врши транспортни дејности на територијата на Европа и повторно да врши туристичка дејност на територијата на Република Северна Македонија и надвор од РСМ, изјави адвокатот Лубомир Таков.

Беким рече дека неговата компанија е основана во 2009 година, но веќе четири години е редовен превозник во Истанбул. Во цената од 80 евра е вклучено патување и две ноќевања, а секое патување во рамките на патувањето и услугата се доплаќа.

Беким Хаџиу од несреќата живее во Бугарија. Изнајмил стан за да им биде достапен на истражителите и да помогне колку што може. Тој вели дека е достапен и за жртвите. Неговите роднини се во контакт и со роднините на луѓето во опожарениот автобус.

-Никој не сакаше ова да се случи. Сите го знаат тоа. Не дозволувајте никому да му се случи оваа трагедија, тажна, многу тажна трагедија. Не знам што друго да кажам, изјави за БНТ сопственикот на Беса транс.

Беким Хаџиу рече дека не се чувствувал загрозен од никого.

Македонија

Пивоваров: Виновни за несреќата се и загинатите патници кои не провериле дали компанијата има лиценца

Вината може да се гледа и кај граѓаните кои требало да ја проверат лиценцата на автобусот, вели Владимир Пивоваров, Национален координатор за гранично управување.

– Одговорност имаат и граѓаните како што имаат и институциите, изјави Пивоваров, во емисијата „25 минути“ на ТВ 24.

Иритирачка изјава за автобуската несреќа во која загинаа 45 лица, даде и газдата на Беса транс, Беким Хаџиу.

– Овие тестови се од Алах и верувам дека се прифатени од секој верник, неговата волја не може да биде променета ни за минута и бараме од Алах никого да не тестира, напиша меѓу другото Хаџиу на Фејсбу.

Ваквите изјави уште повеќе го разгоруваат револтот кај граѓаните од негрижата на институциите и власта за безбедноста на граѓаните.

Македонија

Се огласи сопственикот на „Беса Транс“ – Ова е искушение од Алах, неговата волја не може да се промени

Сопственикот на автопревозникот Беса Транс, Беким Хаџиу, синоќа на Фејсбук им изрази сочувство на семејствата на жртвите од сообраќајката во која 45 граѓани ги загубија животите патувајќи во неговиот автобус, за кој органите обзнанија дека немал извод од лиценца, а не бил евидентиран на границата кога ја напуштил земјата на патувањето за Истанбул.

,,Алах да им даде рај на починатите, а на повредените што поскоро опоравување. Овие зборови ги кажувам со жалење и со повредено срце. Тие беа исто така наше семејство, бидејќи секогаш кога патувавме и патниците ги сметавме за фамилија. Четири дена бевме заедно во Истанбул и забележав дека повеќето и порано доаѓале со нас на тури со нашите автобуси за Истанбул. Овие тестови се од Алах и верувам дека се прифатени од секој верник, неговата волја не може да биде променета ни за минута и бараме од Алах никого да не тестира”, напиша Хаџиу на Фејсбук.

Државниот јавен обвинител Љубомир Јовески вчера информираше дека е отворен предмет за Беса Транс и дека податоците што се собираат на барање на бугарските обвинители, во исто време ќе се користат и во делот на тој предмет, а со цел на расчистување на сите ситуации поврзани со несреќата, од документација за автобусот до тоа како тој ги поминувал границите.

-Ние ги прибираме потребните документации, а потоа ќе донесеме соодветна одлука. Веднаш по сообраќајната несреќа документацијата од команијата Беса Транс е одземена. Ве уверувам за било кое лице доколку има основ, Обвиниелството ќе отвори постапка, изјави Јовекси.

Истражителот во Националната истражна служба на Република Бугарија, Младен Христов Петров, посочи дека се работи на сите верзии кои не се отфрлени, но бидејќи несреќата е голема и се собираат многу докази, во ваква ситуација истрагата треба да продолжи и не може да се даде дефинитивна верзија за причините за несреќата.

-Сопственикот на фирмата е сослушан во раните часови. Со него интензивно се соработува на територија на Северна Македонија и тој е достапен на надлежните институции, изјави Петров.

