Tag Archives: цени

Македонија

Кило бело сирење – 700 денари! Далеку поскапо и од месото

Од 1 септември домашното сирење ќе се продава по повисоки цени. Сточарите кои произведуваат домашно сирење без додатоци во своите млекарници на бачилата најавуваат дека цената ќе ја зголемат за околу 30%. Група сточари од Брегалничкиот регион велат дека корекцијата на цената во нагорна линија ќе ја направат деновиве или до 1 септември.

Домашното сирење во моментот го продаваат по цена од 500 денари за килограм, а со најавеното зголемување се очекува максималната цена да достигне и до 700 денари за килограм. Причините за најавеното зголемување е што немаат работници, потоа климатските промени, а сирењето, како што наведуваат за МИА, го прават 100% природно без додатоци.

-Токму од овие причини не е исплатливо да се произведува сирење и млечни производи во домашни услови, а резултатите што ги гледаме на терен се: младите не сакаат да работат и да продолжат со сточарството. Затоа се продаваат цели стади на овци – велат сточарите од Брегалничкиот регион.

Посочуваат дека ако пред пет години во Малешевијата, најголемиот сточарски регион во источна Македонија, биле евидентирани 16 000 овци, сега нивниот број е речиси преполовен или, според нив, изнесува над 8000 овци.

Тие упатија и апел до Министерството за земјоделство, шумарство и водостопанство да се коригира рокот за чување на пријавените овци, од 1 декември на 1 октомври.

Македонија

Макијатото 90, хамбургер 220 денари, Овој народ е заслепен – Се жалат печалбарите од цените

Со започнувањето на летната сезона, цените на пијалаците и храната во рестораните и локалите во Струга се зголемија драстично. Граѓаните се жалат дека претходно било поевтино а сега едно макијато чини 90 денари, освежителен сок 120 денари и хамбургер 220 денари. „Релативно се високи!“

 И печалбарите кои се вратиле во родниот крај се зачудени како граѓаните во Македонија врзуваат крај со крај кога се знае колкави се нивните месечни примања. „Цените се катастрофални и овој народ ќе страда цел живот додека спие. Народот треба да се разбуди и да види што се случува по светот.

Овој народ е заслепен, нема очи, не слуша, не делува. Трошоци колку сакаш, прашај колку малтретирања имате, а не трошоци, трошоците ги носиме ние но не знам зошто, ова е многу голем проблем кој не се решава овде“. 

Граѓаните се жалат дека и сместувањето во хотелите и приватното сместување е поскапено но хотелиерите го мислат спротивното. Според нив Струга и Охрид има најниски цени, за разлика од другите туристички места.

Извор: mk.tv21.tv

Македонија

Ја оправи културата, па сега економијата – Министерката јавно ги искритикува Охриѓани, се наплаќало како за воена оштета

Лавина реакции предизвика говорот на министерката за култура Бисера Костадиновска Стојчевска на отворањето на 63. издание на најпрестижната културна манифестација во земјата, фестивалот „Охридско лето“. Таа во еден момент им се обрати на охридските угостители, но всушност ги искритикува за цените на услугите во најголемиот туристички центар во Македонија и единствено УНЕСКО подрачје.

Поради Охридско лето и годинава на гости ќе ни дојдат многубројни уметници од целиот свет, ги замолувам угостителите да не им наплатуваат како да треба да платат воена оштета или некои други ненамерни долгови од векови наназад, истакна министерката за култура.

Ваквата изјава предизвикја револт кај угостителите. Според нив „Охридско лето“ не е место за испраќање вакви пораки, оценувајќи го настапот на министерката за култура како политички, додавајќи дека цените на угостителските услуги во Охрид се пазарно формирани и не се разликуваат од сличните развиени дестинации во регионот.

Реагираа и од ВМРО ДПМНЕ, партија која е опозиција на централно ниво, но и локална власт во Охрид. Побараа извинување од министерката за култура за, како што велат, искажаните навреди не само кон угостителите, туку и кон охриѓани.

Како можете да ги потценувате угостителите и нивните угостителски капацитети и услуги кон туристите? Со што им помогнавте како Влада и Министерство, па сега уште и да ги навредувате за цените кои се формираат врз основа на многу фактори? Не Министерке, Ако имавте малку чест тогаш овие зборови ќе допреа до Вашата совест и никогаш немаше да ги изговорите. Како се грижите за културата кога годинава за „Охридско лето“, одобривте 2 000 000 денари помалку од минатата година за реализација на програмата? Што направивте како Министерка за култура за летната сезона да трае подолго време? До каде се археолошките ископувања на Самуиловата тврдина и активностите на локалитетот Плаошник? За кој квалитет зборувате кога културата ја сведовте на најниско можно ниво? – стои во соопштението на охридскиот комитет на ВМРО ДПМНЕ.

