Пролетно имаме и трето бебе кај ламите, со уникатни шари 
Tag Archives: бебе
Трагедија за фудбалерот: Почина синот на Роналдо
Кристијано Роналдо во моментот на радост ја соопшти и трагичната вест. Кристијано на Инстаграм соопшти дека неговата сопруга Георгина родила близнаци, женското бебе е здраво, а машкото починало.
Роналдо на својот Инстаграм профил објави дека едно дете од близначката бременост на Георгина Родригез починало!
Според зборовите на португалскиот фудбалер, момчето кое го носела неговата сопруга е родено мртво, додека во овие моменти тоа што раѓањето на девојчето поминало добро им дава сила да издржат.
– Со најдлабока тага ја објавуваме смртта на нашето момче. Тоа е најголемата болка што може да ја почувствува еден родител. Само раѓањето на девојчето ни дава сила да го живееме овој момент со малку надеж и среќа. Им благодариме на лекарите и медицинските сестри за сета грижа и поддршка што е обезбедена. Во моментов бараме и мир и приватност, напиша Кристијано на Инстаграм.
Легендарниот фудбалер додаде уште две многу болни реченици.
„Наше момче, ти си нашиот ангел. Ќе те сакаме засекогаш“, стои на крајот од пораката.
Извор: News 24
Бебе се роди на 22.02.2022 година во 2:22 часот попладне- и температурата била 22 степени
Машко бебе во Израел е родено со нумеролошки поволен датум и време на раѓање, кое пристигна на светот на 22 февруари 2022 година во 02:22 часот, попладне (14.22) соопшти денеска болницата Рамбам во Хаифа.
Бебето е родено со планиран царски рез и е второ дете на родителите Лиан и Рам Коен.
-Се јавив да го координирам царскиот рез и ми го предложија овој датум, рече мајката, според соопштението од болницата. Таа била предвидена за породување во 10 часот.
Мајката рече дека било фантастично да се види дигиталниот дисплеј на ѕидот со времето и датумот.
– Дури и температурата во просторијата беше 22 степени, рече таа и додаде:
„Специјалната комбинација на броеви сега стана дел од приказната за раѓање. Тоа е ретко, тоа е лудо. Имаме посебна приказна за раѓањето и посебно дете кое пристигна со таа приказна“.
(ФОТО) Мајка со бебе падна во Вардар, ги спасија неколку млади момчиња
Вчера мајка со своето дете се лизнала и паднала во реката Вардар, во близина на Музејот, дознава Алсат.
Мајката и детето биле спасени од неколку млади момчиња кои влегле во реката и успеале да ги извлечат. Количката останала во реката.
Соопштено е дека и мајката и детето се добро и без сериозни повреди.
Првото бебе во 2022 година е машко- се роди во 00:01 часот
Првото бебе во 2022 година на Универзитетската Клиника за гинекологија и акушерство во Скопје се роди во 00.01 часот.
-Бебето е од машки пол, тешко е 3 килограми и 70 грама и е долго 50 сантиметри. Мајка на бебето е Сузана Стошиќ, родена 1981 година во Скопје и тоа е нејзино петто дете, информираат од Универзитетската Клиника за гинекологија и акушерство во Скопје.
Најмалото бебе, родено со тежина од 480 грама, се наоѓа на Гинекологија
Тежи колку векна леб и веќе 51 ден се бори за живот на Интензивна нега на Клиниката за гинекологија. Најмалото по тежина бебе родено годинава во Македонија имало само 480 грама, на свет дошло во 24-та недела. Од ГАК велат дека детето е стабилно и добро напредува.
Од почетокот на годината на Клиниката дури 808 деца биле предвремено родени, што е околу 25 проценти од вкупниот број раѓања.
За разлика од пред 5 години смртноста на децата родени под 37-та гестациска недела од 25 е намалена на 9 проценти, а бројот на предвремени породувања бил сличен, информираат од гинекологија д-р Викторија Јовановска, директор на Клиниката за гинекологија и акушерство
Во 2018 на ГАК се роди и најмалото бебе по гестациска недела на Балканот кое после 4 месеци престој на Интензивна нега ја доби битката за живот. Бетим беше роден во 23-та гестациска недела, а тежеше 700 грама.
Вистинско чудо: Бебе проодува по само неколку минути од раѓањето (ВИДЕО)
Не е вообичаен пример кога бебе или новороденче може да се види како ги прави првите чекори неколку минути по раѓањето. Затоа ова видео е многу необично и стана вирално за кратко време.
Додека на сите деца им треба од прилика година дена додека да проодат, на ова неверојстно новороденче не ми требаше ниту еден час.
Видеото го снимила бабица и го погледнале над 80 милиони луѓе. Овие акушерки биле зачудени кога го виделе бебето како стабилно оди, пишува Скопје 24.
Погледнете како изгледаше моментот:
ТРАГЕДИЈА, ПА ЧУДО: Млада скопјанка почина во Чаир, бебето е извадено живо
На 19.07.2021 во СВР Скопје било пријавено дека околу 07:00 часот во Гинекологија „Чаир“ сo влошена здравствена состојба била донесена Н.М.(23) од Скопје, бремена во осми месец.
Според пријавеното, кратко потоа таа починала во Одделението за интензивна нега, но било извршено породување и било извадено живо женско дете.
Се преземаат мерки за расчистување на случајот.
Ја искритикуваа Емили Ратајковски поради начинот на кој го држи бебето: „Го носи како да е торба“
Познатите личности често се под лупа на јавноста, а посебно кога ќе споделат некој приватен момент.
Емили Ратајковски која во март го роди своето прво дете во последно време често е на мета на критиките за работи кои немаат врска со нејзината професија.
Американската актерка овој пат ги налути следбениците поради начинот на кој го држи своето дете.
Тазе мајката на својот Инстаграм објави фотографија на која позира во бикини, а во рацето го држи бебето по име Силвестер чиј пол нема да го откри до 18тата година.
„Роденденска вечера со партнерот од соништата“, напиша Емили, но набргу беше принудена да ги „заклучи“ коментарите под фотографијата.
Причина за тоа е што Емили го држи бебето многу опуштено без да му ја придржува главата. Откако моделот ги забрани коментарите, нејзините фанови започнаа да ја коментираат на Твитер.
„Ме нервира начинот на кој Емили го држи бебето“, „Видов како Емили го држи бебето и сега сум анксиозен“, „Го носи тоа дете како торба“, „Го носи детето како партал за на плажа“, се само некои од коментарите.
Принцот Хари и Меган добија принова: Се роди Лилибет „Лили“ Дијана
Второто бебе за војводата и војвотката од Сасекс е официјално тука: Меган роди здраво девојче во петокот.
Портпаролот на принцот Хари и Меган изјави во неделата дека парот го поздравил своето дете Лилибет „Лили“ Дијана Маунтбатн-Виндзор. Нивната ќерка тежеше во 3 кг, 486г.
Нејзиното прво име, Лилибет, е во чест на нејзиното височество Кралицата. Нејзиното средно име е во чест на нејзината баба и мајката на Хари. Бебето е осмо по ред до британскиот трон.
Ниту една фотографија од новороденчето или од Сасекс не ја придружуваше објавата.
Раѓањето доаѓа по експлозивното ТВ-интервју на Хари и Меган со Опра Винфри во март. Парот опиша болни дискусии за бојата на кожата на нивното прво дете, губејќи ја кралската заштита и силните притисоци што ја натераа да размисли за самоубиство.
Бакингемската палата рече дека обвинувањата за расизам изнесени од парот се „загрижувачки“. Кралското семејство соопшти дека ова прашање ќе биде решено приватно.