Uncategorized

„Самиот асфалт гореше“ – Доктор и медицинска сестра од Брзата помош први стигнале на местото на несреќата (Видео)

Video

До запалениот македонски автобус на автопатот Струма први стигнаа д-р Бојко Господинов и медицинската сестра Албена Крумова од Итната помош во Перник и почнаа да помагаат.

„Првото нешто што го видов беше колку силно гореше автобусот. Колку беше повисоко, толку повисок беше пламенот. Имаше истурено гориво – се запали дел од горивото на асфалтот. Самиот асфалт гореше“, се присети д-р Господинов.

Лекарот и медицинската сестра веднаш поминале низ заштитната ограда за да помогнат.

„Неколку луѓе дојдоа до нас. Брзата помош генерално има три седишта – едно лежечко и две седечки. Најтешко повреденото лице беше ставено на носилка, уште две – на седиштата, а еден – да седи на подот од брзата помош“, изјави докторот.

Брзата помош ги пренела настраданите во Пирогов.

Медицинската сестра Албена Крумова се сеќава на ужасот во очите на луѓето кои излегоа од запалениот автобус.

„Девојката беше боса, претпоставувам дека е 17-годишна девојка, најмногу контактиравме со неа. Лицето и рацете и беа поцрнети, со рани од изгорениците, што поскоро ги однесовме во Брза помош за да ги пренесеме“, изјави медицинската сестра.

Видео:

https://btvnovinite.bg/bulgaria/specialno-svidetelski-razkaz-na-medicite-otzovali-se-sled-katastrofata-na-struma.html

Балкан

Бугарската министерка Комитова: Пожарот во македонскиот автобус е многу чуден, почнал многу брзо

Привремената министерка за регионален развој на Бугарија, Виолета Комитова за БНТ коментира дека на денот на несреќата трхнала кон местото на несреќата на автопатот Струма, но по разговорот со премиерот Стефан Јанев, тој ја советувал да не оди.

Како што јави дописникот на МИА од Софија, според Комитова, која е експерт за противпожарна заштита на објекти, има нешто многу чудно, а тоа е што пожарот избувнал многу брзо и се раширил, што се случува во многу посебни случаи.

– Несреќата со македонскиот автобус е комбинирана со пожар. Потешкото од пожарот е експлозијата, бидејќи нема време да се реагира, додаде Комитова.

Таа посочува дека, околу нас е полно со експлозивни елементи.

-Пожарот во автобусот на „Беса транс“ зафатил предмети кои многу брзо изгореле и немало време за реакција од патниците. Се добива впечаток дека возачот не се обидел да излезе од автобусот, иако тој имал најмногу време да се евакуира од автобусот. Возачот го познавал овој пат, бидејќи патувал секоја недела. За жал, извештајот од увидот на потот не е завршен, појасни регионалната министерка на Бугарија.

Безбедносната ограда на патот, вели Комитова, е направена по проект од 2002 година, што не значи дека е надвор од нормите, додавајќи дека во времето кога е направена била според правилата. Таа признава дека не претпоставувала дека автопатот „Струма“ е во таква состојба и дека несреќата ја отворила темата.

Комитова рече дека ќе се обидат да ја сменат брзината и обележувањето на патот, како и да ја натераат  фирмата, кој е одговорна за тоа, побрзо да заврши со проектот. 

Македонија

Отпуштени ДВАЈЦА од повредените во трагедијата, медицински тимови ги пренесуваат во Македонија

Двајца од настраданите во големата трагедија на автопатот Струма во Бугарија денеска беа отпуштени од болницата Пирогов.

Д-р Анастасија Викторова од Клиниката за изгореници и пластична хирургија ги предаде пациентите на медицински тимови од Македонија, пишува БГНЕС.

Отпуштените пациенти се стабилни и во добра општа состојба. Се очекува тие да бидат сместени на опсервација во медицинските установи во нивната татковина, изјави д-р Викторова.

Останатите 4 жртви од истиот инцидент се во добра општа состојба. Седмиот пациент, кој претходно беше опериран на Клиниката за ортопедија и трауматологија, а подоцна и на Клиниката за неврохирургија, е во стабилна состојба, непроменета од вчера.