Македонија

Владата призна дека направи грешка: Од вторник нови цени на овошјето и зеленчукот

Министерот за економија, Крешник Бектеши информира дека имале конструктивен состанок со увозниците на овошје и зеленчук, по што било одлучено да се направи мала корекција на цените на овие производи.

-Генералниот нашиот увоз е од Турција, Грција, Србија и Албанија и повикувајќи се на новите цени во Царинската управа, наредниот вторник ќе ги ревидираме замрзнатите цени, нема да има поскап зеленчук и овошје од 100 денари за килограм. Ќе има многу мало намалување како највисока цена на овие производи, но никако нема да има цени од пред неколку дена кои се движеа до 130 и 140 денари, рече Бектеши на брифинг со новинарите.

Ние нема да отстапиме од вакви одлуки во време на криза. Месец април секогаш бил проблематичен за цените на овошје и зеленчук, затоа што немаме домашно производство. Нема да толерираме маржи од 100 и 200 отсто- додаде Бектеши.

Во однос на евентуалните двојни фактури од увозниците, министерот ги потсети дека затајување на данок над 10.000 евра е кривично дело и тој очекува дека Царинската управа докрај ќе постапи согласно нејзините надлежности.

Македонија

Со 3 денари намалување на цените, лекови не се купуваат! – Пензионерка му го „плесна“ на Ковачевски кој се сликаше со артикли во маркет

Gallery

Пензионерка која претходно разбра дека премиерот Димитар Ковачевски ќе пазари во локален маркет во скопската населба Тафталиџе, го пречека за да му се пожали дека со малата пензија не може да се носи со актуелната инфлација на производите. Дополнително, му рече дека цените се замрзнати на некои производи откако претходно енормно поскапеле. Ковачевски на тоа рече дека пензиите двапати годишно се зголемуваат процентуално и дека цените се насекаде зголемени поради војната во Украина.

– Цените ги намаливме со владини одлуки или низ разговори со стопански комори. Таму каде што не можевме да постигнеме џентлменски договор, ги намаливме цените со владина одлука, рече Ковачевски.

Ковачевски заедно со министерот за економија Крешник Бектеши и директорот на Државниот пазарен инспекторат Горан Трајковски во изминатиот период често ги посетуваат маркетите и ја убедуваат јавноста дека цените се намалени.

Македонија

Од 1 декември ЌЕ НЕМА ПЕЛЕТИ – Диструбутерите се налутија поради ограничувањето на цените

Доколку цената е 23 денари, ние ја повикуваме Владата да изврши набавка на пелети по таа цена, да ни ја одреди маржата по која да заработуваме, да ни ги достави, а ние оперативно ќе ги сработиме до граѓаните по цена којашто тие ќе ја утврдат, рече Стојановски од „Биомак Енерџи“

Преку 80 проценти од потребите за пелети ги обезбедуваме од увоз, а со мерката што ја донесе Владата, цената на пелетите е ограничена на пониско ниво од влезните цени. Решението кое ние го нудиме е да се врати претходната мерка, а тоа е ограничување на маржата на 10 проценти, вели претседателот на Националното здружение на производители и дистрибутери на продукти од биомаса „Биомак Енерџи“, Владимир Стојановски. Според него, доколку остане во сила сегашната мерка, од 1 декември нема да има нови количества на пелети на пазарот.

Тој нагласи дека во услови кога Владата го субвенционира градското парно со 18 милиони евра, тие побарале субвенции од државата за граѓаните кои се греат на пелети и огревно дрво, но досега не добиле одговор.

„Владата донесе мерка со која ја ограничи цената на пелетите во апсолутна вредност, а имаме ситуација во којашто од земјите од каде што вршиме увоз имаме повисоки влезни цени. Во една таква ситуација, крајниот резултат би бил ние да бидеме приморани, додека тоа не се смени, да не вршиме увоз, од едноставна причина што не можеме да продаваме со загуба. Крајниот резултат исто така би бил недостиг на пелети. Ние како здружение ја повикуваме Владата да најдеме заедничко решение за да има пелети на пазарот и економските оператори да ја остваруваат својата цел, а тоа е да функционираат, увезуваат, дистрибуираат и продаваат на крајните потрошувачи“,

изјави Стојановски на денешната прес-конференција.

