Градоначалникот на општина Кривогаштани, Николче Мискоски, информираше дека општината заврши со асфалтирањето на повеќенаменското игралиште во населеното место Врбјани, а во идниот период ќе постават ограда, кошеви, поставување реквизити за најмладите, летниковци и осветлување.
Инвестицијата е во вредност од 3 милиони денари, а општината учествува со хортикултурно и партерно уредување. Игралиштето во Врбјани е донација од иселеници од ова населено место во Австралија – фирмата МКД транспорт која е во сопственост на браќата Игор и Жарко Цветкоски.
Министерот за надворешни работи на Украина, Дмитро Кулеба се заблагодари за тоа што Македонија му дава поддршка на украинскиот народ во тежок период.
„Македонски фирми во соработка со Владата ќе донираат генератори, греалки и други грејни тела на Украина за да може земјата да ја преброди зимата“, вели Кулеба.
Договоривме набавка за опрема од 12 земји, меѓу кои се Израел, Шпанија, Италија, Литванија, Германија, Македонија, Полска, Република Кореја, Словачка, Словенија, Франција и Финска, кажа министерот.
Во новата сезона на Срце на дланка на Алфа ТВ се бара помош за немилиот живот на семејството Кузмановски.
Доколку сакате да помогнете на семејството на Златко Кузмановски тоа можете да го направите на следната жиро сметка 200003962828680 или на телефонски број на Златко 078302307
Целата сторија ќе можете да ја погледнете во најновата епизода на емисијата #СрцеНаДланка на овој линк: https://www.youtube.com/watch?v=_5fws4ub1rA…
НашетоМалкуНекомуМожеДаЗначиСе♥️
Златко Кузмановски некогаш бил човек со широка насмевка и преполн со надеж дека среќно ќе живее. Со солзи се навраќа назад во времето кога се чувствувал безбедно и недопирливо. Во времето кога парите ништо не вределе, но, зборот и лицето значеле многу.
Денес, одвоен од сите, во две скромни собички со семејтвото гради дом на илузии и желби. Зашто, пари и начин за нешто повеќе и нема-вели тој.
До пред извесно време живееле и без струја, но, болеста на неговото шест годишно девојче ќе ја разбуди човечноста кај луѓето, па, свеќите ќе ги заменат со сијалици-ќе додаде овој несреќен татко. Но, ова семејство повторно живее мачен живот.
Сериозната здравствена состојба на малата Софија ќе ја спречат мајката да работи, а, примањата на Златко се доволни само за подмирување на кредитите земени претходно за издигање на тие две соби и понекогаш да се купи леб за да имаат што да јадат децата на училиште. Сепак, ова семејство спие во една просторија, се бањаат топлејќи вода на ќумбе, одвод немаат.
Децата за вкусна храна секојдневно сонуваат. И, иако со години вака живеат, сепак и младите и постарите се надеваат на хуманост и на секоја искра, ги шират очите и заборааваат на кривите погледи и тежината на времето.
Златко Кузмановски потекнува од времето кога привилегија било да се чекори со крената глава. Потекнува од грутка земја каде имало надеж за убав соживот. И токму таму издига дом и гради семејство во кој последните години продолжува турбулентно да живее.
-Пред 11 години одлучивме да се земеме со сопругата. Живеевме во заедница и животот не можеше повеќе така да го тераме. Ни се роддија и две дечиња Никола и Софија, кои денес имаат 8 и 6 години. Еден ден одлучивме. Со сопругата преку кредити и помош од блиските направивме мала инвестиција и скрона куќарка од две мали собички. Но, парите не стигнаа за саат за струја, за одвод, за бања и тоалет-започнува да го раскажува Златко својот тежок живот за емисијата „Срце на дланка“.
Златко се труди и е вреден. Ако не за себе, барем за децата- вели тој. Тие се мали и не разбираат што е сиромаштија, но, многу добро знаат што јадат и како живеат другите дечиња околу нив. Тоа е и најголемата болка на овој татко. Што нема основни услови да ги избања и нахрани децата онака како што треба.
-Работам, но, не стигнува. Се е поскапено, а, примањата се мали. И, децата се мали , ама знаат што сакаат. Ги гледаат другите деца и бараат. А, ние едвај наоѓаме начин да ги испратиме во училиште, а, лебот да не им биде сув. Некогаш маргарин, некгаш паштета, некогаш мармаладче…. Само да не се гладни-додава Златко.
Долго време ова семејство живеели и без струја, но, како што се вели „Секое лошо за добро е„ така еден немил настан пред неколку месеци ќе направи да се разбуди човечното кај народот и кај нив уште истиот ден светнува сијалицата. -На 28 јули сопругата беше на работа, а,Софија почна да се тресе и грчи. Ми текна и и го извадив јазикот да не го проголта. За некое време повторно се случи истото. Веднаш ја однесовме на клиника и и констатираа епилепсија. Од тогаш животот ни е кошмар. Сопругата мораше да даде отказ зашто Софија не смее сама да биде ниту еден миг, па, таа мора да е постојано до неа. Уште истиот ден и моите браќа се смилуваа и ми ја пуштија струјата. Па, имало Господ велам, барем не ги раснам децата на свеќи, ако, немам за нешто повеќе. Толку ми е тешко што понекогаш си помислувам дека подобро е да ме нема-вели Златко.
