Tag Archives: цени

Македонија

Метеж на бензинските пумпи по најавата за драстично покачување на цените на горивата (Фото)

Gallery

Откако беа објавени новите цени на горивата, кои на сила ќе стапат вечерва на полноќ, метеж на бензинските пумпи ширум државата. Многу корисници се жалеле дека на некои бензински пумпи, немало гориво, а се отворија сомнежи дека одредени компании кои тргуваат со нафтени деривати сакаат да заработат многу повеќе со тоа што не точат гориво, а тоа ќе го прават после полноќ.

За сега точно не се знае дали е тоа причината или неможноста да се набави гориво од Грција поради нивниот државен празник, како што и се оправдувале некои компании.
На социјалните мрежи врие од фотографии од различни бензински станици каде може да се забележи метеж од граѓани кои побрзале да наточат гориво.

Македонија

Уште денеска „замрзнати“ цени на основните прехранбени производи, од утре покачување

Денеска е последен ден од мерката за замрзнати цени на основните прехранбени производи, од утре се замрзнуваат трговските маржи. Со новата мерка се ограничуваат трговската заработувачка во трговијата на големо да биде 5 отсто, додека во малопродажбата највисоката заработувачка на овие производи може да изнесува 10 отсто.

Ова, според властите, ќе придонесе да не доаѓа до раст на цените. Мерката ќе важи до крајот на мај.

И оваа недела повторно имаме покачување на цените на горивата. Од полноќ ќе плаќаме повисоки цени.

Сите горива поскапеа за 1,5 денари.

Новите цени од полноќ ќе изнесуваат:

– Моторен бензин – ЕУРОСУПЕР БС – 95 – 84,00 (денари/литар)

– Моторен бензин – ЕУРОСУПЕР БС – 98 – 86,00 (денари/литар)

– Дизел гориво – ЕУРОДИЗЕЛ БС (Д-Е V) – 75,50 (денари/литар)

– Масло за горење – Екстра лесно 1 (ЕЛ-1) – 74,50 (денари/литар)

– Мазут М-1 НС – 48,170 (денари/килограм.

Малопродажните цени на нафтените деривати согласно Методологијата за формирање на цените, се зголемуваат во просек за 1,93%.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (ДЕ V) се зголемуваат за 1,50 денари/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 21.02.2022 година и со тоа малопродажната цена на ЕУРОСУПЕР БС-95 изнесува 84,00 ден/лит, малопродажната цена на ЕУРОСУПЕР БС-98 изнесува 86,00 ден/лит, додека малопродажната цена на ЕУРОДИЗЕЛ (Д-Е V) изнесува 75,50 ден/лит.

Малопродажната цена на Екстра лесното масло за домаќинство (ЕЛ-1), се зголемува за 1,00 денари/литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.02.2022 година и со тоа малопродажната цена Екстра лесното масло за домаќинство (ЕЛ-1) изнесува 74,50 ден/лит.

Малопродажната цена на Мазутот М-1 НС се зголемува за 1,249 денар/килограм, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.02.2022 година и со тоа малопродажната цена на Мазутот М-1 НС изнесува 48,170 ден/кг.

Македонија

„ХРАНАТА ЌЕ БИДЕ СКАПА, цените на храната и енергијата НЕМА ДА СЕ ВРАТАТ какви што биле“

Тешко дека може да се случи да снема храна, само ќе биде скапа, изјави за Топ Тема на Телма универзитетскиот професор и поранешен потпретседател на СДСМ, Ванчо Узунов кој додаде дек цените на храната и енергијата нема да се вратат какви што биле.

– Немаме премногу можности, нема алтернативи, некако овој период да се преброди. Да очекуваме дека ситуацијата ќе се смирува со доаѓање на зимата, рече Узунов.

Според него Македонија го трпи проблемот затоа што е мала и отворена и нема каде да бега од кризата.

– Нема да се вратат цените на храна и енергија како што биле, меѓутоа да почне да се смирува ситуацијата. Цените на храната ќе растат, а ние сме поднебје за производство на храна да видиме како да се произведува храна и извезува, и инвестиции за производство на храна, изјави Узунов

Скопје

Парното поскапи, а скопјани се мрзнат во сред зима

Цената на парното греење што важи од 1 јануари е зголемување за 14,05 отсто за сите корисници во Градот Скопје, односно и за трите компании кои ги снабдуваат граѓаните – Балкан енерџи груп (БЕГ), ЕСМ Енергетика и Скопје Север, по одлука на Регулаторната комисија за енергетика.

