Tag Archives: Филипче

Здравје

Филипче размислува за ЗАДОЛЖИТЕЛНА вакцинација, иако било рано за тоа

Има различни сценарија во различни земји, а ние исто така сме размислувале за задолжителна вакцинација, вели министерот за здравство, Венко Филипче по најавите дека сите вработени во државната администрација во Словенија кои немаат имунитет на корона, стекнат со вакцинација или прележување, ќе мора да се вакцинираат против ковид-19.

Според него, секогаш кога ќе сакаат да применат некои нови мерки, вакцинацијата е голема, а после тоа спласнува интересот.

Во однос на задолжителната вакцинација, рано е. Сепак многу земји не ја исклучуваат таквата можно, па размислуваме и ние да ја имплементираме, иако сегашните мерки покажуваат резултати. Нема притисок во болниците каде вакцинацијата е голема. Граѓаните да ја сфатат важноста на процесот на вакцинација – додава министерот.

Македонија

Д-р Шопова: Директорите бараат Филипче да остане? Да ви кажам нештo…

Прим. д-р Жаклина Шопова е инфектолог, вработена на ЈЗУ „Клиника за инфективни болести и фебрилни состојби“ – Скопје. Таа во статус на Фејсбук пишува за барањето на директорите на сите ЈЗУ министерот за здравство Венко Филипче да остане на функцијата.

Ако директорите бараат од премиерот да остане Филипче, јас ќе се потрудам да го кажам спротивното:

1. Велите: пандемијата трае, болниците се преполни… ЗОШТО!?
Заради Венко и неговата/вашата неспособност за менаџирање.

2. 1112 пациенти со тешка клиничка слика се лекуваат, 30 пациенти се на респиратор (само не кажувате на кои респиратори, тие што требаше да ги добиеме, да ги набави Венко или …),

700 пациенти се на кислородна подршка со маска. ЗОШТО!?

Заради Венко и сите вас кои не ги припремивте и не ги дистрибуравте протоколите за третман на секое ниво во здравството низ целата Република, бидејќи не направивте план за белиот мантил, бидејќи преку ноќ ги претворате болниците во ковид центри, бидејќи им го одземавте со закон загарантораното право на сите останати пациенти со други хронични болести да се лекуваат во јавното здравство, па мораа на сопствен трошок да се лекуваат по приватните болници.

Ќе ве прашам, бидејќи горе го имате одговорот:

За каков систем зборутате за кој столб во здравството зборувате? … ако сте тоа вие и Филипче тогаш оддамна требаше да се повлечете!

Го споменувате слоганот “Слушај го Венко ” кој го користевте/ користите за политички маркетинг на Венко, на вас, како што ги користевте здравствените работници кои ги нарекувавте херои …
Велите дека дигнитетот на професијата лекар е вратена. Со што?:
*со билбордите кои без дозвола на лекарите ги објавувавте се со цел да си го зголемите рејтингот
* со одлевање на здравствените работници, медицински сестри по приватните болници заради вашата добра здравствена политика… па и со нив се фотографиравте за да ги прикрие Венко своите и вашите неспособности за менаџирање!?

Лекарите не ги добија ветените 100 000 ден. Не ги добија 5 отсто покачување на плата за 9 месеци, им ги оддземавте годишните одмори за една година…не добија многу од ветувањата на Венко, но тоа е…

НИЕ: Лекарите, медицинските сестри, лаборантите, болничарите, хигиеничарите, сервирките, административните работници како и се што е во сектор здравство, иако сме деградирани од ВАС продолживме и се уште сме со нашите пациенти, се бориме во услови такви какви што сте ни обезбедиле, за секој човечки живот секое деноноќие…

И на крај велите руинираното здравство го подигнал Венко, Вие!?
Дали тоа се модуларните болници кои наместо по светски стандарди за што земавте кредит ги изградивте по стандарди
Заев- Филипче-Анѓушев!?

Дали е сега јасно зошто задоцнетата оставка на Филипче, која ви ги доведе во прашање и вашите директорски места треба и со вашето и без вашето писмо, и без директивите за зголемувањето на рејтингот на Филипче по социјалните мрежи, со постирање на неговата слика како профилна слика на статусите (можеби за да се оддолжите за вработување унапредување или сл. што ви ги обезбедил Филипче), г-динот Зоран Заев ТРЕБА ДА ЈА ПРИФАТИ за доброто на народот!