За жал поголема болка нема на детето да немаш ниту кришка леб да му понудиш. Но, ова семејство таква болка чувствува веќе одамна. Иако, се трудат децата за кризата да не дознаат и во храбри луѓе да ги израснат, сепак, најмалите од другите деца гледаат и потајно мечтаат. Еден ден и тие во нормална бања да се избањаат и во своја детска соба да заспијат.
-Софија поради лекарствата мора да јаде почесто. Па, некогаш и јас и сопругот се одрекуваме од залчето само да имаат децата да јадат. Ете и двајцата спијат во едно собиче. Немаме средства да ги одвоиме како сите деца да си имаат своја соба-додава Цвета, сопругата на Златко.
-Јас многу сакам кроасан, и пица, и пастрмајлија… А, мама нема пари да ни купи ниту паштета-вели осум годишниот Никола.
-И, јас многу сакам убава храна…како што јадат децата на училиште.. Сакам и телефон, и лаптоп за да учам преку него..А, кога ќе пораснам сакам да бидам докторка-завршува малата Софија.
Драги хумани луѓе Павел ги направи првите чекори после 5 години поминати во кревет.
Да не дозволиме заради недостаток од финансиски средства детството на ова детенце да му поминува во кревет.
Моментално Павел се наоѓа во Ниш но имаме недостаток од финансии,ајде да се сплотиме уште еднаш да зачекори уште похрабро без ничија помош🙏🙏 Да ја вратиме насмевката на неговото лице❤️❤️
А1 : 143- 473 Т-Мобиле:143-191 Вртете без префикс. Контакт телефон од родителите: 071 206 378 Стопанска банка: 200003265336115 IBAN: МК 07200003986659543 Swift: STOBMK2X PAVEL MARKOV Ul. 30 Septemvri br.13, 2310 Vinica За хуманите луѓе од странство: https://gofund.me/af127aad #ВашетоМалкуЗаНасЗначиМногу
Вечерва Советот на Општина Аеродром на иницијатива на градоначалникот Муцунски даде поддршка за македонскиот бренд РК Вардар.
Со ребалансот на буџетот, покрај развојните инвестиции и капиталните проекти кои се предвидени, Општина Аеродром издвојува и 1.2 милиони денари за поддршка на македонскиот шампион.
– Во ваквите тешки мигови за нашата ракометна гордост поддршката од наша страна беше неопходна. Голема благодарност до советниците на ВМРО-ДПМНЕ и Левица кои гласаа за оваа финансиска помош, напиша Муцунски на својата фејсбук страна.
Покрај тоа, буџетот за оваа година предвидува и 24 милиони денари за МЗТ Скопје, аеродромски бренд што ќе ја претставува Македонија во елитното јадранско натпреварување АБА1.
Фондација „Заев – Едно општество за сите“, на Светскиот ден на хуманоста, донира 100.000 ден на СОС Детско село и 100.000 ден за семејствата на четирите куќи од Прилеп, кои неодамна беа опожарени од удар на гром. Со хуманост да ја поттикнеме хуманоста – напиша екс премиерот Зоран Заев на Твитер мрежата.
Донирани се тенкови на Украина кои се од третата генерација и кои со оглед на развојот на технологијата се неконкурентни и некомпатибилни, соопшти вчера попладне Министерството за одбрана и Армијата на Република Северна Македонија. Од Министерството без да ја споменат бројот на донираните тенкови, за МИА информираа дека дополнително во наредниот период би требало да се трошат и ресурси за уништување на тенковите, што според нив е нецелисходна активност за нашата Армија.
– Согласно донесените Одлуки од страна на Владата на Република Северна Македонија во неколку наврати донираше воена опрема за Украина во согласност со нивните барања и потреби, а во координација со сојузниците. Република Северна Македонија како кредибилна членка на НАТО, во линија со сојузниците и партнерите, почитувајќи го територијалниот интегритет, суверенитет и правото на самоодбрана на Украина, притоа строго осудувајќи ја агресијата на Русија на Украина, ги донесе овие Одлуки да упати помош на Министерството за одбрана на Украина, со одредена количина на материјални средства, наведува МО.
Се наведува дека врз основа на извршените анализи, препораки и усвоени планови за опремување на Армијата на Република Северна Македонија во наредниот период ќе се изврши трансформација, односно расформирање на тенковскиот баталјон, која како што велат оттаму веќе е во тек, и ќе се пристапи кон воспоставување на модерни и современи противоклопни способности и капацитети во Армијата.