Но Скопјани и денеска се жалат на проблеми со греењето.  Велат дека парното се вклучува многу доцна, но и дека е слабо. Сметаат дека е  недозволиво во ек на зима, со вакви темепратури, нивните домови да бидат ладни.

Од БЕГ, пак, тврдат дека системот за централно греење е стабилен и се испорачува топлинска енергија до потрошувачите.

Во услови на енергетска криза системот работи во оптимизиран режим се со цел темепратурите до домовите да се одржуваат на 20 степени. Рекламациите кои досега се евидентирани во центарот за грижа на  потрошувачи се однесуваат на поединечни станови или објекти каде екипите веднаш излегле на терен, се вели во дописот од компанијата.

Од РКЕ им соопштија на граѓаните, кои не добиле соодветна услуга од страна на снабдувачот со топлинска енергија, да поднесат приговор до нив. Дополнително, од Комисијата објаснуваат дека снабдувачот има обврска во текот на грејната сезона да обезбеди минимум 20+1 степени во времетрање од 6 наутро до 22 часот во текот на денот.

И вчера граѓани од Карпош, Центар, Аеродром, Кисела Вода се пожалија дека имаат проблеми со греењето. А веќе неколку дена без парно се и околу 500-тини домаќинства од Бутел и Чаир. Велат цела година плаќаат сметки за парно, а  сега  со греалки се обидуваат да ги стоплат домовите.

Од Топлификација Скопје Север се надеваат дека Општина Чаир од понеделник ќе го плати долгот за да може да купат гас и да го вклучат греењето. Сепак, од таму потенцираа дека тоа не е решение за нивните проблеми затоа што Скопје Север АД се соочува со сериозни финансиски пролеми поради сериозниот раст на цената на гасот.

Граѓаните се мачат дека дома децата им смрзнуваат, и најавуваат приговори, а прашуваат како е возможно да плаќаат поскапо парно а радијаторите да се млаки, топлина од нив речиси и да нема, оббинуваат дека се вршат рестрикции во сред зима.

Македонија

Далеку сме од евтина држава – Во Англија литар млеко е 33 денари, 25 денари е кило леб

Граѓани на Твитер ги коментираат цените на основните продукти во Македонија и дело од земјите во Европа, па според фотографиите и коментарите излегува дека за некои производи во Македонија граѓанитѕе ги плаќаат и поскапо од граѓаните на некои земји на ЕУ како Англија и Германија.

Според фотографиите едно литро млеко во Англија може да се најде за 46.9 пени или скоро пола фунта за едно литро. Додека пак едно кило леб може да се најде за 36 пени или третина фунта.

Цените во Германија 

Репортер на Дојче Веле во вторникот посетил маркет на Лидл во Бон, за да споредиме каква е цената на дел од основните производи во Германија- каде нема замрзнување на цените- и Македонија каде тоа се практикува од минатата недела.


Така на пример, сончогледово масло во овој дисконт во Германија чини 1,39 евра. Истото во Македонија ќе го најдете од 89 денари- близу 1,5 евра- па нагоре.

Пченичното брашно во Бон можете да го купите за 45 центи, во Македонија за 40 денари или околу 20 евроценти поскапо.

Кристален шеќер во Лидл чини 79 центи, во македонските дисконти може да се најде поевтино- за 40 денари.

Млекото со 3,5 отсто масленост во Македонија ќе ве чини најмалку 50 денари, во Германија може да се најде за 80 центи.

Ако купувате месо, во Македонија ќе минете нешто поевтино- за килограм свинско ќе платите околу 350 денари, додека во Германија 6,99 евра.


Севкупно гледано, цените на производите се слични, со таа разлика што стандардот на граѓаните во Германија е далеку повисок- барем седумпати од македонскиот. 

Според податоците за 2019 година на Еуростат во извештајот од 2020 година Македонија има најефтина храна и пијалоци во Европа.

Статистиката на Еуростат покажуваше дека во Македонија граѓаните купуваат најевтина храна, безалкохолни пијалоци (кафе, чај, минерална вода, овошни сокови и др.) и тутун од сите 37 држави на европскиот континент.