Македонија

,,He cyм чул нeкaде во свeтoв дa ce спpoвeдyва тeмeлнa иcтpaгa дaли нeкoj има МОРАЛ или не”

Го кажа истото што и министерот пред два дена. Ќе ја чекал истрагата.

Не сум чул некаде во светов да се спроведува темелна истрага дали некој има морал или не. Впрочем, таа истрага и кај нас заврши пред два дена, денешново е само потврда.

И се уште го нема да се појави пред камера, пред микрофон и пред прашањата на јавноста. Јак лидер, коментира Богдан Илиевски.

Објавата може да ја погледнете ТУКА.

Македонија

Директорите на ЈЗУ со писмо до Заев: Не ја прифаќаме оставката на Филипче

Директорите на Јавните здравствени установи, коишто инаку ги именуваат владејачките партии, испратија во саботата писмо до премиерот Зоран Заев во кое наведуваат дека не ја прифаќаат понудената оставка на министерот за здравство и потпретседател на владејачката СДСМ,  Венко Филипче“ и посочуваат дека “му даваат безрезервна поддршка да продолжи да ги води“.

„Почитуван премиер, во екот на четвртиот бран од пандемијата со корона вирусот, кога бројките на хоспитализирани и, за жал, починати пациенти не стивнувнаат и кога целиот здравствен систем се бори не само со короната, туку и со сите останати хронични и акутни болести, ни се случи една голема трагедија. Тетово не погоди сите нас, пред се како луѓе, лекари и како менаџери на здравствените институции во нашата држава. Секој изгубен живот е трагедија. Како за семејството, така и за нас, лекарите. Не сме имуни на болката по изгубениот живот, иако работиме во систем каде секојдневно се спасуваат и гаснат човечки животи. Болката ја носиме со себе. И Тетово е болка на сите нас. Изразуваме длабоко сочуство до семејствата и до најблиските на починатите. Нашите мисли се нив и нема зборови со кои може да ги утешиме, стои во писмото од директорите.

Пандемијата, посочуваат тие, се уште трае и болниците се преполни со тешки пациенти.

Потенцираат дека во моментов 1.112 пациени со тешки симтоми се лекуваат во ковид одделенијата, околу 30 пациенти се на респиратор, а близу 700 се на кислородна маска.

„Триесетина пациенти денес се борат да преживеат. Се лекуваат во систем кој го постави и секојдневно го менаџира заедно со сите нас д-р Венко Филипче. Тој е всушност столбот на овој систем, систем кој докажа дека спасува животи. Благодарение на тој систем успеавме да ги лекуваме ковид болните, но во исто време да ги згрижиме сите останати пациенти со други болести од почетокот на пандемијата. Се донесоа тешки одлуки, одлуки кои беа пресудни и помогнаа да излеземе од вториот, третиот и да се справуваме успешно со четвртиот бран на пандемијата. Уморни, истрошени понекогаш и деморализрани, соочени неретко со гневот на јавноста. Во сето нашиот стожер беше и е д-р Филипче. Човекот кој секогаш го превземаше товарот на заедничките одлуки. Тоа е водач и конструктивен партнер. Тој е човекот кој не водеше низ тешките и помалку тешки моменти, кој никогаш не престана да верува во системот и во неговите колеги. Тој го познава здравениот систем, неговите недостатоци и можности. Во изминативе 18 месеци слоганот „Слушај го Венко”, не беше само слоган, беше начин на живот, не само за нас, туку и за цела држава, нагласуваат директорите на јавните здравствени установи.

Според нив Филипче го врати дигнитетот на професијата лекар.

„Наместо руинирано здравство, сега имаме реновирани и достоинствени услови за работа, по современ европски терк. Тој знае дека секоја инвестицијата во здравството е инвестиција за иднината. Кога целиот свет се бореше за парче заштитна опрема, тој ја обезбеди за нас. Успеа да ги помери границите и да набави терапии за пациентите со ретки болести и современа терапија за пациентите со малигни болести. Тој го укина паралелен увоз на лекови. Се воведоа нови методи за лекување во нашето здавство, услуги за кои порано нашите граѓани патуваа во странство. Кај илјадници лица успеа да поттикне свеста за донирање на органи и коскена срцевина. Затоа, во име на сите директори на јавните здравствени установи во земјава, категорично ја одбиваме оставката на министерот за здравство, д-р Венко Филипче и му даваме безрезервна поддршка да продолжи да нѐ води“, стои во писмото.