Тој информираше дека главните пазари од каде што се увезуваат пелетите се Србија, Босна и Херцеговина, Црна Гора и Бугарија, но, како што нагласи, во моментов Србија и БиХ вовеле забрана за извоз, Црна Гора воспоставила квоти и дозволи за секој камион посебно со што извозната процедура се отежнува, додека Бугарија нема доволни количества на пелети за извоз.

Единствен избор за увоз на пелети во последните пет до шест месеци е Турција, но како што информираше Стојановски, и таму цените се високи затоа што, пазарните цени и услови ги диктира Германија.

Тој додаде дека има побарувачка од страна на граѓаните, но ако сегашната мерка остане во сила тоа ќе биде неодржливо и нефункционално во пракса.

Решението кое тие го нудат е да се врати претходната мерка, а тоа е ограничување на маржата на 10 проценти.

„На тој начин се постигнуваат два ефекти. Владата со 10 проценти маржа ги штити граѓаните да нема прекумерна заработка на увезената стока, а во исто време дава можност да работиме. Затоа што ние не можеме да знаеме во наредните три месеци како ќе се движат пазарите од каде што увезуваме“,

посочи Стојановски.

На прашањето за висината на моменталните цени, тој информираше дека во 2021 година во земјава се потрошени 120 илјади тони пелети, од кои 95 илјади од увоз, а останатите 25 илјади се од домашно производство.

„Во моментов влезната цена од Турција се движи меѓу 27,5 до 30-31 денар по килограм, а Владата кажува дека треба да продаваме по 27 денари. По тие цени ние не можеме да продаваме. Веќе има количини влезени по тие цени, значи оттука натаму увозот што ќе се врши е по повисоки цени од продажната и ние сме во апсурдна ситуација во којашто не можеме да функционираме. Крајниот резултат за жал ќе биде дека за многу брзо време ќе нема пелети на пазарот“,

одговори Стојановски.

Околу тврдењата на Пазарниот инспекторат дека увозниците чуваат залихи купени по пониски цени, за нивно препродавање по повисоки во нареден период, Стојановски одговори дека бројката што ја спомнал Инспекторатот изнесува 4 500 тона, којашто е само четири проценти во споредба со вкупната потрошувачка на 131 трговец во цела држава, што изнесува околу 120 илјади тона и дека тоа е сосема мало количество, што обично на лагер го имаат еден до двајца трговци.

Во однос на залихите, Стојановски информираше дека, иако сега е сезоната, набавката на пелети почнува дури од мај и дека се купува во текот на сите месеци и не е нешто што се чува. Освен тоа, околу ова прашање, тој рече дека количествата за набавка се лимитирани и не можат предвремено да се набават прекумерно поголеми количини.

„Доколку не се најде решение со Владата, според неформалните податоци за две недели или од 1 декември Македонија нема да има нови количества на пелети“,

предупреди претседателот на „Биомак Енерџи“.

Владата донесе одлука да ја замрзне цената на пелетите на 27 000 денари за тон согласно предлогот на Министерството за земјоделство, шумарство и водостопанство и на Министерството за економија, информираше денеска ресорниот министер Крешник Бектеши. Продажната цена по килограм пелети во земјава е околу 30 до 36 денари, а со замрзнувањето ќе биде 27 денари за килограм.

Цел текст на 360 степени

Македонија

Владата ги ограничи цените на огревното дрво и пелетите

Владата, на денешната седница донесе Одлука за определување највисоки цени на одделни производи во трговијата на мало, конкретно на огревно дрво од даб; огревно дрво од бука и пелети за огрев.

Највисоките цени на огревното дрво од даб и бука се утврдени во висина до 4.500,00 денари за метар просторен (мпр) односно до 6.429,00 денари за метар кубен (м3).

Највисоката цена на пелетите за огрев се утврдува во висина до 27 денари за еден килограм. Во цената на стоките е вклучен ДДВ и транспорт.

Највисоките цени на стоките од оваа одлука ќе се применуваат до 31 декември 2022 година.

Владата притоа донесе Одлука за престанување на важноста на одлуката за посебни услови во трговијата на мало, со којашто беше замрзната маржата на огревно дрво од даб и од бука и пелети за огрев за сите трговци во висина најмногу до 10%.

Македонија

Апасиев: Цената на храната во светот се намалува, а во Македонија се зголемува! Мрш бе таму, профитери…

Лидерот на Левица, Димитар Апасиев, на Фејсбук го коментира намалувањето на цените на храната на светско ниво, додека во Македонија цените се’ уште растат.

Според Апасиев станува збор за воено профитерство.

– Во изминативе месеци, цената на ХРАНАТА во светот се намалува, а во Македонија се зголемува.