Анализата на Еуростат, со податоци од 2019 година, тогаш ја смести Македонија на дното во Европа според трошоците за основните потрошувачки производи, или обратно, на врвот како најевтина. 

Се прашуваме дали по споредбиве состојбата не е променета ако се земе фактот дека просечната плата во Европската унија e 2000 евра во споредба со нашите плати кои официјално се 470 евра или во септември 2021 во нето вредност по вработен е 28 869 денари.

Македонија

Ќе се замрзнат цените и на оризот и јајцата

Крешник Бектеши, министерот за Економија, рече дека Владата размислува да ги замрзне и цените на оризот и јајцата со бранот на инфлација кој веќе се чувствува во земјата.

Тоа значи дека овие производи ќе се додадат на веќе постоечката листа на замрзнати цени на сончогледовото масло, брашното тип 400, леб, шеќер, свежо млеко, сирење која беше усвоена со одлука на Влада во саботата.

– Ќе ги почекаме цените од Заводот за статистика за месец ноември. Ако има зголемување драстично, ќе донесеме прошируваме на одлуката за замрзнување на оризот и јацата за наредните два месеци, рече Бектеши.

Цените кои биле формирани од трговците од 1 декември ќе важат до 31 јануари. Бектеши вели дека во овој период тие нема да се зголемуваат.

Македонија

Владата одлучи: Цените на овие производи ќе бидат замрзнати до 31-ви јануари

Се замрзнуваат цените на основните прехранбени производи, објави министерот за економија Крешник Бектеши. 

На предлог на Министерството за екомија, Владата на денешната седница донесе одлука за замрзнување на цените кои се применувале на 1 декември 2021 година, во трговијата на големо и трговијата на мало на:

– леб;

– шеќер,

– брашно – тип 400;

– сончогледово масло за јадење;

– трајно млеко со масленост од 2,8%, 3,2% и 3,5%;

– свежо месо и сувомеснати производи;

– сирење и урда

Исклучени се цените на привремените попусти кои важеле на 1 декември 2021 година.

Оваа одлука ќе важи до 31 јануари 2022 година. 

Македонија

Ќе се замрзуваат цените на брашното, шеќерот, оризот, а можеби и на маслото и месото

Владата наскоро ќе ги замрзне продажните цени на основните прехранбени производи, пред сѐ – брашно, шеќер, ориз, маслото за готвење, а можеби и на месото.

Ова го навестува министерот за економија Крешник Бектеши во интервју за емисијата „Трилинг“ на ТВ 24, која ќе се емитува вечерва.

Ваква одлука на 30 ноември веќе донесе соседна Србија.

Одлуката, која ќе се применува за период од 60 дена, предвидува и производителите да не смеат да ги испорачуваат овие производи во количини помали од просекот во последните 12 месеци.

За непочитување на наведените одредби предвидени се парични казни во износ од 100 000 до два милиони динари, како и забрана за вршење дејност во период од шест месеци до една година.

Македонија

Следува невиден ценовен шok: Дали СТРУЈАТА по Нова Година ќе поскапи за повеќе од 20% ?

Цената на струјата за домаќинствата по Нова Година ќе се зголеми за повеќе од 20 отсто. Освен цената, проблем е и недостигот на струја и доколку итно не почнат со производство ТЕЦ „Неготино“ и РЕК Битола може да останеме без струја, бидејќи европските земји забранија извоз на јаглен во Македонија. И покрај предупредувањата на експертите, власта со смирувачки пораки до граѓаните дека нема потреба за прогласување на енергетска криза, струјата нема да поскапи до крајот на годината и оти не знаат што ќе се случи по два месеца. Експертите алармираат до граѓаните да бидат подготвени дека после Нова Година ги чека раст на цената на струјата и ценовен шок. За да се ублажи ударот тие предлагаат намалување на даноците, како што направија некои од европските земји, пишува Вечер.

-Струјата по Нова Година се очекува да поскапи за повеќе од 20 отсто, бидејќи цената на светските берзи е покачена за повеќе од 10 пати. Ова зголемување од 20 отсто е реално, бидејќи во моментот ЕСМ електричната енергија на универзалниот снабдувач ЕВН „Хоум“ по цена од 37 евра за мегават-час, а на светските берзи во моментов е 250 евра за мегават-час, вели за ВЕЧЕР, енергетскиот експерт Ѓорѓи Манасков.