Неоправданиот страв, стигма и дискриминација, посочуваат тие, не придонесуваат кон напредокот на кој целиме.

„Почитуван премиер, не ја прифаќајте оставката на министерот Филипче, само сфатете ја како длабоко морален чин на човек кој демонстрира висок степен на етика, морал, ематија и алтруизам. Почитуван д-р Филипче, продолжете да не мотивирате, за да можеме да ги претвориме емоциите во иницијатива за уште подобар здравственот систем. Нема оставка за министерот Филипче!“, стои во писмото од директорите на јавните здравствени установи упатено до премиерот Заев.

Македонија

Заев НЕ ЈА ПРИФАТИ ОСТАВКАТА на Филипче!

Претседателот на Владата на Република Македонија, Зоран Заев, се обраќа до јавноста и до претставниците на медиумите со соопштение кое се однесува на започнатата експертска истрага и на поднесените оставки за несреќата во ковид-центарот во Тетово.

Обраќањето ви го испраќаме во целост:

„Почитувани граѓани,

Огромни се тагата и жалоста низ кои поминуваме овие денови заедно со семејствата и блиските на загинатите при несреќата во тетовскиот ковид-центар. Веќе трет ден сведочиме дека трагедијата која се случи на 30-годишнината од денот на независноста ги покрена на највисоко ниво солидарноста кај граѓаните, респонзивноста на институциите и одговорноста на политичарите.

Поднесените оставки од министерот за здравство Филипче, од заменик-министерот Хасани и од директорите на тетовската болница Бесими и Етеми ги примив и ги разбирам како висок морален и етички чин и како демонстрација на интегритет и одговорност која е неминовна при вакви големи несреќи.

Истражните и правосудните органи спроведуваат исклучително темелна, професионална и брза истрага која мора да ги утврди до детаљ причините за избувнувањето на смртоносниот пожар. Кон стручноста и кредибилноста на истрагата ќе придонесат и форензичарите од Германската федерална криминалистика, за што веќе се реализираат подготвителни извидувања и активности и за што упатувам огромна благодарност до нашиот НАТО сојузник, Германија.

Во овие моменти на национална трагедија и на целосна мобилизација на сите државни и општествени капацитети околу целосно расветлување на случајот, упатувам благодарност до сите чинители кои во исклучително краток рок спасија човечки животи, обезбедија сериозни информации и анализи при истрагата, обезбедија врвна стручна странска експертиза, покажаа огромно чувство на солидарност и сочувство и демонстрираа највисоко ниво на одговорност.

Имајќи предвид дека истрагата се спроведува со висока динамика и дека истата е обезбедена со највисоко ниво на стручност и професионалност, мојата проценка и одлука по однос на поднесените оставките ќе ја базирам исклучиво на фактите кои ги добивам од истрагата односно исклучиво согласно утврдените причини за избувнувањето на пожарот. Очекувам тоа да се случи брзо во следниот период за што уште еднаш апелирам до сите институции за брза и темелна истрага.

Одговорност има и ќе има, јасно утврдена врз основа на непобитни форензички факти, а не врз основа на политички пресметки.

Апелирам до целиот народ, до јавноста и до претставниците на медиумите, сите да останеме фокусирани на истрагата и на фактите, да го одржиме силен националниот дух, иако сме облеани во тага, да бидеме ангажирани, но и трпеливи, да ја поминеме оваа трагедија заедно и да помогнеме за никогаш повторно да не ни се повтори.

Најавувам дека во текот на следната недела, во првиот момент откако експертската истрага ќе покаже нов посериозен напредок, ќе ги соопштам ставовите на Владата базирани на фактите од истрагата, на прес-конференција на која ќе одговарам на сите прашања од медиумите. Во меѓувреме, Владата, министерствата и сите надлежни институции остануваат отворени и достапни за сите ваши прашања.