-Имајќи ги предвид, НАТО-одбранбено планирање, планот за модернизација и опремување на Армијата, во тек е проект „Набавка на лесни оклопни возила на тркала”, согласно договорот со американската Влада, кој е започнат во 2019 година со склучување на Договори помеѓу Владите на Република Северна Македонија и САД. Пред некој ден пристигна и испораката на првите 6 ЛОВ ЈЛТВ во рамките на овој проект. Оваа испорака претставуваат сериозен исчекор во процесот на модернизација и опремување на Армијата согласно НАТО стандардите и ќе бидат поддршка на Лесната пешадиска баталјонска група во Штип, која воедно е наша НАТО единица како и замена на застарените тенковски капацитети кои нема да бидат дел од армиската формација појаснуваат од Министерството.
Претседателот на Република, Србија Александар Вучиќ во емисија на „Пинк ТВ“ најави дека доколку е потребно, Србија е подготвена повторно да и помогне на Македонија.
Оваа помош тој ја најави во рамки на иницијативата „Отворен Балкан“. Тој додаде дека трите земји од оваа иницијатива треба меѓусебно да си помагаат во месеците што доаѓаат.
– Секој секому може да помогне. Може во одредени денови да и помогнене на Македонија со струја и со храна. Постојат различни денови, некој повеќе се ослонува на хидрологијата, кога е добра Албанија може да и помогне на Македонија, понекогаш дури и на нас, кажа Вучиќ.
Арнолд Шварценегер не е само акционен херој во неговите филмови, туку и вистински херој.
Актерот и поранешен гувернер на Калифорнија, во духот на Божиќ им помогна на своите сограѓани и донираше 25 домови за бездомните ветерани, мали монтажни куќи целосно опремени за живот.
На социјалните мрежи, Арни објави дека ја посетил заедницата во Лос Анџелес каде што помогнал да се изградат „станбени структури за оние кои и служеле на татковината“. На една од фотографиите Шварценегер разговара со постар маж на вратата од неговиот нов дом, а на другата прави селфи со поранешни војници.
– Денеска го прославив Божиќ малку порано. Затоа што, 25-те домови што им ги подарив на ветераните конечно се поставени во Лос Анџелес. Беше фантастично да се помине малку време со нашите херои и да им посакаме добредојде во нивните нови домови – напиша „Терминатор“ и се заблагодари на непрофитната организација „Вилиџ за ветеринари“ која се грижи за поранешните американски војници во САД, особено за сиромашните и бездомниците. Секоја од куќите чинела 10.000 долари.
Здраво на сите, на прикачените слики се нашите два мали ангели, 9 -годишните близначки Емилија и Елена. На 26 јули 2021 година, по 4 дневна настинка, додека Емилија седеше во нивната соба со нејзината сестра близначка имаше епилептичен напад, итно беше пренесена во локалната болница во Струмица, Македонија од каде итно беше пренесена во Универзитетската детска болница во Скопје. Таму и беше дијагностициран вирусен енцефалитис, предизвикан од вирусот Западно Нилска треска од каснување од комарец.
Поради брзо и прогресивно влошување на нејзината здравствена состојба, таа беше префрлена на интензивна нега и мораше да биде ставена во медицински индуцирана кома. По нешто повеќе од еден месец на интензивна нега, нејзината состојба беше стабилизирана, но неконтактна, од тешката состојба се афектирани и онеспособени сите моторни, визуални и говорни функции. Лекарите во Македонија и препорачаа дека итно и е потребен невролошки третман за рехабилитација, интензивна работна терапија, интензивна физикална терапија и рехабилитација во центри специјализирани за пациенти во таква состојба, кои не се достапни во Македонија.
Тие препорачаа да се бараат такви болници во Турција, Словенија или Германија. Неколку болници негираа да ја прифатат или поради состојбата во која се наоѓа или поради пандемија со Ковид. Пред два дена таа беше пренесена во болницата Аџибадем во Истанбул, Турција и во моментов се во тек испитувања од тамошните лекари да можат да дадат одговор со конечната одлука дали може да продолжи нејзиното закрепнување таму и колку ќе чини, во меѓувреме добивме одговор од детската болница Хегау-Југендеверк во Германија дека ќе можат да ја прифатат пациентката доколку нејзиното лекување не може да се продолжи или успешно да се заврши во Истанбул, Турција, а трошокот ќе изнесува 60 200 евра (70 000 американски долари), дополнително на трошоците од 5000 евра потрешени за нејзиното транспортирање до Истанбул со амбулантна кола и придужба на медицинска екипа, како и сите други дполнителни трошоци доколку треба да биде транспортирано во Германија од Истанбул.
Сите овие медицински сметки стават огромен товар врз секое семејство овие денови, и никој не може да биде подготвен за такво нешто, и како што може да се види, болницате бараат однапред да се плати целиот износ, и додека се чека конечниот одговор од Аџибадем во Истанбул, во име на Емилија и нејзините родители, јас, заедно со сите нивни роднини и пријатели, одлучивме да ја започнеме оваа кампања и да помогнеме со овој финансиски товар, и сите заедно да ја вратиме насмевката на лицето на Емилија и повторно да бидат едно цело заедно со нејзината сестричка Елена.