Според него и да се реши проблемот со набавката на јагленот за потребите на РЕК Битола, пак ќе имаме поскапување на цената на струјата. Потребно е државата сериозно да поработи за да се надомест недостатоците, зашто не се знае до кога ќе не толерираат државите од енерегетскиот систем од каде црпиме големо количество струја.

– Мора итно да почнат со производство и ТЕЦ Неготино и РЕК Битола може да останеме без струја, бидејќи европските земји забранија извоз на јаглен во Македонија. Ако не увеземе јаглен и ако не се почне веднаш со производството, тогаш струјата по Нова година може да биде зголемена за 100 отсто, вели Манасков и додава дека ова се реални прогнози, бидејќи се очекува до декември цената на струјата да се качи за повеќе од 400 евра за мегават-час.

Освен кај граѓаните голема неизвесност околу производството на електрична енергија постои и кај компаниите. Компаниите се загрижени, бидејќи цената на производите зависи од цената на енергенсите кои отидоа до плафон. Бизнисот се надева дека производството на струја од јаглен ќе почне што поскоро и компаниите ќе можат да имаат некаква предвидливост.

-Ние бараме да се зголеми домашното производство на струја за да имаме некаква предвидливост. Кога ќе се стават сите инпути, ќе знаеме која ќе биде цената на производство. Сега немаме никаква предвидливост и сме оставени на милост и немилост на берзите. Бараме предвидливи цени за да може да ги

правиме плановите за производство. На крајот на годината се прават плановите за производство за наредната година, а компаниите се уште не знаат по која цена ќе ја набават струјата, изјави потпретседателот на Стопанска комора на Македонија, Антони Пешев.

За зголемување на домашното производство ЕСМ неделава треба да објави јавен повик за набавка на мазут за ТЕЦ Неготино. Во меѓувреме цената на мазутот, кој не го набавивме на време на светските берзи многу се качи, така сега има повисока цена од електричната енергија. Според експертите, сега подобро ќе биде да се купи струја отколку мазут кој потоа ќе го преработуваме во електрична енергија.

Тие велат дека во зимскиот период можни се и рестрикции доколку државата не ги подмири трошоците кои сега се трупаат за да се обезбедат недостатоците од струјa поради недоволното домашно производство.

Инаку, стабилизација на состојбата во енергетскиот сектор се очекува дури кон средината на следната година.

Македонија

Како ќе се живее: Драстично пocкапување на струјата, pecтрикции и можен колaпc на енергетскиот систем?

Цените на гасот во ЕУ, се на рекордно високо ниво, Велика Британија, и покрај сопственото производство има недостаток на гас, САД стравуваат од зголемување на цените, Индија има јаглен само за следните 3 дена, фабриките во Кина работат пар-непар, Албанија прогласи вонредна состојба. Енергетска криза има, а единствено македонската владата само ја следи состојбата и ќе интервенирала таму каде што ќе било потребно. Премиерот Зоран Заев по минатонеделните смирувачки пораки, сега признава дека земјава ќе се соочи со енергетска криза, но без стратегија како ќе ја поминеме зимата, кога потрошувачката на струја се зголемува.

Енергетска криза има, цените се високи, но владата будно ја следи состојбата и ќе интервенира таму каде што ќе биде потребно, изјави премиерот Заев прашан дали државата е подготвена да го ублажи ударот од енергетската криза и растот на цените на основните прехрамбени продукти.

Премиерот вели ќе се следи состојбата следните две три недели, по што ќе се донесат мерки. Но не откри какви ниту колку пари има на располагање во буџетот за да се ублажи ударот и за компаниите и за ранливите категории граѓани.

До крајот на годината нема да има поскапување на цената на струјата за домаќинствата, велат од Владата, но што потоа не знаат. Премиерот се стави во редот на многу поголеми политички фигури од него, кои , како што вели – немале одговор на ова прашање.

Премиерот претходно наведе дека владини и надворешни експерти веќе размислуваат за сите нови начини за надминување на енергетската криза, ако се знае дека по Нова Година, според договорот со универзалниот снабдувач, ќе треба да има нови цени за електричната енергија.