Ама, ни велат од Владата, кризата ни била “увезена”!?

Мрш бе таму, профитери ратни капиталистички!

#ЗамрзнувањеНаЦените – напиша Апасиев на Фејсбук.

Македонија

Цена на сирење од 250 до 400 денари – Револтиран граѓанин: Како едно семејство да живее со 200 евра месечно

–Како може да се издржува семејство со 200 евра?!, вели еден граѓанин.

Цените на производите на пазарите се двојно зголемени во однос на минатата година. Еден килограм сирење достигна 400 денари. Граѓаните се жалат, а трговците велат дека откупувачите не купуваат храна како порано, туку само за половина килограм.

–Цените се многу скапи. 250 денари, сега мешаното сирење стигна и до 400 денари. Цените се рекордни, сега се многу високи. Владата секогаш велеше дека ќе ги намали, но не се е обратно, кога велат дека ќе ги намалат, ги креваат, вели граѓанин.

„Одат на пазар и добиваат половина килограм, а порано еден килограм, тоа е проблемот“, вели граѓанин.

Цела сторија на ТВ21

Цена на сирење од 250 до 400 денари – Револтиран граѓанин: како едно семејство да живее со 200 евра месечно
Истражување

Млекото, лебот и кашкавалот во Германија се поевтини од Македонија

Цените на основните продукти во Германија се поевтини од Македонија, објави „Република“.

Лебот во Германија може да се купи по цена од едно до 1,3 евра, додека кашкавалот се продава за осум евра по килограм.

Брашното чини околу пет евра за пет килограми, додека единствено нешто што е поскапо е зејтинот, кој чини од три до четири евра.

До крајот на ноември цената на лебот, брашното и печивата ќе се зголеми за најмалку 10 проценти во Македонија, најавуваат мелничарите.

Причини за поскапувањето, велат, се скапата струја и растот на берзанските цени на пченицата.

Мелничарите бараат субвенции за електричната енергија или да бидат додадени на регулираниот пазар зашто само така, нагласуваат, би се смирила ситуацијата и соодветно би се намалиле цените во корист на населението.

Како што изјави за МИА претседателот на Групација на мелничко-пекарската индустрија во Стопанската комора, Горан Малишиќ, од огромна корист би биле и ноќните вишоци што ги продава ЕСМ, зашто и онака 75 отсто од производството на пекарската индустрија се изведува во ноќните часови.

– Во сегашната консталација, берзанската цена на пченицата како основна суровина повторно почна да расне. Од жетвата 2022 цената на француската берза е зголемена за околу 10 отсто, а и зголемувањето во Србија е исто така 10 проценти. Тоа значително ќе ја зголеми цената на брашното и на лебот со печивата за минимум 10 проценти во наредниот период од максимум 40 до 50 дена, истакнува Малишиќ.

Според него, огромен проблем во моментов е и цената на струјата.

– Цената на електричната енергија за август 2022 на отворениот пазар изнесуваше 32 денара по киловат час што за компаниите е 500 отсто зголемен трошок во однос на лани. Сите овие зголемувања ќе придонесат за зголемување на цената на лебот или за неминовно затворање на индустриските капацитети. Тоа значи дека, не само за мелничко-пекарската индустрија, туку за целата индустрија – без помош или интервенција на Владата во цената на електричната енергија, неминивно е тотално намалување на производството до можен минимум или затворање на капацитетите, нагласува Маличиќ.

Тој додава и дека залихите на пченица кај приватните субјекти, силоси и мелници се на историски најмал минимум, што од намалената домашна жетва во 2022, што од неможноста на мелниците да набават пченица од увоз поради високата цена. Дополнително, проблем се и оперативните средства за набавка на лебно жито кои не се подржани ниту од комерцијалните банки, ниту од Владата.

– Во оваа ситуација Владата најмногу требаше да помогне. Сепак, за да нема катастрофални последици, минатата недела се одржа состанок на Мелничко-пекарската групација од кој се испратија неколку барања до Владата и ресорните министерства. Најважното барање е како една од општествено најважните индустрии за прехрана на населението или индустрии кои обезбедуваат домашно брашно, леб и печива, да биде субвенционирана во цената на електричната енергија или додадена во регулираниот пазар со цел, во двете опции, цената на струјата да не биде повеќе од шест денари по киловат час. Така би се смирила ситуацијата и соодветно би се намалиле цените во корист на населението, објаснува Малишиќ.

Засега одговор од Владата на барањето на мелничарите нема. Тие иднава недела очекуваат средба на повисоко ниво, меѓу Комората и ресорните министерства, за изнаоѓање соодветни решенија.