Овие денови, внимателноста при јавните комуникации е исклучиво заради потребата на ниту еден начин да не се влијае врз темпото и квалитетот на истрагата, но целиот процес се води целосно транспарентно и според највисоките институционални стандарди и протоколи.

Ви благодарам.“

Со почит,

Македонија

(Видео) Пендаровски му го зададе пocледниот yдap на Филипче: Да бев на негово место ќе поднесев ocтавка уште веднаш

Новото издание на емисијата „360 степени“, во кое гостува претседателот Стево Пендаровски, се емитува вечерва (10 септември 2021 г.) од 22 часот на ТВ Алсат

Македонија тагува за 15-те животи што згаснаа во стравотниот пожар во модуларната ковид-болница во Тетово и ги чека одговорите на прашањата: што го иницирало огнот, како толку брзо изгорел целиот монтажен објект, имало ли пропусти при неговата изградба или при неговото одржување, што барале лица од надвор во објектот, ќе понесе ли некој одговорност за трагедијата… Овој настан, кој временски коинцидираше со одбележувањето на 30-годишнината од независноста на земјава, како да ја потврди пораката од говорот на претседателот Стево Пендаровски по тој повод – дека јубилејот е можност и за колективно преиспитување на нашата совест.

Или, како што рече Пендаровски, цитирајќи го Мисирков – што направивме и што треба да направиме во иднина? Искрениот и реален одговор е дека ова е прашање за секој еден од нас, но најмногу за сите досегашни политички раководства, порача шефот на државата. Шефот на државата Стево Пендаровски вечерва е гостин во „360 степени“.

Инфо +, Македонија

Носете маски, за министерот да не мора (Фото)

Gallery

За носењето маски и еден министер за здравство, твит на денот 👇

Здравје, Инфо +

Јавноста осудува за БРУКА, Филипче вели било за поздравување ВАКЦИНИРАЊЕТО НА ТРАКТОР (Фото)

Фотографијата на која медицинска сестра вакцинира повозрасно лице кое седи на трактор покрена дебата на социјалните мрежи, па сметам дека е добро јавноста да ја знае позадината на целата случка, вели министерот за здравство Венко Филипче.

Но фотографијата и покрај објаснувањата на Филипче покрена големи реакции во мрежите:

COVID 19

Утре стигнуваат 100 000 дози Фајзер, а во недела 500 000 дози Синовак

Во текот на утрешниот ден се очекува испорака на 100.000 вакцини „Фајзер“ преку механизмот Ковакс, а в недела стигнуваат 500.000 вакцини „Синовак“, кажа денеска министерот за здравство Венко Филипче.

Кинеските вакцини стигнуваат со два авиона во 14 и во 16 часот по 250 илјади дози во секој. Направен е план за складирање на две места, во Поликлиниката „Јане Сандански“ и на Институтот за судска медицина каде што има доволно капацитет да се сместат во ладните соби. Непосредно по добивање на дозволата за пуштање на сериите во промет, верувам дека тоа ќе биде в понеделник или во вторник, ќе се дистрибуираат ширум државата. Во однос на планот за вакцинација, очекувам дека околу 180.000 граѓани кои се пријавени а сеуште невакцинирани, да бидат вакцинирани во следните дваесет дена. Исто така, следува приоритетна вакцинација на наставниците како сите ученици би можеле од септември да се вратат на настава со физичко присуство во училиште. Апелирам уште еднаш граѓаните кои се немаат пријавено за вакцинација да го направат тоа на vakcinacija.mk, информираше Флипче.

COVID 19, Инфо +

На 14 мај ќе стигнат 38.400 вакцини од „Астра Зенека“, обезбедени преку Ковакс

Скопје, 11 мај 2021 (МИА) – Добивме уште една добра вест од УНИЦЕФ попладнево. На 14 месецов ќе стигне втората пратка вакцини што ги обезбедивме преку КОВАКС механизмот и ќе ни бидат испорачани 38.400 вакцини од производителот „Астра Зенека“, објави попладнево министерот за здравство Венко Филипче на својот фејсбук профил .

Вакцини, посочува министерот, ќе продолжат да пристигнуваат во следниот период.

-Апелирам сите граѓани да се пријават за вакцинција на www.vakcinacija.mk , напиша Филипче.